Ịrịka 18:13 - IWE ỌNỊNỊ

¹³ Avaba ịsa ọyịna ịnị aarẹ ịpaapa ịnị ẹtẹ ẹnịnị ana aā kụ́ va yị Ẹnẹyịmavara vị Eerọnị ọnịrị aza anị. Aza ana nị ịnị ovwoovu anị ẹ zụ rị ịnị anị.

Ịrịka 18:13 ပူးပေါင်းရင်းမြစ်များ

2 Ohinọyị 4:42

 rẹ nyị ẹkụhị ọsa, dị a nyị ọza ana hụrẹ ẹkụra ana aā hị́ Ịbaarị-Isarisa vẹ nị. Ộ kụ ịbụrẹdị va yị Erisa. Ibaari ịpaapa ana a kụ hụụnị aarẹ ịnị ịrayị ọnọọ a sị mẹ̀ ịbụrẹdị ọnọọ nị.  rẹ há apaapa ohwoohu vaka a va yọ. Dị Erisa kà ozi ahụ anị ọ gà ẹ yị ọnịsẹ nịnị ene hi ịdị anị, dị ẹ̀ rị ọ nị.

2 Ịtọpa 31:5

Obobooro ana a mẹ̀ ọda ọnọnị, ọzọza nyima aa kụ́ ẹyịza hụụnị ịsa ịnị aarẹ ẹnịnị vẹ ịnị irehi Ohomorihi nị. Ệ sị akụ ene zoza, eche, angwẹ orivi, ẹhụ ọnịrị ịsa ịnị aarẹ ẹnịnị ana vọ vẹ.

Ọyịkụra 22:29

Òo si tù ka wa sị ịnị akụ awụ ọnịrị eche awụ ne beri angwẹ awụ va mị, asị ụ ngụ ayịsa anịị mị. Ozi ịpaapa awụ ọ̀ọ vị ọnọrụ, ẹmị ụ waa sịị yị nị.

Ọyịkụra 23:19

Ịsa ịpaapa ọnị ụ wàa sị hụụnị aarẹ awụ ụ sị ọ vẹ ini eehi ẹmị Ẹnẹyịmavara ana vi Ohomorihi awụ. Wàa chịnẹ ozi ẹvụ, asị ụ sị inono ọnyị anị tụ́ ọ chịnẹ.

Ọyịkụra 34:26

Ịsa ịpaapa ọnị ụ wàa sị hụụnị ịnị aarẹ awụ, sị ọ ve ini eehi ẹmị Ẹnẹyịmavara ana vị Ohomorihi awụ. “Wàa chịnẹ ozi ẹvụ asị ụ sị inono ọnyị anị tụ́ ọ chịnẹ.”

Ijeremaya 24:2

Ijeremaya ka, ihwigi ene hi ini uji ịpaapa vị ozoza-ozoza. Ẹnị ene vịdị vi ẹ vị ẹnẹẹ nị. Ihwigi ene hi ịnị uji ọhụva vị ọyịvụ-ọyịvụ. Ee divi poori, ẹ́ yị hyakụ wụra rị.

Ezikẹẹrị 44:30

Ọ kà ohirẹsụ irehi Ohomorihi nịnị ẹ vaa nyị ịsị e hu kere-kere ịnị ịsa ịpaapa ana àa kụ́ gụ hụụnị aarẹ nị ọnịrị avaba ịsa ana vọ ana a sị va yị ọnị. Ụmẹ tụra ụmẹ ọnị aza ẹ̀ẹ sị mẹ ịbụrẹdị, ẹnịnị ẹ̀ sị ị́ịpaapa anị yị ohirẹsụ irehi Ohomorihi nịnị agụvị dị ọnị ọọ mẹ ka oo zé yị wa ịnị eehi ẹnịnị.

Ihoseya 9:10

Ohomorihi kà ịpaapa ọnị re Isirẹrị, ọ sị mẹ anka ọza oo rere re ẹtụtụ igirepi ọwọọwa ịnị ụnọmị avọọ nị. Ohiku ẹnịnị vị Ọnịrị re anka ẹtụtụ ọchị ihwigi ene vi sọkọ-sọkọ ịnị ụmẹ anị avọọ nị. Ama dị ẹnịnị va ịrẹma anị na sị ẹngụ ẹnịnị chire ori ana a hị́ Ịbaarị-Ịpẹyọ ụvọ nị. Dị ẹ kụkụ aa nyị ọza īhyẹrẹ anka ori ọnị ẹ yaa hẹkẹ nị.

Ireevi 22:7

Ịjị ọyị ọ̀ọ sị ngụ ẹtẹ, ọza ọnọọ vaa nị; ị́rẹma anị, ọ kụkụ zụ rị ịnị ịsa ọnịnị ọnọnị, agụvị ka ịsọyịrị anị ẹ́ vị nị.

Ireevi 23:17

Ovwoovu ikonya-Ikonya vaa sị ịbụrẹdị ẹvẹẹva vẹ ana a vaa sị mẹ ẹyịza oturenyii yị Ẹnẹyịmavara. Ayị ọyịkwọ ikirogirami ẹvẹẹva a vaa sị mẹ ịbụrẹdị ọnyọọnya nị. A vaa sị owuu tụ ọ. Ụbụrẹdị ẹnẹnị vị ọnị a vaa sị mẹ ẹyịza akụ ịpaapa ana a kụ hụụ ịnị aarẹ yị Ẹnẹyịmavara.

Imika 7:1

Ẹma sị dà me yi re ẹpẹ sị va o. Ịrẹyị amị sị mẹẹ anka ọ́za ọnị ụngwẹ aa kụ̀ ọnị e yi re ẹtụtụ ana vọrọ ka ọ há rị ịrẹsụ ọchị avọọ nị. A raà há avaba ẹtụtụ ọchị ene hi ịzọọ ụmẹ avọọ. Ẹ yị nyị ana vọ vụrụ-vụrụ.

Iwe Ọhụhị Imosiisi ana aa hị́ Ọyịvatụrọda 18:4

Ẹnị ụ vaa sị ịsa ịnị aarẹ ịpaapa awụ nịnị yị nị, ọ̀ọ vị apaapa, eche, angwẹ, ọnịrị ẹyị atẹmẹ awụ nịnị.

Iwe Ọhụhị Imosiisi ana aa hị́ Ọyịvatụrọda 26:2

Ọzọza ọ̀ sị ịsa ịpaapa ịsa ịnị aarẹ irenyi-irenyi ana mẹ̀ tụ́ ini uji, dị ẹnịrị uji ọnọọ nọ ịzị Ẹnẹyịmavara Ohomorihi awụ nịnị nyị ka aa hẹkẹ ọnị.