Ịrịka 19:10 - IWE ỌNỊNỊ

¹⁰ Ọza anaa kụ́ atịtọ ọnọnị gụ vị ọnị ọnị rẹ vaa nyịna achị anị, dị ọ hụ enyi. Ọnị ọ yị rẹ nị pooro ngụ oruva anị. Ọda ọnọnị vị ana ya ịzọọ pooro ya Anisirẹrị nịnị ọnịrị anikinami anaa ra beri wa.

Ịrịka 19:10 ပူးပေါင်းရင်းမြစ်များ

Ọyịkụra 12:49

Ọda ọnyọọnya ọ za ozi ẹtẹ ọnịrị ọzọga ana ra pè wa nị.

Ireevi 11:25

Ọza tụra ọza anaaa sị oku uye ẹnẹnị ẹnyẹẹnyị vanaa nyịna ịta anị, ama naa ngụ oruva ịhị ọnọọ, ọ sị ẹngụ anị du ẹngụ.

Ireevi 14:46

Ọza tụra ọza ana àa ngụ irehi ọnọọ ụmẹ ene e sị gu oze hi ọ, ẹ́ yị kụkụ nị pooro dị oruva ò tù.

Ireevi 16:28

Ọza ana na rị wa ịra vaa nyịna ịta anị, dị ọ hụ enyi, dị ọ̀ va vavẹ va ngụ udi ẹnịnị.

Ịrịka 19:19

Ịhị ana tụ ọ ẹkụhị ọhụta ne beri ẹkụhị ịhịmba ọza ana sị vara ọnịnị o che enyi sẹ aza ẹnẹ nị ẹngụ. Ịhị ana tụ ẹkụhị ịhịmba aza vara ọnịnị ẹ nyịna awuru ẹnịnị, dị ẹ hụ̀ enyi, oruva ọnọọ ẹ va vara ọnịnị.

Ịrịka 19:21

Ọda ọnọọ nị va naa va sị ahụ chire pooro. Ọza ene che enyi sẹ aza ẹngụ ọyị vara wa ọnịnị ọnị ọ rẹ bẹdọ nyịna ịta anị, aza ana sị ụvọ kanyị enyi ana sị vara aza ọnịnị ẹ yị va nị pooro di oruva o tu.

Anikorasi 3:11

Agụvị avọọ ẹ yị kụkụ nyị ka ọsọnị ọ vị Anigiriki, dị ẹsẹnị vị Aniju nị. Ẹ yị rẹ nyị ịrẹyị ka aza ẹnyị ẹ́ẹ jị ụvẹvẹnẹ, ọsa ẹ yị jị. Ẹ yị nyị ka aza ẹnyị ẹ yị nyị eyohweyi; ẹ yị nyị ịrẹyị ọrịhị, àa vị ozi. Ịsị ẹ vị ịrẹyị obooro ọ vị Ikirisiti nị. Ọnị ọ vị avaba ịsa nị.