Ịrịka 18:7 - IWE ỌNỊNỊ

⁷ Ama Eerọnị ọnịrị ezi anị ẹ vị ohirẹsụ irehi Ohomorihi ana vaa hẹkẹ ẹ nị. Ẹnị ịnya kẹnẹ ẹ zụ gụrị ụta ịsọvọ, dị ẹ rẹ ngụ aha enyisi nị. Ẹnẹyịmavara kà ẹyịza ọnị mẹ yị wa ka ẹẹ hẹkẹ ọnị anka ohirẹsụ Irehi anị nị. Aza ana vọ ẹ̀ẹ ngụ aha enyisi à wụ́ wa.

Ịrịka 18:7 ပူးပေါင်းရင်းမြစ်များ

Ahẹ Ụgama 115:10

Ẹwụ nịnị aneehi Eerọnị, sị ayị tụra Ẹnẹyịmavara nịnị. Ọnị aa gu wụ nịnị ụvọ di ee sere wu nịnị nị.

Ọyịkụra 28:1

Ẹnẹyịmavara ọ rẹ kà a yi Imosiisi ọ ka kà a ka à sị Eerọnị ẹnẹbẹnị awụ hụụnị Anisirẹrị nịnị va wụ. Kà a ka ọnịrị Inadabi, Abihu ne beri Eriyaza ọnịrị Ịtama ezi anị ẹ̀ zị vẹ. Ẹnị ẹ vaa vị ohirẹsụ irehi amị dị ẹ yaa mẹ ụkọrọọ mị nị.

Ọyịkụra 29:9

dị ụ rẹ jị ẹnị ubobo. Dị ụ vụ Eerọnị ọnịrị ezi anị ụbaja. Ido ọ vị pooro zịna-zịna nị ka ẹnị ẹ vaa vi ohirẹsụ irehi amị nị. Avọọ ụ mẹ̀ vaa nyị Eerọnị ọnịrị ezi anịị tụ́ ịnị ụkọrọ amị nị.

Ezikẹẹrị 44:15

Ẹnẹyịmavara Ochẹtẹẹngụ ka, â nyị Anireevi nịnị ana vị ohirẹsụ irehi Ohomorihi; evere Ịzadọkị ẹ́ vị nị. Ụmẹ ọnị Anisirẹrị nịnị sị va hụụ ịrẹma anị, ohirẹsụ irehi anị ẹnẹnị vị ana yị sị eyi pe irehi anị tụ ịrẹsụ ịzẹyịza. Avọọ, ẹnị kẹnẹ ẹ kụkụ vaa mẹ̀ ụkọrọ anị, dị ẹ yaa sị ụhị ọnịrị ịsụpa ana a sị mẹ̀ ịsọvọ vẹ ọvịdị anị nị.

Ezikẹẹrị 44:16

Ẹnị kẹnẹ ẹ vanaa ngụ ini irehi anị nị. Ẹnị ẹ vanaa mẹ̀ ịsọvọ ịrẹsụ ụta anị, dị ẹ rẹ yaa kụ azaa hẹkẹ ọnị ịnị irehi anị nị.

Ezikẹẹrị 44:8

Ọ kà ẹnịnị é yị si eyi pe ido irehi anị, ama ẹnịnị ệ hụrẹ ẹ ụvọ yị anẹkụra ọsa ka ẹẹ mẹ̀ ẹ.

Ireevi 16:2

Ọ̀ kà a yị ọyịnyara anị Eerọnị ka, à sị ọ sị avaba ụmẹ ngụ aha ọnịnị ịzị a sị ịta jị, agụvị ka ịzọọ ọnị yaā sị ẹngụụ zụ̀ ịnị eguhi, akẹbẹẹba oku apoti oto nị. Ẹ̀ yị saasa ịrẹyị ọnọnị vị ọnị aa wụ̀ ọ nị.

Ireevi 7:35

Ịpa ọnọnị ịnị ịsọyịrị ana a sị va yị Ẹnẹyịmavara a sị yị Eerọnị ọnịrị ezi anị hụrị ịhị ana a nyị wa ka ẹ̀ vị ohirẹsụ irehi Ohomorihi nị.

Ịrịka 1:51

Anireevi nini kẹnẹ ẹ nyẹngụ jị ẹnya ẹnẹẹ hi ẹtẹ dị rẹ varẹma tenyi wa kụ jẹẹ nị. Ọza ẹnịsa enee hira gụrị wa vị anaa wụ.

Ịrịka 16:40

Ịsa ana mẹ aanị vaa ka Anisirẹrị nịnị ọnọ ka ọza kẹnẹ-kẹnẹ ọnị ẹ yị vị evere Eerọnị ẹ yị nyẹngụ nọ ọvịdị Ẹnẹyịmavara na rị eturare ịra ịrẹsụ ụta. Ọza àa vavọọ mẹ vee re ịsị tu Ikora ọnịrị aza ana saasa a. Dị Ẹnẹyịmavara kà yị Imosiisi ka ọ vavọọ mẹ nị.

Ịrịka 18:20

Dị ọ rẹ kà a yị Eerọnị ka, ẹnị ana vị ohirẹsụ irehi Ohomorihi ẹ yị vaa nyị tụ ịnị ẹtẹ ọnịrị ogu ana a ga yị Anisirẹrị ana vọ. Ẹnẹyịmavara kà a ọnị ọ vị ogu ẹnịnị nị.

