Ịrịka 18:23 - IWE ỌNỊNỊ

²³ Anireevi nịnị kẹnẹ ẹ vaa mẹ avaba ụkọrọ ịnị ajẹngụ anị nị. Ẹnịnị ẹ̀ yaa rị ụya akụvị ana aa mẹ̀ ịzọọ nị. Ọda ọnọnị vị ana va ya ịzọọ pooro. Ẹnịnị ẹ yị vaa nyị tụ ịnị ẹtẹ ana a sị yị ịrẹsụ-ịrẹsụ Anisirẹrị ana vọ.

Ịrịka 18:23 ပူးပေါင်းရင်းမြစ်များ

Ọyịkụra 27:21

Ịra ọnọọ vị ọnị ụ vaa sị tụ́ ịnị ajẹngụ ịzị a yàa gẹ éyi ẹhẹ ịta ene gu apoti oto hi. Sị tụ́ ọvịdị amị ịzọọ di Eerọnị ọnịrị ezi anị ẹ̀ẹ sị eyii pe ozotupa ọnọọ. Â nyị ka ịra ọnọọ ọ̀ọ za hụrẹ oruva na ngụ ẹnẹnẹ eyinẹhẹ anị. Ido mị jị ọ wụ nịnị. Ẹwụ nịnị ana vị Anisirẹrị vị ana vaa saasa a pooro ịnị avaba ẹhẹ awụ nịnị.

Ezikẹẹrị 44:10

Ẹnẹyịmavara kà, ọnị aa sị ụyaa rị Anireevi nịnị ana saasa Anisirẹrị nịnị ana vọ naa mẹ ori, dị ẹ và hụụ ịrẹma anị.

Ịrịka 18:1

Ẹnẹyịmavara ọ ka yị Eerọnị ka ọnịrị ezi anị beri avaba anovwoovu anị ẹ vaa sị eyi pe akụvị anaa mẹ ịnị ajẹngụ anị nị. Ama Eerọnị ọnịrị ezi anị kẹnẹ ẹ vaa sị eyi pe akụvị ọnị ohirẹsụ irehi Ohomorihi nịnị ẹ̀ẹ mẹ̀ ịnị ụkọrọ ẹnịnị nị.

Ịrịka 18:20

Dị ọ rẹ kà a yị Eerọnị ka, ẹnị ana vị ohirẹsụ irehi Ohomorihi ẹ yị vaa nyị tụ ịnị ẹtẹ ọnịrị ogu ana a ga yị Anisirẹrị ana vọ. Ẹnẹyịmavara kà a ọnị ọ vị ogu ẹnịnị nị.

Ịrịka 19:21

Ọda ọnọọ nị va naa va sị ahụ chire pooro. Ọza ene che enyi sẹ aza ẹngụ ọyị vara wa ọnịnị ọnị ọ rẹ bẹdọ nyịna ịta anị, aza ana sị ụvọ kanyị enyi ana sị vara aza ọnịnị ẹ yị va nị pooro di oruva o tu.

Ịrịka 26:62

Ezi anọrụ hụrị ụhwẹ ọnya na ngụ azọkụ Anireevi vị akahị-akahị oze oohu tụra ẹẹta. Ọza ẹ yị za wa ịrịka beri Anisirẹrị ana vọ agụvị ka ẹnịnị ẹ yị nyị tụ́ ịnị ẹtẹ ana ga yi ịrẹsụ-ịrẹsụ ana vọ.

Ịrịka 3:7

Ẹnịnị vaa mẹ̀ ụkọrọ yị Eerọnị ọnịrị avaba Anisirẹrị nịnị.

Ịrịka 35:29

Avaba ọda ẹnẹnị vị ọnị ọnịrị ezi ịrẹma ẹnịnị vaa sị ụvọ za pooro.

Iwe Ọhụhị Imosiisi ana aa hị́ Ọyịvatụrọda 10:9

Avọ Anireevi ệ yị nyị ẹtẹ ụvọta ẹnịnị anka aza ana vọ. Ẹnẹyịmavara ộ ka yị wa ka ọnị Ohomorihi ọ vị ogu ẹnịnị nị.)

Ijosuwa 13:14

Imosiisi ộ yị sị ẹtẹ yị Anireevi nịnị anka Ẹnẹyịmavara mẹ̀ kà yọ. Ịsa ịsọvọ ana aā rị ịra ana aā sị va yị Ẹnẹyịmavara ọ vị ogu ẹnịnị.