Ịrịka 18:3 - IWE ỌNỊNỊ

³ Eerọnị ọ vaa sị eyi pe anọrụ ana hụrị ịnị ovwoovu Ireevi vẹ nị. Ẹnịnị ẹ yaa mẹ avaba ụkọrọ ana a vọrọ ka a mẹ ịnị ajẹngụ nị. Ama ẹnịnị ẹ yị vaa gụrị aha enyisi ọnịrị ụta ịsọvọ. Ẹnịnị ẹ̀ẹ vavọọ mẹ e yee su dị ọnị re su beri wa nị.

Ịrịka 18:3 ပူးပေါင်းရင်းမြစ်များ

Ezikẹẹrị 44:13

Ẹnịnị ẹ́ yị ma vana gụrị ọnị ọ̀ yị mẹ̀ ụkọrọ anka ohirẹsụ irehi Ohomorihi. A sị ẹnịnị kụkụ jị ahụ ngụ aha ọnịnị ene hu kere-kere ini irehi anị, dị a sị ẹ rẹ nyayịnẹ kanyị ịsị a sị tụ irenyi yị ọnị Ohomorihi. Aanị ọnị mẹ vaa mẹ̀ ụhị nyị wa agụvị ịrẹyị enyisi ẹnẹ ẹ mẹ nị.

Ịrịka 1:51

Anireevi nini kẹnẹ ẹ nyẹngụ jị ẹnya ẹnẹẹ hi ẹtẹ dị rẹ varẹma tenyi wa kụ jẹẹ nị. Ọza ẹnịsa enee hira gụrị wa vị anaa wụ.

Ịrịka 1:53

Ama Anireevi nini vị ana a jị udi ẹnịnị kara ajẹngụ Ẹnẹyịmavara. Ẹnị ee sere e agụvị asị a nyị ọza ana gụrị ọ dị Ẹnẹyịmavara ọ vaa kụ ayị hi Anisirẹrị nịnị nị.

Ịrịka 16:40

Ịsa ana mẹ aanị vaa ka Anisirẹrị nịnị ọnọ ka ọza kẹnẹ-kẹnẹ ọnị ẹ yị vị evere Eerọnị ẹ yị nyẹngụ nọ ọvịdị Ẹnẹyịmavara na rị eturare ịra ịrẹsụ ụta. Ọza àa vavọọ mẹ vee re ịsị tu Ikora ọnịrị aza ana saasa a. Dị Ẹnẹyịmavara kà yị Imosiisi ka ọ vavọọ mẹ nị.

Ịrịka 18:4

Ẹnịrị Eerọnị ẹ vaa mẹ̀ ụkọrọ vabẹ nị. Ẹnị ẹ vaa mẹ avaba ịsa ana a vọrọ ka a mẹ ịnị ajẹngụ nị. Ama ẹ yị nyị ọza ẹnịnị anaa gụrị ọ ịzị ọ ya.

Ịrịka 18:7

Ama Eerọnị ọnịrị ezi anị ẹ vị ohirẹsụ irehi Ohomorihi ana vaa hẹkẹ ẹ nị. Ẹnị ịnya kẹnẹ ẹ zụ gụrị ụta ịsọvọ, dị ẹ rẹ ngụ aha enyisi nị. Ẹnẹyịmavara kà ẹyịza ọnị mẹ yị wa ka ẹẹ hẹkẹ ọnị anka ohirẹsụ Irehi anị nị. Aza ana vọ ẹ̀ẹ ngụ aha enyisi à wụ́ wa.

Ịrịka 3:25

Ẹnịnị e si eyi pe ajẹngụ Ẹnẹyịmavara ọnịrị Ịsa ene si ku ajẹngụ ịrẹsụ, ne beri ịsa ene si ku oze ovwoovu anị

Ịrịka 3:31

Ẹnịnị e si eyi pe irehi Ohomorihi ịzị apoti oto, iteburu, ọchị ịra, ụta irenyi-irenyi ọnịrị ẹnya irenyi-irenyi ana a sị mẹ̀ ụkọrọ ịzọọ hi nị.

Ịrịka 3:36

Ẹnị aa nyị ka e si eyi pe avaba ẹnya anaā sịị jị ajẹngụ anka ọtụ, ohinẹ, ẹwaara, ọnịrị ẹnya ana vọ.

Ịrịka 31:30

Ama ịnị ogu ana vị aza ene hí inehi, Imosiisi ọ sị ọza ikonya hụụnị ọrịhị ẹvarẹwụ (50). Ọ vavọọ sị ọ hụụnị ịsa irenyi-irenyi ana vọ yị Anireevi nịnị ene si eyi pe ajẹngụ anị.

Ịrịka 4:15

Eerọnị ọnịrị ezi anị ẹ sị mẹ ta dị ezi Ikoha va kú ẹnya ẹnẹẹ nọ ịzị a nọ. Ama ẹ yị nyị ọza ana nyayịnẹ sị ụvọ kanyị ẹnya ẹnẹẹ ẹ vị e si isu yị ẹngụ anị. Ezi Ikoha kẹnẹ ẹ zụ kú ẹnya ẹnẹẹ nị.