Ịrịka 18:2 - IWE ỌNỊNỊ

² Ộ ka Eerọnị ọ̀ kụ́ anda ẹnịnị ana vị ezi Ireevi beri ẹngụ mẹ̀ ụkọrọ. Ẹnịnị ẹ gụ ọnịrị ezi anị ụvọ mẹ̀ ụkọrọ ịnị ajẹngụ oto.

Ịrịka 18:2 ပူးပေါင်းရင်းမြစ်များ

Oyinyima 29:34

Iriya o re zyẹẹ, dị ọ rẹ ma a ọnọrụ nị. Dị ọ ka, “Ọnị ộ yẹ ka ọva anị vaa vàa ka ọnị vẹ ọgọnị, ọnị mẹ̀ sị ozi ọnọrụ ẹẹta ma yọ aanị.” Dị ọ ka ọnọọ ọ rị Ireevi nị.

2 Ịtọpa 30:16

Dị ọzọza ya udi anka ọda Imosiisi ọza Ohomorihi mẹ̀ kà a. Anireevi nịnị ệ sị yị ohirẹsụ irehi Ohomorihi ene che sẹ ịrẹsụ ụta ịsọvọ nị.

Ezikẹẹrị 44:11

Ẹnịnị yị vaa mẹ ụkọrọọ yị ọnị ịnị irehi anị, dị e yee sere oze ọbanyị ana ngụ ịnị irehi anị, dị ẹ rẹ yaa mẹ̀ ụkọrọ ana vọ ịnị irehi anị. Ẹnịnị ẹ nyẹngụ aa wụ ịsụpaa yị aza, ẹ̀ẹ yaa va mẹ̀ ịsọvọ enee hù ọnịrị ịsọvọ ana vọ. Ẹnịnị vaa zị azaa ụtụ bẹẹ.

Ezikẹẹrị 44:15

Ẹnẹyịmavara Ochẹtẹẹngụ ka, â nyị Anireevi nịnị ana vị ohirẹsụ irehi Ohomorihi; evere Ịzadọkị ẹ́ vị nị. Ụmẹ ọnị Anisirẹrị nịnị sị va hụụ ịrẹma anị, ohirẹsụ irehi anị ẹnẹnị vị ana yị sị eyi pe irehi anị tụ ịrẹsụ ịzẹyịza. Avọọ, ẹnị kẹnẹ ẹ kụkụ vaa mẹ̀ ụkọrọ anị, dị ẹ yaa sị ụhị ọnịrị ịsụpa ana a sị mẹ̀ ịsọvọ vẹ ọvịdị anị nị.

Ịmarakayị 2:4

Dị Ẹnẹyịmavara ana vị Ochẹtẹẹngụ rẹ ka, ọda ọnọnị vị ọnị ọnị mẹ agụvị dị ẹ saasa ịsị ọnị ọnị ka yị Anireevi ka ọnị vaa mẹ yị wa, dị asị ọ jesi.

Ịrịka 1:53

Ama Anireevi nini vị ana a jị udi ẹnịnị kara ajẹngụ Ẹnẹyịmavara. Ẹnị ee sere e agụvị asị a nyị ọza ana gụrị ọ dị Ẹnẹyịmavara ọ vaa kụ ayị hi Anisirẹrị nịnị nị.

Ịrịka 16:40

Ịsa ana mẹ aanị vaa ka Anisirẹrị nịnị ọnọ ka ọza kẹnẹ-kẹnẹ ọnị ẹ yị vị evere Eerọnị ẹ yị nyẹngụ nọ ọvịdị Ẹnẹyịmavara na rị eturare ịra ịrẹsụ ụta. Ọza àa vavọọ mẹ vee re ịsị tu Ikora ọnịrị aza ana saasa a. Dị Ẹnẹyịmavara kà yị Imosiisi ka ọ vavọọ mẹ nị.

Ịrịka 17:7

Dị Imosiisi kụ́ okutẹ ẹnẹẹ tụ́ ọvịdị Ẹnẹyịmavara ịnị ajẹngụ anị ịzị apoti oto ya nị.

Ịrịka 18:4

Ẹnịrị Eerọnị ẹ vaa mẹ̀ ụkọrọ vabẹ nị. Ẹnị ẹ vaa mẹ avaba ịsa ana a vọrọ ka a mẹ ịnị ajẹngụ nị. Ama ẹ yị nyị ọza ẹnịnị anaa gụrị ọ ịzị ọ ya.

Ịrịka 3:5

Ẹnẹyịmavara kà yị Imosiisi ka;

Ịrịka 4:15

Eerọnị ọnịrị ezi anị ẹ sị mẹ ta dị ezi Ikoha va kú ẹnya ẹnẹẹ nọ ịzị a nọ. Ama ẹ yị nyị ọza ana nyayịnẹ sị ụvọ kanyị ẹnya ẹnẹẹ ẹ vị e si isu yị ẹngụ anị. Ezi Ikoha kẹnẹ ẹ zụ kú ẹnya ẹnẹẹ nị.

Ịrịka 8:19

Ẹnẹyịmavara kà ọnị ọ raa sị wa yị Eerọnị ọnịrị ezi anị. Ẹnịnị vị ana vaa mẹ̀ ụkọrọ ịnị ajẹngụ anị, dị ẹ mẹ̀ ịsọvọ ịvị Anisirẹrị agụvị ẹ gụrị ajẹngụ anị asị Ohomorihi kụ akanya tu wa.

Ịrịka 8:22

Eerọnị mẹ maanị sị ọ mẹ̀, dị Anireevi nịnị kụkụ aa mẹ̀ ụkọrọ ịnị ajẹngụ Ẹnẹyịmavara anka ọ mẹ mẹ̀ ọda yị wa nị.

Anihiburu 9:6

Àa vavọọ sị ịsa ẹnẹẹ tenyi tịtẹ, dị ohirẹsụ irehi Ohomorihi aa nọ ini eyi ẹhẹ ajẹngụ ọnọọ eyinị-eyinị, dị ọ na aa mẹ̀ ụkọrọ Ohomorihi.