Ịrịka 19:13 - IWE ỌNỊNỊ

¹³ Aza anaa kanyị oku ọza, dị ẹ yị hụ enyi ana a sị atịtọ vahụra dị ẹ nị nị, ẹnịnị ẹ ra du irehi Ẹnẹyịmavara ẹngụ. Agụvị avọọ asị a ro wa vaka Anisirẹrị nịnị nị.

Ịrịka 19:13 ပူးပေါင်းရင်းမြစ်များ

Ọyịkụra 30:33

Ọza ana àa vavọọ na mẹ ẹngụ angwẹ ọnọọ, à vị ka dị ọ̀ na ká a kú ọza ẹnẹ ẹ̀ yị vị ohirẹsụ irehi amị, ọza ọnọọ ọ̀ yẹ ka ẹ yị kụkụ vị ịnị aza amị ọnị yà.”

Ụhịrẹyị 14:32

Ebira odivi aza ọhịmị e vu wa ẹtẹ nị ama ebira aza ọyịza ọọ̄ dọ wa tụ nị.

Ezikẹẹrị 44:26

Ohirẹsụ irehi Ohomorihi ọ̀ọ vavọọ du ẹngụ anị ẹngụ, ọ́ vaa sị ẹkụhị ịhịmba tịtẹ yị ẹngụ anị dị ọ̀ kụkụ va nị ọ̀yị kụkụ mẹ̀ ụkọrọ Ohomorihi.

Ireevi 15:31

Ẹnẹyịmavara ộ kà a yị Imosiisi ka ọ̀ kà Anisirẹrị nịnị ọnọ ịnị ịpa ịdọtị ẹnịnị agụvị à sị ẹnịnị ne du irehi anị ẹngụ. Irehi anị ọnọnị vị ana ya ịnị akakana udi ịzị aza hi. Ẹnịnị ẹ̀ẹ vavọọ mẹ, vị ọnị aa wụ̀ wa nị.

Ireevi 20:3

Ọnị nyẹmba vaa và eyi ịrazịị ka ọza ọnọọ dị ọnị é yi kuku rò o vaka aza anị, agụvị ka ộ sị ọnya ịnị ezi anị mẹ Imorẹkị ẹyịza. Ịsị ọnị ọ́ mẹ avọọ vị ọnị ọ sị du aha ana aā yaa hẹkẹ ọnị ẹngụ, dị ẹ rẹ sị mẹ̀ ụhị nyị ịrẹha ọnịnị anị nị.

Ireevi 22:3

Ọ kà Imosiisi ọ̀ kà a yị wa ka, àa nyị ọza ọnyọọnyị ịnị ẹnị evere Eerọnị ana na kanyị ịsa ana Anisirẹrị nịnị sị tụ irenyi ka à sị yị ọnị, dị ọnị ụvọta ẹ̀ yị nị nị, ọza ọnọọ ẹ́ yị ma vana kụkụ vẹ ịnị ụta ịsọvọ anị va mẹ̀ ụkọrọ pooro, ọnị ọ vị Ẹnẹyịmavara nị.

Ireevi 22:4

À sị a nyị evere Eerọnị ana nyị ụkụ ọbanyị à vị ọnị enyi ẹngụ ọnọrụ anị aa và ana rị ịsa a sị tụ irenyi yị ọnị, ẹ̀ yị vị ịhị ọza ọnọọ sị nị, ohirẹsụ irehi Ohomorihi ọnyọọnyị ẹ́ yị kụkụ nị àa vị ka ka ọ́ọ kanyị oku, à vị ka ọ́ọ và enyi ẹngụ ọnọrụ anị hi ẹngụ.

Ireevi 5:17

Ọza ọnyọọnyị òo nyeeyi jịnẹ ọda Ẹnẹyịmavara, ọza ọnọọ ọọ mẹ̀ ịvị, ọ vaa rị ụya anị.

