Ịrịka 19:11 - IWE ỌNỊNỊ

¹¹ Aza anaa sị ụvọ kanyị oku, ẹ yị nị. Aa nyị ka o jị obori ẹnịnị ẹkụhị ịhịmba.

Ịrịka 19:11 ပူးပေါင်းရင်းမြစ်များ

Ayịsaya 52:11

Re ka waa hụrị Ịbabịrọnị nịnị. Avaba ẹwụ nịnị anaā za ẹnya ene hi ini Irehi Ohomorihi! A sị ụ sị ụvọ kanyị ịsa ẹnẹ ẹ̀ yị nị nịnị. Jịnẹ hụụnị akakana ẹnịnị nịnị. Vara ẹngụ awụ ọnịnị.

Arụwẹ 4:14

Ọnịsẹ ọnịrị ohirẹsụ irehi Ohomorihi ẹnịnị vị anaa ngụ ubooro zịịzị anka ogweyi avọọ. Anya aza ẹnẹ mẹ̀ ka a wụ̀ vị ene che ku wa, dị o du wa ẹngụ. Ẹ yị nyị ọza ana kụkụ dọ ka ọnị ọ hyakụ sị ụvọ kanyị wa awuru.

Ezikẹẹrị 39:12

Ọ vaa mẹ ụhwẹ ịhịmba dị Anisirẹrị nịnị ve zụ ne oku ẹnịnị ta, dị ẹtẹ ẹnịnị ọ̀ kụkụ zụ varẹma nị.

Ezikẹẹrị 44:26

Ohirẹsụ irehi Ohomorihi ọ̀ọ vavọọ du ẹngụ anị ẹngụ, ọ́ vaa sị ẹkụhị ịhịmba tịtẹ yị ẹngụ anị dị ọ̀ kụkụ va nị ọ̀yị kụkụ mẹ̀ ụkọrọ Ohomorihi.

Ireevi 11:31

Ẹsẹnị ẹ vị ịsa eenyisi yị wụ nịnị ịnị avaba ịsị ẹ sị ahụ ọnịrị ụvọọ zị nị. Ọza tụra ọza ana àa kanyị oku ẹnịnị ọ sị ẹngụ anị du ẹngụ pooro naa ngụ oruva.

Ireevi 21:1

Ẹnẹyịmavara ộ kà yị Imosiisi ka ọ jị ido ẹnịnị yị ezi Eerọnị ana ohirẹsụ irehi Ohomorihi. Ộ ka enyisi ọ vị nị ka ọza ẹnyẹnyị ẹnịnị ọ kanyị oku anda ẹnịnị eni ee su.

Ireevi 21:11

Ọ yị vaa gụrị oku ọ daka vị ada anị ọ vị ọnyị anị agụvị asị o du ọ ẹngụ.

Ireevi 22:4

À sị a nyị evere Eerọnị ana nyị ụkụ ọbanyị à vị ọnị enyi ẹngụ ọnọrụ anị aa và ana rị ịsa a sị tụ irenyi yị ọnị, ẹ̀ yị vị ịhị ọza ọnọọ sị nị, ohirẹsụ irehi Ohomorihi ọnyọọnyị ẹ́ yị kụkụ nị àa vị ka ka ọ́ọ kanyị oku, à vị ka ọ́ọ và enyi ẹngụ ọnọrụ anị hi ẹngụ.

Ireevi 5:2

Ọza òo nyeeyi sị ẹngụ kanyị ịsa ẹnẹ ẹ yị ịnị jị oze ịnị ịrẹyị ahẹkẹ, ọ̀ọ vị oku ịsụpa à vị uye ịnị avị ẹnẹ ẹ̀ yị nị, ọ̀ọ daka vị ka ọza ẹ́ yị yẹ, ọnị ụvọta ẹ́ yị kụkụ nị, ọ́ rẹ sị ịvị rị bẹẹ.

Ịhagayị 2:13

Dị Ịhagayị rẹ họ̀ wa use ka, ọza ọ̀ọ kanyị oku ene du ọ ẹngụ, ọza ọnọọ ọ̀ọ kanyị ịsọyịrị ẹnịnị, vị́ ọ́ọ́ zụ mẹ ka asị ịsa ẹnẹẹ kụkụ vị ọnịnị nị? Dị ohirẹsụ irehi Ohomorihi nịnị ka, hee nị.

Ịrịka 19:16

Ọza tụra ọza ana sị ụvọ kanyị ọza ana a sị ụhwọ wụ́ ẹhẹ, a vị ọza ene su usu ozu anị, a vị ka vị o su nị, a vị ka wa sị ụvọ ka nyị ẹchụkụ ọza, a vị ikuta, ẹ yị nị ẹkụhị ịhịmba.