Ịrịka 18:3

Eerọnị ọ vaa sị eyi pe anọrụ ana hụrị ịnị ovwoovu Ireevi vẹ nị. Ẹnịnị ẹ yaa mẹ avaba ụkọrọ ana a vọrọ ka a mẹ ịnị ajẹngụ nị. Ama ẹnịnị ẹ yị vaa gụrị aha enyisi ọnịrị ụta ịsọvọ. Ẹnịnị ẹ̀ẹ vavọọ mẹ e yee su dị ọnị re su beri wa nị.

Ịrịka 3:10

Eerọnị ọnịrị ezi anị kẹnẹ a nyị ka ẹẹ mẹ̀ ụkọrọ ohirẹsụ irehi Ohomorihi nị. Àa nyị ọza ẹnẹsa anaa na hama wa, aa wụ̀ ọ.

Ịrịka 3:38

Imosiisi ọnịrị Eerọnị ne beri ezi ẹnịnị vị ana da aha ẹnịnị tụ ọvịdị irehi Ohomorihi oze eyi ịzị ọyị hụrẹ vẹ. Ẹnị e si eyi pe a mẹ vọrọ ka Anisirẹrị ẹ mẹ ahẹkẹ ini irehi Ohomorihi nị. Àa nyị ọza ẹnẹsa ana hama wa na mẹ̀ ụkọrọ ọnọọ vị anaa wụ ịzịzọọ.

Imatiwu 10:8

Waa mẹ ọnịkụ ụkụ ẹnịnị, dị ụ waa ha okuu kwẹẹtẹ nịnị! Waa rẹẹ mẹ ọnịkụ ọbanyị nịnị ụkụ, dị ụ wa rẹẹ dụ ụhwẹ echuu jịnẹ nịnị! We yi sí ụta tụ́ ịnị ịsa ọnị ụ dọ nịnị; agụvị avọọ ẹwụ nịnị ọ̀ rẹẹ sị yị aza ọọhẹ!

Ịjọọnụ 3:27

Dị Ịjọọnụ tụ́ wa ohi, dị ọ ka, “Ẹ yị nyị ịsị ọza nyẹngụ nyị, ẹ̀ yị vị Ohomorihi ọ̀ọ sị yọ.

Anẹhwẹsọsị 3:8

Àa ka à na kà ịrẹyị aza Ohomorihi, ẹmị vị awụhwẹ ị́rẹsụ ẹnya. Ama Ohomorihi ọ sị sị ụbanyị yị ẹngụ anị, dị ọ sị oze yị mị ka ma kà enube ọyịza yị anẹhẹ nị. Ẹ yị nyị ọza ene zụ sì iruvo, dị ọ̀ yẹ ụbanyị ịsa oni Ikirisitiī sịị yị ọza.

Iwe Ọhụhị Imosiisi ana aa hị́ Ọyịvatụrọda 18:2

Ẹnịnị ẹ yị vaa nyị ẹtẹ ẹnịnị anka ịrẹsụ-ịrẹsụ ana vọ. Ẹnẹyịmavara ọ vị ọnyịrẹ̀va ẹnịnị anka ọ mẹ vịdị kà a yị wa nị.

Anihiburu 5:4

Ẹ́ yị nyị ọza anaā sị udi ụbanyịị yị ẹngụ anị, dị ọ sị ẹngụ anị vị ohirẹsụ ọbanyị irehi Ohomorihi. Ọza oni Ohomorihi ọ̀ọ hị́ kẹnẹ, anka ọ mẹ̀ hị́ Eerọnị, ọ zụ nyẹngụ yà udi ọnọọ nị.

Ijosuwa 18:7

Ama Anireevi nịnị ẹ yị vaa nyị tụ ịnị ẹtẹ ana ga aanị, ụkọrọ ọyị mẹ anka ohirẹsụ irehi Ẹnẹyịmavara ọ vaa vị ogu ẹnịnị nị. Ịrẹsụ Igadi ọnịrị Irubẹnị beri achẹva Ịmanasẹ ệ vịdị raà dọ ẹtẹ ẹnịnị hụụnị ụvọ Imosiisi ozi ahụ Ẹnẹyịmavara akẹnẹ Ijodani eyi ịzị ọyị kwẹẹtẹ hụrẹ.

1Ipita 5:2

Aarịhịnị, waa tẹsị aza Ohomorihi oni Ohomorihi si chire wu nịnị ụvọ ka wa sị eyi pe! Asị u ti, àa vavọọ aa mẹ nịnị; ama waa mẹẹ anka ịsị ẹ hụụnị ayị ọza vẹ, anka Ohomorihi me sì ọ. Asị ụ hụ̀ agụvị ẹkẹhị kẹnẹ mẹẹ nịnị; ama waa mẹẹ, agụvị ka ẹwụ nịnị ụvọta ee sì ka wa mẹẹ nịnị nị.

1Ipita 5:3

Asị ụ mẹ ọga tụra aza oni Ohomorihi si chire wu nịnị ụvọ, ama waa mẹ̀ ebira ana a vọrọ ka aza ẹnẹẹ ẹ̀ẹ saasa.

1 Ịsamụwẹrị 2:28

Ọnị ộ nyị ohiku ẹnịnị tụ́ irenyi hụụnị avaba Anisirẹrị ana vọ ka ẹ vị ohirẹsụ irehi anị nị. Ohomorihi ka ẹnị ọnị kà a ka ẹ vaa rị eturare ịraa yị ọnị ịnị ụta, dị ẹ̀ ree chire ịharamịra ene e siī sì iruvo ịrẹyị ịnị ụvọ anị. Dị ọnị rẹ ka avaba ịsọvọ ana aā rị ịra ana Anisirẹrị ẹ̀ẹ va mẹ, ohiku ẹnịnị a vaa kụ́ ọ yị nị.