Ịrịka 18:8 - IWE ỌNỊNỊ

⁸ Ẹnẹyịmavara kà ọnị aa sị Eerọnị ka o sị eyi pe avaba ẹyịza anaā sịị va yị ọnị. Ọnị aa sị avaba ẹyịza ẹnẹẹ yị Eerọnị ọnịrị ezi anị. Avaba ẹyịza ọnị aa kụ́ vẹ vị ẹnịnị.

Ịrịka 18:8 ပူးပေါင်းရင်းမြစ်များ

2 Ohinọyị 12:16

Ọza ẹ yị ma sị ẹkẹhị ana a sị vẹ ọyị sí ụta varẹma ọnịrị ana a sị vẹ agụvị ịvị tụ́ ịnị apoti ọnọnị. Ohirẹsụ irehi Ohomorihi nịnị ẹ nyị nị.

2 Ịtọpa 31:4

Ihezekaya ộ kà yị ẹnyị ene hi Ijerusarẹmị ka ẹnịnị ẹ sị ịsa ana vị ohirẹsụ irehi Ohomorihi ọnịrị Anireevi nịnị yị wa agụvị ẹnịnị ẹ nyị ụmẹ sị ịrẹyị ọda Ẹnẹyịmavara zụ aza.

2 Ịtọpa 31:5

Obobooro ana a mẹ̀ ọda ọnọnị, ọzọza nyima aa kụ́ ẹyịza hụụnị ịsa ịnị aarẹ ẹnịnị vẹ ịnị irehi Ohomorihi nị. Ệ sị akụ ene zoza, eche, angwẹ orivi, ẹhụ ọnịrị ịsa ịnị aarẹ ẹnịnị ana vọ vẹ.

Ọyịkụra 28:43

Eerọnị ọnịrị ezi anị àa ngụ ịnị ajẹngụ ọnọọ ẹ̀ vụ́ ọvẹntẹ ọnọọ. Ẹ̀ẹ rẹ yàa nọ ịnị ụta, ka ẹnị ẹ̀ na mẹ̀ ụkọrọ Aha Ọnịnị ẹ̀ rẹ vụ ọ. Ẹ̀ yị vavọọ vụ ọ, vị ẹ yaa kụ́ ịvịị tù ẹngụ ẹnịnị di e sú nị. Ido ọnọnị vị ọnị mị jị yị Eerọnị ọnịrị ezi anị ka ẹ̀ si eyi pe e pooro zịna-zịna.

Ọyịkụra 29:21

Dị ụ va sị ana yà ịnị ụta ọnọọ beri angwẹ ana a sị nyị ohirẹsụ irehi amị tụ́ ịnị ụkọrọ, di u che e sẹ́ Eerọnị ọnịrị awuru anị. Rẹ vavọọ che e sẹ́ ezi Eerọnị, ezi anị ọnịrị awuru ẹnịnị kụkụ vị aamị.

Ọyịkụra 29:28

Ẹngụ ọnọọ Anisirẹrị vaa sị vaa yị Eerọnị ọnịrị ezi anị pooro nị. Ịsa ana Anisirẹrị ẹ̀ẹ sị va mẹ̀ ịsọvọ ana aā gàa rị, ẹngụ ọnọọ ẹ vaa gàa tù ẹmị Ẹnẹyịmavara nị.

Ọyịkụra 29:29

Awuru ana Eerọnị aa sịị mẹ ụkọrọọ mị avọọ, ịhị òo sú, ezi anị e vee chire e nị. Ọnị a rẹ vaa sị nyị ezi anị ka ẹ̀ẹ mẹ̀ ụkọrọ mị nị.

Ọyịkụra 40:13

Dị ọ̀ va sị awuru oni ohirẹsụ irehi Ohomorihi chẹrẹẹ mẹ̀ ụkọrọ di ò chire e yị Eerọnị. Dị ọ̀ va ká angwẹ kú ọ di Eerọnị ọ̀ vị ohirẹsụ irehi Ohomorihi. Dị ahịka ụkọrọ ọnọọ kẹnẹ ọ jị ẹngụ anịị yị nị.

Ọyịkụra 40:15

Dị ọ̀ rẹ ká angwẹ kú wa anka ọ mẹ̀ ká angwẹ kú ada ẹnịnị dị ẹ̀ rẹẹ mẹ̀ ụkọrọ yị Ohomorihi anka ohirẹsụ irehi Ohomorihi. Ẹnẹyịmavara kà àa vavọọ sị wa nyị, ịpa ẹnịnị ẹ kụkụ vaa vị ohirẹsụ irehi Ohomorihi pooro zịna-zịna nị.

