Ịrịka 17:8 - IWE ỌNỊNỊ

⁸ Eyinẹhẹ anị Imosiisi mẹ ngụ ịnị ajẹngụ Ẹnẹyịmavara, dị o re ka okutẹ Eerọnị ana jẹẹ yị Anireevi o re nyị avị ọwọọwa, dị ọ hyakụ nyị avọ ẹnịrị ẹtụtụ arịmọndị nị.

Ịrịka 17:8 ပူးပေါင်းရင်းမြစ်များ

Oyinyima 40:10

Ọ kà ọchị ọnọọ ộ ha avọ́ ẹẹta. Avị anị mẹ̀ yị hā kẹnẹ, dị aa tụ́, dị ẹtụtụ si vi nị.

Ahẹ Ụgama 110:2

Ẹnẹyịmavara vaa mẹ ka wa nyị ụkata. Ịzị ụ vaa rị ohinọyịị tụ́ vaa para Ịzayọnị hu. Ẹwa vaa rị ohinọyị tụra ọnịvị awụ ịrẹsụ nị.

Ahẹ Isoromọnị 2:3

Ọchị anaā tụ́ ẹtụtụ ana aā hị́ apụrụ mẹ vị irenyi tu ini iruku avọọ, avọọ ọnọrụ ọnị mị sì ịrẹyị anị hu kere-kere aanị mẹ vị irenyi tụ ịnị akakana anọrụ ana vọ nị. Miī sì ka ma yaatụ ịnị uhuhu anị nị. Ẹtụtụ anị vi eneē hine mi ẹtẹẹtẹrẹ.

Ayịsaya 4:2

Ụmẹ ọnya aa vẹ ịhị ọnọọ Ẹnẹyịmavara vaa mẹ ka ọchị ana yà ịnị ẹtẹ ọnọọ ọ̀ há avọ ọnya aanị. Avọ ọnọọ vee zoza dị ọ nyị ụbanyị. Ẹtụtụ ana avọ́ ọchị ọnọọ vaa tụ́ ịnị ẹtẹ ọnọọ vaa mẹ ka Anisirẹrị ana ha ẹ̀ sịị mẹ ụbanyị dị ẹ̀ẹ sịị jẹ ịrajẹ.

Ezikẹẹrị 17:24

Avaba ọchị ene hi ẹtẹ Isirẹrị vaa yẹ ka ọnị ọ vị Ẹnẹyịmavara nị. Ọnị ọọ̄ dị ọchị ana gọdọ nyẹtẹ, dị ọnị mẹ ka ọchị ene weyi ọọ gọdọ nị. Ọnị ọọ̄ mẹ̀ ka ọchị ohwoohu nịnị ẹ wụ, dị ọnị mẹ ka ọchị ana sị wụ ọ̀ vara ohwoohu nị. Ọ kà ọnị Ẹnẹyịmavara ọ sị ọ ka. Ịsị ọnị ka ọnị vaa mẹ, vị ọnị ọnị vaa yịị mẹ.

Ezikẹẹrị 19:12

Ama aza anaa kụ ayịị hi ọ, ê hu ọnịrị ẹpa, dị é ne e nyẹtẹ nị. Ahị anaaa tụ́ hụrị eyi ọnị ọyị zịị vẹ, ộ mẹ̀ ka ẹtụtụ anị ẹ̀ wụ. Â na avọ anị haa, dị ẹ wụ nị. Ịjị ẹ sị wụ, dị á rị wa ịra nị.

Ezikẹẹrị 19:14

 jị ịra da akamava ọchị ịvayịnị ọnọnị, dị ịra ọnọọ rị avaba avọ anị ọnịrị ẹtụtụ anịị ịra nị. Avọ anị ẹ́ yị ma vana katẹngụ. Ẹ́ yị ma vana wụra mẹ okutẹ ohinọyị. Ahẹ ayodu ọnọọ yị, dị a vanaa jịị jị ọ pooro nị.

Ịrịka 16:5

Dị ộ ka yị Ikora ọnịrị aza anị ana saasa a ka Ẹnẹyịmavara vaa sị ọza ọnị ọ̀ọ nyị zụ ẹnẹnẹ eyinẹhẹ anị. Ọza ana nị ọnị ọ nyị kẹnẹ ọ̀ vaa zụ gụrị ọ nị.

Ịrịka 17:5

Ẹnẹyịmavara kà ọnị vaa nyị ọza ịnya ana vaa vị ohirẹsụ irehi anị obooro. Ẹnịnị vaa yẹ ọza ọnọọ agụvị ka okutẹ anị vee nyima ee nyị avị ọwọọwa ọsọnị vaa mẹ̀ ka irenu aza anaa rị uhuhu hi ọnịrị Imosiisi ó su.

Ịrịka 17:9

Dị Imosiisi kụ́ okutẹ ẹnẹẹ tụ́ ẹhẹ hụụnị ajẹngụ Ẹnẹyịmavara zụ avaba Anisirẹrị nịnị nị. Ịjị avaba aza re e, dị ọzọza sị okutẹ anị varẹma nị.

Anihiburu 9:4

Ịsị a rẹ kụ́ hi ịnị ọnọọ yị: ụta ana a sị igooru mẹ ịzị a yàā rị eturare ịraa yị Ohomorihi, ọnịrị apoti ana aā hị́ apoti oto Ohomorihi ana a sị igooru kú avaba ịrẹma anị. Ini apoti ọnọọ â nyị ụnọkọ ana a sị igooru mẹ, dị a sị ịsọyịrị ana aā hị́ ịmana tụ́ ịnị ụnọkọ ọnọọ nị. Okutẹ Eerọnị ene nyị avị beri ịrẹta ẹẹva oni Ohomorihi chẹrẹ ọda tụ́ ịnị anị, rẹ yà ini apoti ọnọọ.