Ịrịka 18:9 - IWE ỌNỊNỊ

⁹ Aza vaa sị ịsa ịsọvọ vẹ idi anị. Ịsa ịsọvọ ẹnẹẹ ẹ zụ vị ịsọvọ ayị, a vị ịsọvọ ịvị. Aa nyị ịpa ịsa ịsọvọ ọnị ọza ẹ yị rị ịra ana vị Eerọnị, ama avaba ịsa ana vọ anaā sịị vẹ vị Eerọnị ọnịrị ezi anị.

Ịrịka 18:9 ပူးပေါင်းရင်းမြစ်များ

2 Ohinọyị 12:17

Ụmẹ avọọ gẹdẹ-gẹdẹ, Ihazayẹrị, ohinọyị Isiriya ộ kụ́ ịrẹkụ ne tu ẹkụra ana aā hị́ Igati, dị ọ nyị ẹbẹẹba ẹnịnị nị. Ama ịjị ọ rẹ ka ọnị aa kụ́ ịrẹkụụ nọ Ijerusarẹmị,

Inehemaya 10:36

Ozi ọnọrụ ịpaapa ana ma ịnị ovwoovu vị ana aa sị nọ ịnị irehi Ohomorihi, dị ohirẹsụ Irehi Ohomorihi nịnị ẹ̀ sị ọ chire Ohomorihi ụvọ anka ọda Ohomorihi mẹ ka a. Avọọ a mẹ raa mẹ̀ ozi ịpaapa Imaaru, atẹmẹ ọnịrị ẹvụ nị.

Ezikẹẹrị 42:13

Ezikẹẹrị ka ọnọrụ ọnọnị ộ kà a yị ọnị ka, irehi ẹyịva ọnị ọnya yà eyi ẹbẹẹba, dị ọsa ya eyi-ụvẹtẹ vị Óhomorihi o. Ịzọọ ohirẹsụ Irehi Ohomorihi anaā nọ ọvịdị Ẹnẹyịmavara vaa ngụ naa rị ịsị ịsọvọ ana vị Óhomorihi ịnya kẹnẹ nị; ka irehi ẹnẹnị vị Ohomorihi, ịzọọ a vaa kụ ịsa ịsọvọ ana vị Óhomorihi ịnya kẹnẹẹ hi nị. Ẹngụ akụ ana asị mẹ̀ ịsọvọ, ịsị a sị mẹ̀ ịsọvọ agụvị ka ọza ộ mẹ̀ ebira odivi ọnịrị agụvị ka ọza ộ rị ịvị, vị ana a vaa kụụ hi ịzọọ.

Ezikẹẹrị 44:29

Ịsọyịrị ana a sị va mẹ̀ ịsọvọ, ọnịrị ịsị a sị va mẹ̀ ịsọvọ ịvị beri ịsị a sị va mẹ̀ ịsọvọ ọyị si ụta varẹma ẹ vaa vị ịsọyịrị ohirẹsụ irehi Ohomorihi nịnị. Avaba ịsa ana àa sị tụ irenyi yị ọnị Ẹnẹyịmavara ịnị ẹtẹ Isirẹrị vị ana a vaa sịị yị wa.

Ireevi 10:17

Sị́ ẹ́ vẹ dị wẹ̀ yị yà aha ọnya ịnị ẹkara ajẹngụ Ẹnẹyịmavara dị wa rị ịsị ịsọvọ ịvị ọnọnị nịnị? Ịsa ọyịrị ọnịnị ọ́ vị̀ nị, dị Ẹnẹyịmavara sị yị wụ nịnị nị, agụvị à sị kụ́ ịvị ịragụ aza anị kwooze nị.

Ireevi 14:13

Ọ vaa wụ̀ ozi atẹmẹ ọnọọ ịzị ẹ yaā wụ ịsị ịsọvọ ịvị ọnịrị ịsị ịsọvọ ana aā rị ịra, aha ana a nyị ka à yaa mẹ̀ ẹ; ịsị a sị mẹ̀ ịsọvọ agụvị ka ọza ộ rị ịvị, vị ohirẹsụ irehi Ohomorihi anka ịsị ịsọvọ ịvị avọọ. Ịsa Ohomorihi ịnya kẹnẹ ọ vị nị.

Ireevi 2:10

Ịsị ẹ̀ẹ vọ ịnị ịbụrẹdị ana sị va mẹ̀ ịsọvọ aanị vị ẹẹnị ohirẹsụ irehi Ohomorihi. Ịsa Ohomorihi ọ vị nị agụvị ka ana vọ ẹtẹ ịnị ịsọyịrị ana sị va mẹ̀ ịsọvọ yị Ẹnẹyịmavara yọ nị.