Ireevi 5:3

Ọza òo nyeeyi sị ẹngụ kanyị ịsa ịnị ẹngụ ọza, ịsa tụra ịsa ọnị ọọ vị, dị ọ vị ịsa ẹnẹ ẹ yị nị jị oze ịnị ịrẹyị ahẹkẹ nị, ịjị ọọ yẹ ịsị ọnị mẹ kẹnẹ, ọ sị ịvị rị.

Ireevi 5:6

Ọ vaa sị atẹmẹ ọnya avị ẹvụ vaa mẹ̀ ịsọvọ ịvị anịị hi Ẹnẹyịmavara. Ohirẹsụ irehi Ohomorihi vaa sị ịsụpa ọnọọ mẹ̀ ịsọvọ yị ọza ọnọọ, dị a vagu ịvị ọnị ọ mẹ.

Ireevi 7:20

Ama ọza ẹnẹ ẹ̀ yị nị, ọ̀ọ rị uye ana a sị mẹ̀ ịsọvọ ọ̀yị pe Ohomorihi varẹma me uzee aanị, ọza ẹ̀ yị ma vana za a ịrịka vaka aza Ohomorihi.

Ireevi 7:21

Ọza ọnyọọnyị ọ̀ọ kanyị ịsị ẹnẹ ẹ̀ yị nị, ọ̀ọ vị ịsị ịnị ẹngụ ọza, ọ̀ọ vị ịsụpa ẹnẹ ẹ̀ yị nị, ọ̀ọ vị ịsị eenyisi ọnyọọnyị, dị ọ va rị uye ịsụpa ana a sị mẹ̀ ịsọvọ ka è si pe Ohomorihi mẹ uzee aanị nị, ọza ẹ̀ yị ma vana za ọza ọnọọ ịrịka vaka aza Ohomorihi.

Ịrịka 15:30

Ama ozi ẹtẹ ọnịrị anikinami ana aa sị ayị ọvị du Ẹnẹyịmavara vị ana a vaa wụ̀ ọ,

Ịrịka 19:14

Ọza òo su ịnị ajẹngụ, ọda ana za ẹ yị; avaba aza ana ya ajẹngụ ọnọọ ọnịrị avaba aza ana ngụ ịzọọ ịnị ụmẹ ọnọọ ẹ yị nị. Ẹ vaa za ido anị ẹkụhị ịhịmba.

Ịrịka 19:18

Ọza ana ra vara ọnịnị ọ sị avọ́ ọchị ana hị́ ihisohu dị ọ jị ọ ngụ enyi dị ọ chesẹ avaba ịsa ene hi ịnị ajẹngụ Ẹnẹyịmavara ne beri aza ene hi ịzọọ, ọza ana sị ụvọ ka nyị oku, a vị awụ ọ nị, a vị ka vị o su usu ozu anị nị, avị ka wa sị ụvọ ka nyị ẹchụkụ ọza, avị ikuta.

Ịrịka 19:19

Ịhị ana tụ ọ ẹkụhị ọhụta ne beri ẹkụhị ịhịmba ọza ana sị vara ọnịnị o che enyi sẹ aza ẹnẹ nị ẹngụ. Ịhị ana tụ ẹkụhị ịhịmba aza vara ọnịnị ẹ nyịna awuru ẹnịnị, dị ẹ hụ̀ enyi, oruva ọnọọ ẹ va vara ọnịnị.

Ịrịka 19:20

Ama aza ẹnẹ nị, dị ẹnịnị ẹ yị nyịna ẹngụ ẹnịnị, ẹnịnị ẹ yị kụkụ va yị ịnị evere Anisirẹrị nịnị, agụvị ka ọ ra vara irehi Ẹnẹyịmavara ịsa ịdọtị. Enyi ana sị vara ọza ọnịnị, ee yi chesẹ wa ẹngụ.

