Ịrịka 19:12 - IWE ỌNỊNỊ

¹² Aa nyị ka ẹngụ aza ẹnẹẹ ẹ hụ enyi ana sị atịtọ tụ́ ịhị ẹ tụ ọ ẹkụhị ọhụta ọnịrị ẹkụhị ịhịmba, dị ẹ nị ịhị. Ama ẹnịnị ẹ̀ẹ yị vara ẹngụ ẹnịnị ọnịnị ịnị ẹkụhị ọhụta ọnịrị ẹkụhị ịhịmba, ẹnịnị ẹ yị nị.

Ịrịka 19:12 ပူးပေါင်းရင်းမြစ်များ

Ahẹ Ụgama 51:7

Navọ wa sị avị ana aā hị́ ihisopu dị wa sị nyịna mị dị ma zụ nị̄ hụụnị ebira odivi amị. Mị ka navọ wa nyịna mị dị ma nị nịkị-nịkị hụụnị ebira odivi amị.

Ọyịkụra 19:11

di e tenyi ẹngụ tịtẹ ịhyẹgwẹta anị. Kà a ka ịhị ọnọọ, ẹmị Ẹnẹyịmavara vee chii hi ịrẹsụ ataba Ịsịnayị éyi avaba ẹnịnị.

Ọyịkụra 19:15

Di Imosiisi kà a yị wa dị ọ ka, “Tenyi ẹngụ awụ nịnị ne tù uhurenyi. Asị a nyị ọza ene tere pè ọnẹẹ.”

Ezikẹẹrị 36:25

Ọnị vee che enyi ana nịị sẹ ẹwụ nịnị ẹngụ, dị ọnị nyee avaba ịdọtị ori awụ nịnị kwooze. Ọnị re vee nyee avaba ịsa ana vọ ene du wu nịnị ẹngụ kwooze.

Ihoseya 6:2

O yi vee ku dị Ẹnẹyịmavara ọ va ẹnị nọ udi ẹnịnị agụvị dị ẹnị ẹ ra di oo re wa.

Ireevi 14:7

O vee che ọnọọ sẹ ọza ana nyị ka à nyịna ịdọtị ụkụ ana za a aanị kwooze, dị ọ̀ va ka a ka ụkụ anị ọọ tá. Ọ̀ọ sị ọsọnị mẹ, dị ọ hụrẹ inomi ana vọ aanị ụvọ dị ọ hira na ngụ avị.

Ireevi 7:17

Ama uye ịsọvọ ọnọọ ọ̀ọ vọ tu ịhyẹgwẹta anị, à rị ọ ịra.

Ịrịka 31:19

Avaba aza ana wụ́ ọza, a vị aza ana sị ụvọ kanyị oku vee hí ịrẹma ẹkụra ẹkụhị ịhịmba. Ịhyẹgwẹta anị ẹ mẹ ẹngụ ẹnịnị ọnịrị ẹnyẹnẹẹ ẹnẹ kụ́ vẹ ọnịnị.

Odeyi 15:9

O yi sị eyi irenyi re ẹyịrị wa. Ộ mẹ ayị ẹnịnị ọnịnị, agụvị ka ệ sị ayị tụra a.

Ẹtore 7:14

Dị mị ka: Nda, mẹ yị yẹ, ẹwa yẹ nọ. Dị ọ kà a mị ka: Aza ẹnẹnị ẹ vị aza ana sị ụya ọbanyị há va jịnẹ, dị ẹ nyịna awuru ẹnịnị ịnị anya Ozi Atẹmẹ ọnọọ, dị ẹ kụkụ aa vwẹtẹ sẹnẹ-sẹnẹ nị.