Ireevi 22:11

Ama ọrịhị ọnị ohirẹsụ irehi Ohomorihi ọ̀ọ sị ẹkẹhị anị hị́, à vị ẹnị ana a ma ịnị eehi anị ẹ zụ rị ịnị ịsị ọyịrị ana a sị yị ọ.

Ireevi 22:7

Ịjị ọyị ọ̀ọ sị ngụ ẹtẹ, ọza ọnọọ vaa nị; ị́rẹma anị, ọ kụkụ zụ rị ịnị ịsa ọnịnị ọnọnị, agụvị ka ịsọyịrị anị ẹ́ vị nị.

Ireevi 4:22

Àa vị ọdọvịdị ẹkụra o nyeeyi jịnẹ ọda Ẹnẹyịmavara dị ọ sị ịvị mẹ̀ nị,

Ireevi 4:27

Àa vị ọza ịnya ịnị aza kẹnẹ ana vọ, o nyeeyi jịnẹ ọda Ẹnẹyịmavara, dị ọ sị ịvị mẹ̀ nị,

Ireevi 5:1

Ọza ọ̀ọ mẹ̀ ịvị agụvị ka â hị́ ọ ka ọ̀ va dọ ivenu ịnị orere, dị ó yi ka ọnị ẹ́ ị kà ịrẹyị nị, ọza ọnọọ vaa rị ụya anị.

Ireevi 5:6

Ọ vaa sị atẹmẹ ọnya avị ẹvụ vaa mẹ̀ ịsọvọ ịvị anịị hi Ẹnẹyịmavara. Ohirẹsụ irehi Ohomorihi vaa sị ịsụpa ọnọọ mẹ̀ ịsọvọ yị ọza ọnọọ, dị a vagu ịvị ọnị ọ mẹ.

Ireevi 6:17

Ọnọọ vị ọnị Ẹnẹyịmavara sị yị ohirẹsụ irehi Ohomorihi nịnị ịnị ịsọyịrị ana a sị va mẹ̀ ịsọvọ yọ. Ẹnẹyịmavara ịnya kẹnẹ ọ nyị nị anka ịsị a sị va mẹ̀ ịsọvọ ịvị ọnịrị ọ yị sí ụta varẹma avọọ nị.

Ireevi 6:19

Dị Ẹnẹyịmavara kà a yị Imosiisi ka,

Ireevi 6:30

Ama ẹ́ yị nyị ịsụpa ana a sị mẹ̀ ịsọvọ ịvị, ana a sị anya anị ngụ ịnị irehi Ohomorihi naa mẹ ịdanbono ẹvagu ịvị yị aza ana a vaa rị. Vị́ a vaa rị avaba anị ịra saka-saka nị.

Ireevi 7:1

Ọda ẹnẹnị a vaa sị mẹ̀ ịsọvọ ọyị si ụta varẹma nị. Ịsa Ohomorihi ịnya kẹnẹ ọ vị nị.

Ireevi 7:6

Ezi ọnọrụ hụụnị ovwoovu ohirẹsụ irehi Ohomorihi nịnị ẹ vaa rị uye ọnọnị ana vọ nị. Ịsa Ohomorihi ọ vị̀ nị, agụvị avọọ aha ana a kà yàa rị ọ, a vaa yaa rị ọ nị.

Ireevi 7:7

Ịsị a sị mẹ̀ ịsọvọ ịvị aza ọnịrị ịsa ịsọvọ ọ̀yị sí ụta varẹma vị ọnyọọnya, ọda ọnyọọnya ọ za ẹnị ẹyịva nị. Ohirẹsụ irehi Ohomorihi ana sị wa vẹ ịrẹsụ ụta, ọ nyị uye anị nị.

Ịrịka 18:10

Ẹnẹyịmavara kà ẹ̀ rị ẹngụ ịsa ịsọvọ ẹnẹẹ aha ọnịnị kere-kere ịnị ajẹngụ anị. Anọrụ kẹnẹ ịnị ovwoovu anị ẹ zụ rị ọ nị. Ama ẹ tamayị ka ịsa ịsọvọ ẹnẹẹ vị ọnịnị.

Iwe Ọhụhị Imosiisi ana aa hị́ Ọyịvatụrọda 18:1

Imosiisi ộ kà a yị Anisirẹrị ka, Anireevi nịnị ẹ vị ohirẹsụ irehi Ohomorihi nị. Ọza ẹ yị vaa gà ẹtẹ ọnyọọnyịị tù wa Ísirẹrị. Ẹyịza ọnịrị ịsa ịsọvọ ana a sị va yị Ẹnẹyịmavara ẹ vaa rị nị.