Ịrịka 19:9

Ọza ana àa nị ọ́ zụ na kụ́ atịtọ imaaru ana a rị ịra aanị ne hì ịrẹma okokoro ajẹngụ ẹnịnị. Atịtọ ọnọnị vị ana aā kụ́ hi aha ana nị agụvị aza ẹẹ ka a vahụra enyi dị ẹ hụ ọ nyịna ẹngụ ẹnịnị hụụnị ịvị ọnị ẹ mẹ.

Ịrịka 8:7

Imosiisi o che irenyi sẹ wa ẹngụ dị ọ nyịna ịvị ẹnịnị kwooze. Dị ọ̀ ka yị wa ka ẹ kụ avaba ẹyị ene hi ịnị ẹngụ ẹnịnị dị ẹ nyịna achị ẹnịnị.

Ịrịka 9:13

Àa nyị ọza ọnị ẹ yị nị, a vị dị ẹ yị jịnẹ nị, dị o yi ka ọnị ẹ yị rị eche ọnọọ nị, ọ vaa rị ụya ịvị anị, kụkụ vaa za ọza ọnọọ ịrịka beri aza Ohomorihi agụvị ka ẹ yị sị ịsọvọ va yị Ẹnẹyịmavara ịnị ụmẹ anị.

Ịjọọnụ 8:24

Agụvị avọọ, mị kà a wụ nịnị ka u vee súu tụ́ ịnị ịvị awụ nịnị. Wẹ̀ yị dọ mị wụ́ nịnị ka ‘Ẹma vị Ẹmị’ nị, vi u vee súu tụ́ ịnị ịvị awụ nịnị nị.”

Anihiburu 10:29

Ọ̀ọ vavọọ yà, zama a dị a re ẹngụ ụya ene vee tù aza ana àa sị eyi wụ Ozi Ohomorihi, agụvị ka anya oni Ijeesu sị hị́ eku, dị ọ sị vara ọza anị ọnịnị, ee ree ịsa ịyẹyẹ. Ọ rẹ sị eyi wụ Ụhwẹ Ọnịnị anaā mẹ ọyịzaa yị ọza.

Anihiburu 9:10

Ịsa ẹnẹnị vị ịrẹyị ịsọyịrị ọnịrị ịsa oyihú ne beri ẹngụ irenyi-irenyi ọyịnyịna. Avaba ẹnẹẹ vị ịsa ịnị ẹhẹ ọnọnị kẹnẹ, ana ahịka ụmẹ chee ẹ jẹẹ yị nị, dị Ohomorihi ọ̀ va vara avaba ịsa ọwọọwa.

Ẹtore 21:8

Ama anangwahi ọnịrị aza ẹnẹ ẹ̀yị vị ọdọwụ, beri aza ana aā mẹ̀ ịsa enyisi, ọnịrị ọwọza nịnị beri ọsẹrẹka nịnị beri ẹnẹbẹ ọnịrị aza anaā hẹkẹ ori, ọnịrị avaba onireche nịnị vaa nyị aha ẹnịnị ini adagu ịra anaa sị ohuru tụ́; ọnọọ ọ vị isu ụpẹ ọhụva nị.”

Ẹtore 22:11

Ọza ana àaa mẹ̀ ịsa odivi, ọ̀ yịị mẹ̀ ẹ na! Ọza ana àaa mẹ̀ ebira ịdọtị, ọ̀ yịị mẹ ịdọtị anịị na! Ọza ana àaa mẹ̀ ebira Óhomorihi, ọ̀ yịị mẹ̀ ẹ na!”

Ẹtore 22:15

Eyi ẹhẹ ẹ́ngụ aza ẹnẹnị vee hi nị: aza edivi nịnị ọnịrị ẹnẹbẹ nịnị beri ọsẹrẹka nịnị ọnịrị ọwọza nịnị ne beri aza ana aa hẹkẹ ori, ọnịrị aza ene sì ịrẹyị ireche, di e re yee cheeche.