Ịrịka 31:19

Avaba aza ana wụ́ ọza, a vị aza ana sị ụvọ kanyị oku vee hí ịrẹma ẹkụra ẹkụhị ịhịmba. Ịhyẹgwẹta anị ẹ mẹ ẹngụ ẹnịnị ọnịrị ẹnyẹnẹẹ ẹnẹ kụ́ vẹ ọnịnị.

Ịrịka 5:2

ọ̀ ka yị Anisirẹrị ka ẹ dụ ọza ana nyị ụkụ ana zụ da gẹ ọza anka ụkụ ọbanyị ọnịrị ọza ana nyị ịtahụ anaa va enyi beri ọza ana kanyị oku hụrẹ ẹngụ.

Ịrịka 6:6

Ẹnịnị rẹ vaa sị ụvọ kanyị oku ene su pooro ịnị avaba ẹhẹ ẹnịnị.

Ịrịka 9:10

ọ ka yị ịragụ Anisirẹrị ka, ụmẹ tụra ụmẹ ọnị àa nyị ọza ẹnẹ ẹ yị zụ rị eche ọyịparahu agụvị ka ọ̀ kanyị oku ene du ọ ẹngụ, a vị ka ọ jịnẹ na aha onoze, ọ zụ varẹma rị ọ.

Ịrịka 9:6

 nyị aza ẹnyị ịnị ẹngụ Anisirẹrị ẹnẹ ẹ yị rị eche ọyịparahu beri aza ana vọ. Ẹnịnị ẹ kanyị oku ọza ene du wa ẹngụ. Dị ẹnịnị họ̀ Imosiisi ọnịrị Eerọnị ka,

Odeyi 21:26

Dị Ịpọọrụ sị aza ẹnẹẹ, eyinẹhẹ anị dị ọnịrị wa vara ẹngụ ẹnịnị ọnịnị nị. Dị ẹ nọ ini irehi Ohomorihi nị, agụvị aza ẹ̀ yẹ ka ịhị ẹnị vaa vara ẹngụ ẹnịnị ọnịnịị ta. Ịhị ẹkụhị ọ̀ọ sị gụ, dị a mẹ̀ ịsọvọ yị ọzịnya-ọzịnya ẹnịnị.

Odeyi 21:27

Ịjị ẹkụhị ịhịmba ọnọọ aa vaa gụ, Aniju ẹnyị ana hụrẹ ẹtẹ Esiya vẹ, ê re Ịpọọrụ ini irehi Ohomorihi. Dị ẹ wụsẹ tụ́ ọkọnị aza ịrẹyị, dị ẹ za Ịpọọrụ nị.

Aniroomi 5:12

Oze ịnị ụvị ọza ịnya ịvị zị ngụ ịnị ẹhẹ nị, di isu saasa ịvị ọnọọ vẹ nị. Hụrẹ ịhị ọnọọ avaba aza kuku ee sú nị, agụvị ka avaba ẹ sị ịvị mẹ.

2 Anịkọrịntị 6:17

Agụvị avọọ dị Ananyị yị rẹ kà a ka: Jịnẹ hụụ ịdị ẹnịnị, sị ẹngụ awụ nịnị tụ́ irenyi kwooze yị wa. Asị ụ sị ụvọ kanyị ịsa eneē du ọza ẹngụ nịnị. Ịjọnọọ ọnị vaa dọ wụ nịnịị pe ẹngụ.

Anẹhwẹsọsị 2:1

Ịyẹẹyẹ, wê vịdị wusu nịnị agụvị akamawụ ọnịrị ịvị ọnị ụ waa mẹ nịnị.

Anihiburu 9:14

Anya uye ẹnẹ ẹ̀ẹ zụ mẹ ka aza ẹ̀ nị, ọnọọ ọ́ọ sị zụ̀ ka anya Ikirisiti ọ́ọ nyị ụkata hu avọọ ẹtẹẹtẹrẹ. Ẹngụ anị ụvọta ẹnẹ ẹ̀ yị nyị ịvị ọ sị mẹ ịsọvọọ yị nị ini oze Ụhwẹ Ọnịnị ana yàra pooro zịna-zịna. Agụvị avọọ ộ nyịna ayị ayị nị, ka asị ị kụkụ na mẹ ịvị, anaā sịị ọza nee sú; ama dị ya kụkụụ hẹkẹ Ohomorihi ana yára.