Ịrịka 18:22 - IWE ỌNỊNỊ

²² Ọ kà hụrị ụmẹ ọnọọ, enyisi ọ vị ka Anisirẹrị nịnị ana vọ ẹ ngụ ajẹngụ Ẹnẹyịmavara nị, ẹ yị vị ẹnịnị aa hị́ usu tu ẹngụ ẹnịnị.

Ịrịka 18:22 ပူးပေါင်းရင်းမြစ်များ

Ọyịkụra 28:43

Eerọnị ọnịrị ezi anị àa ngụ ịnị ajẹngụ ọnọọ ẹ̀ vụ́ ọvẹntẹ ọnọọ. Ẹ̀ẹ rẹ yàa nọ ịnị ụta, ka ẹnị ẹ̀ na mẹ̀ ụkọrọ Aha Ọnịnị ẹ̀ rẹ vụ ọ. Ẹ̀ yị vavọọ vụ ọ, vị ẹ yaa kụ́ ịvịị tù ẹngụ ẹnịnị di e sú nị. Ido ọnọnị vị ọnị mị jị yị Eerọnị ọnịrị ezi anị ka ẹ̀ si eyi pe e pooro zịna-zịna.

Ireevi 20:20

Ọza ọ̀ọ sị ose ọyịnyara ada anị à vị ose ọyịnyara ọnyị anị, vị ọ́ mẹ̀ ụhị nyị ọyịnyara ada anị à vị ọyịnyara ọnyị anị ọnọọ avọọ nị. Ẹnị ẹyịva vaa rị ụya ebira odivi ẹnẹ mẹ̀. Ẹ́ yị nyị ọza ana vaa ma ozi ịnị ẹnị ẹyịva. Ẹnịnị ẹ̀ẹ vịdị ma ozi, ozi ọnọọ vị enee sú.

Ireevi 22:9

Ẹnẹyịmavara kà, avaba ohirẹsụ irehi Ohomorihi ẹẹ saasa ọda ọnị ọnị sị yị wa. Ẹ̀ yị vị avọọ, ẹnịnị va mẹ̀ ịvị, di e su agụvị ka ẹnịnị ee sị ahụ jịnẹ ọda ọnị Ohomorihi, Ẹnẹyịmavara ana nyị wa tụ irenyi yị ẹngụ anị nị.

Ịrịka 18:7

Ama Eerọnị ọnịrị ezi anị ẹ vị ohirẹsụ irehi Ohomorihi ana vaa hẹkẹ ẹ nị. Ẹnị ịnya kẹnẹ ẹ zụ gụrị ụta ịsọvọ, dị ẹ rẹ ngụ aha enyisi nị. Ẹnẹyịmavara kà ẹyịza ọnị mẹ yị wa ka ẹẹ hẹkẹ ọnị anka ohirẹsụ Irehi anị nị. Aza ana vọ ẹ̀ẹ ngụ aha enyisi à wụ́ wa.

Ịrịka 3:10

Eerọnị ọnịrị ezi anị kẹnẹ a nyị ka ẹẹ mẹ̀ ụkọrọ ohirẹsụ irehi Ohomorihi nị. Àa nyị ọza ẹnẹsa anaa na hama wa, aa wụ̀ ọ.

Ịrịka 3:38

Imosiisi ọnịrị Eerọnị ne beri ezi ẹnịnị vị ana da aha ẹnịnị tụ ọvịdị irehi Ohomorihi oze eyi ịzị ọyị hụrẹ vẹ. Ẹnị e si eyi pe a mẹ vọrọ ka Anisirẹrị ẹ mẹ ahẹkẹ ini irehi Ohomorihi nị. Àa nyị ọza ẹnẹsa ana hama wa na mẹ̀ ụkọrọ ọnọọ vị anaa wụ ịzịzọọ.