Ịrịka 18:32 - IWE ỌNỊNỊ

³² Ẹnẹyịmavara kà ọnị ẹ yị vaa sị ụya rị wa agụvị ka ẹ̀ vịdị raa sị ene hu ịnị anị yị ọnị. Ama ẹnịnị ẹ̀ẹ dọ ọvịdị anị na rị, e yee su nị agụvị ka enyisi ọ vị nị.

Ịrịka 18:32 ပူးပေါင်းရင်းမြစ်များ

Ọyịkụra 28:43

Eerọnị ọnịrị ezi anị àa ngụ ịnị ajẹngụ ọnọọ ẹ̀ vụ́ ọvẹntẹ ọnọọ. Ẹ̀ẹ rẹ yàa nọ ịnị ụta, ka ẹnị ẹ̀ na mẹ̀ ụkọrọ Aha Ọnịnị ẹ̀ rẹ vụ ọ. Ẹ̀ yị vavọọ vụ ọ, vị ẹ yaa kụ́ ịvịị tù ẹngụ ẹnịnị di e sú nị. Ido ọnọnị vị ọnị mị jị yị Eerọnị ọnịrị ezi anị ka ẹ̀ si eyi pe e pooro zịna-zịna.

Ireevi 19:8

Ẹnẹyịmavara kà ọza ana àaa rị ọ vaa rị ịvị, agụvị ka ọ́ raa sị eyi oweyi ré ịsa ana a sị tụ irenyi yi ọnị Ẹnẹyịmavara. Ọnị é yi kuku ve rò ọza ọnọọ tụ ịnị aza anị

Ireevi 22:2

Ọ̀ kà a yị Eerọnị ọnịrị ezi anọrụ anị ka ẹnịnị ẹ̀ sị ụbanyị yị ịsa ọnị Anisirẹrị nịnị sị tụ irenyi ka à sị yị ọnị, agụvị à sị ẹnịnị na sị ụvọ ịyẹyẹ za ịrẹha ọnịnị anị. Ọnị ọ vị Ẹnẹyịmavara nị.

Ịmarakayị 1:7

Dị Ẹnẹyịmavara kà, aanị ẹ mẹmẹ sị eyi oweyi re ọnị nị. Ọ kà a yaa sị ịsọyịrị enyisi vaa mẹ̀ ịsọvọ ịrẹsụ ụta anị. Dị ẹ yaa họ̀ ọ use ka ẹnị mẹmẹ du ụta anị ẹngụ? Dị Ẹnẹyịmavara kà e yee ro ka ẹ yị nyị ịsị aha ịsọvọ anị vị.

Ịrịka 18:22

Ọ kà hụrị ụmẹ ọnọọ, enyisi ọ vị ka Anisirẹrị nịnị ana vọ ẹ ngụ ajẹngụ Ẹnẹyịmavara nị, ẹ yị vị ẹnịnị aa hị́ usu tu ẹngụ ẹnịnị.

Ịrịka 18:31

Ẹnịrị ovwoovu ẹnịnị ẹ zụ rị ọ ịzị e zee wa eyi. Utosi ụkọrọ ọnị ẹ yaa ịnị ajẹngụ anị ọ vị ọnọọ nị.

Ịrịka 19:1

Ẹnẹyịmavara ọ̀ kà a yị Imosiisi ọnịrị Eerọnị ka,

1 Anịkọrịntị 11:27

Agụvị avọọ, ọza tụra ọza ana àa vavọọ aa rị Ịbụrẹẹdị, dị ọ raa sị ako Ananyị yịị hú eche ini oze ẹnẹ ẹ̀ yị vọrọ nị, ọza ọnọọ aa mẹ̀ ebira odivii hi ọchẹngụ Ananyị yị ọnịrị anya anị. Ọ sị ịvị rị.

1 Anịkọrịntị 11:29

Agụvị ka ọza ẹnẹ ẹ̀ yị yẹ ụbanyị ẹngụ Ananyị yị ọnịrị anya anị, dị ọ na rị Ịbụrẹẹdị ọnọọ, di o re hú eche ọnọọ nị, vi aa sị ụvọọ tura ọyịkụ Ohomorihi kú ẹngụ anị ịrẹsụ avọọ nị.