Ayịsaya 10:27

Ịjị ụmẹ ọnọọ òo si tù, ọ ka ọnị vaa dọ wụ nịnị tịtẹ hụụnị ụvọ Anasiriya, dị ọnị tụ̀ ọkẹẹkẹrẹ ẹnịnịị hụrẹ wụ ọrọkọ. Ọ kà avaba ẹnya ene e kune tụra wụ nịnị vị ọnị ọnị aa dọ vaa ha.

Ireevi 21:10

Ohirẹsụ irehi Ohomorihi ọbanyị vị anaa ka angwẹ hi ịrẹsụ ọnị aa sị nyị ọ ka ọ navọ ka ẹyị anị o ta iyere hị́ ọ ịrẹsụ a vị ka ọ zị ẹngụ oku dị ọ ha awuru anị hi ẹngụ.

Ireevi 23:20

Ohirẹsụ Irehi Ohomorihi vaa sị ịbụrẹdị ọnọọ beri ezi atẹmẹ ẹyịva ẹnẹnịị mẹ̀ ịsọvọ oturenyi yị Ẹnẹyịmavara. Ịsa ọnịnị ẹyịza ẹnẹnị vị̀ yị Ẹnẹyịmavara nị; ohirẹsụ Irehi Ohomorihi nịnị ẹ vaa nyị nị.

Ireevi 6:16

Ohirẹsụ irehi Ohomorihi nịnị ẹ vaa rị ana vọ nị, Ẹ vaa sị mẹ ịbụrẹdị ọnị ọza ẹ yị sị owu tụ, dị ẹ rị ọ ịzị a jị ka àa rị ọọ; ọnị vị ohweje ịnị ajẹngụ Ẹnẹyịmavara nị.

Ireevi 6:18

Avaba ezi ọnọrụ ịpa Eerọnị ẹ zụ rị ịnị ịsọyịrị ana a sị́ va mẹ̀ ịsọvọ yị Ẹnẹyịmavara pooro nị, ọza ẹnẹsa ọ̀ọ na sị ụvọ kanyị ọ, vị ee re ẹngụkata nị.

Ireevi 6:20

Ịhị àa sị ụvọ tụra wa ọyị vara wa ohirẹsụ irehi Ohomorihi, ẹ vaa mẹ̀ ịsọvọ ọnọnị yị Ẹnẹyịmavara: ẹ vaa sị ayị ọyị kwọ ikirogirami ọnyara ọ̀yịmẹ ịsọvọ ịsọyịrị naa yị Ẹnẹyịmavara. Ẹ̀ sị achẹva ẹnẹnẹ, dị ẹ̀ sị achẹva oruva.

Ireevi 6:26

Ohirẹsụ irehi Ohomorihi ana sị ịsụpa ọnọọ mẹ̀ ịsọvọ ịvị vị ana vaa rị ọ aha ana a kà yaa rị ọọ ịnị ohweje ajẹngụ Ẹnẹyịmavara ọ vaa yaa rị ọ nị.

Ireevi 7:14

Ọza ọnọọ vaa sị ikonyi ikonya hụụnị ịbụrẹdị irenyi-irenyi ẹnẹnịị mẹ̀ ịsọvọ hi Ẹnẹyịmavara. Ohirẹsụ irehi Ohomorihi ene chi ịsụpa ana a sị mẹ̀ ịsọvọ aanị ku ụta ịsọvọ ọ nyị ịsọyịrị ẹnẹẹ nị.

Ireevi 7:28

Ẹnẹyịmavara ộ kà a yị Imosiisi ka,

Ireevi 7:6

Ezi ọnọrụ hụụnị ovwoovu ohirẹsụ irehi Ohomorihi nịnị ẹ vaa rị uye ọnọnị ana vọ nị. Ịsa Ohomorihi ọ vị̀ nị, agụvị avọọ aha ana a kà yàa rị ọ, a vaa yaa rị ọ nị.

Ireevi 8:30

Imosiisi ộ sị eturare ọnịrị ana ya ịrẹsụ ụta, dị o po o vabẹ, dị o che e sẹ Eerọnị ọnịrị ezi anị ẹngụ, dị o re che e sẹ ịta ẹnịnị nị. Ọsọnị ọ sị sị wa ọnịrị ịta ẹnịnị tụ irenyi yị Ẹnẹyịmavara nị.

Ịrịka 18:9

Aza vaa sị ịsa ịsọvọ vẹ idi anị. Ịsa ịsọvọ ẹnẹẹ ẹ zụ vị ịsọvọ ayị, a vị ịsọvọ ịvị. Aa nyị ịpa ịsa ịsọvọ ọnị ọza ẹ yị rị ịra ana vị Eerọnị, ama avaba ịsa ana vọ anaā sịị vẹ vị Eerọnị ọnịrị ezi anị.

Ịrịka 5:9

Avaba ịsa ọnị Anisirẹrị ẹ̀ sị va yị Ohomorihi vị ohirẹsụ irehi Ohomorihi ana a tana ẹ yị.

1 Anịkọrịntị 9:13

Ụ wáá ka wẹ yị yẹ ka ọza ana aa mẹ̀ ụkọrọ ini irehi Ohomorihi vị anaā rị ịnị ịsa ana àa sị vẹ ini irehi Ohomorihi nị? Wa rẹ yẹ nịnị ka aza ana a nyị ka ẹ̀ẹ sị ịsa ịsọvọọ mẹ ịsọvọọ yị Ohomorihi vị ana rẹẹ̄ rị ịnị ịsa ịsọvọ ẹnẹẹ.

Iwe Ọhụhị Imosiisi ana aa hị́ Ọyịvatụrọda 12:11

Ẹnẹyịmavara vaa nyị aha ọnya ịzị ụ vaa yaa hẹkẹ ẹ nịnị. Ịzọọ ụ vaa sị avaba ịsa ọnị mị mẹ ọda anịị wụ nịnị, vaa yị Ẹnẹyịmavara nịnị nị. Ịsị ẹnị ụ vaa sị vaa yọ nịnị yị: Ịsa ịsọvọ awụ nịnị ana a vaa rị ịra, ọnịrị ịsa ịsọvọ awụ nịnị ana vọ, achehi ẹẹwụ awụ nịnị ọnịrị ẹyịza ana vọ, beri ẹyịza oturenyi oni u wo oto ka ụ vaa sịị vaa yị Ẹnẹyịmavara nịnị.

Iwe Ọhụhị Imosiisi ana aa hị́ Ọyịvatụrọda 12:6

Ịzọọ ẹ vaa sị ịsa ịsọvọ ọyịrịịra ọnịrị ịsa ana vọ, agẹẹwụ, ẹyịza, ịzẹzẹ, ẹyịza kẹnẹ, ọnịrị ozi ịpaapa ịsụpa ọnịrị imaaru ẹnịnị.

Iwe Ọhụhị Imosiisi ana aa hị́ Ọyịvatụrọda 18:1

Imosiisi ộ kà a yị Anisirẹrị ka, Anireevi nịnị ẹ vị ohirẹsụ irehi Ohomorihi nị. Ọza ẹ yị vaa gà ẹtẹ ọnyọọnyịị tù wa Ísirẹrị. Ẹyịza ọnịrị ịsa ịsọvọ ana a sị va yị Ẹnẹyịmavara ẹ vaa rị nị.

Iwe Ọhụhị Imosiisi ana aa hị́ Ọyịvatụrọda 26:13

kà a yị Ẹnẹyịmavara kà ẹ yị nyị agẹẹwụ anị ana vọ tụ́ wụ irehi. Wa raà sị yị Anireevi nịnị, azọga, ezi-oku ọnịrị esoku anka ọda ana za ịrẹyị ịsa agẹẹwụ.

Anihiburu 1:9

Ịzẹyịza óo zé wu eyi, ama wáa nyị ịhyẹrẹ ịsa edivi; agụvị avọọ Óhomorihi ana vị Ohomorihi awụ nyị wụ, ka ẹwà nyị ụbanyị ọnịrị ịrajẹ huna anda awụ nịnị ana vọ nị.”

1 Ịjọọnụ 2:20

Àa vị ẹwụ nịnị yọ, Ụhwẹ Ọnịnị yà ịnị ayị awụ nịnị; avaba awụ nịnị ọ́ọ yẹ ịzẹyịza.

1 Ịjọọnụ 2:27

Ama àa vị ẹwụ nịnị yọ, Ikirisiti ọ raà sị Ụhwẹ Ọnịnị yị wụ ana yà ịnị ayị awụ nịnị. Agụvị avọọ, ẹ́ yị nyị ka ọza ẹnẹsa ọ̀ọ zụ̀ wụ nịnị oze. Ụhwẹ Ọnịnị anị ọnọọ aa sị oze zụ̀ wụ nịnị ịnị avaba ịsa nị. Ịzẹyịza aa sịị zụ̀ wụ nịnị nị, o me cheeche vụrụ-vụrụ. Agụvị avọọ, anka ọ mẹ zụ̀ wụ nịnị ịsa, ẹwụrị ọ ò dudu rị vabẹ nịnị.