Ịrịka 17:7 - IWE ỌNỊNỊ

⁷ Dị Imosiisi kụ́ okutẹ ẹnẹẹ tụ́ ọvịdị Ẹnẹyịmavara ịnị ajẹngụ anị ịzị apoti oto ya nị.

Ịrịka 17:7 ပူးပေါင်းရင်းမြစ်များ

Ọyịkụra 38:21

Ịrịka avaba enyusẹ ana a sị mẹ̀ ụkọrọ Ajẹngụ Ohomorihi yị. Ịnị ajẹngụ ọnọọ a sị apoti oto tụ́ nị. Imosiisi kà Anireevi nịnị ẹ̀ chẹrẹ avaba ịsa ana a sị mẹ ajẹngụ ọnọọ. Ịzẹyịza dị ẹ vavọọ chẹrẹ ẹ tịtẹ nị. Ozi Eerọnị ohirẹsụ irehi Ohomorihi ana aā hị́ Ịtama ọ sị eyi pe aza ana a ka ẹ̀ chẹrẹ ịsa ọnọọ nị.

Ịrịka 1:50

Ọ̀ nyị wa ka ee sị eyi pe ajẹngụ Ẹnẹyịmavara ọnịrị avaba ẹnya ene hi ini anị ana aa sị mẹ ahẹkẹ. Ẹnịnị ẹ ra kara a. Ụmẹ ọnị Anisirẹrị nịnị àa kụ̀rà na ngụ aha ọsa, ẹnị aa kụ ẹnya ẹnẹẹ nee tenyi ọ jị aha ọwọọwa ọnọọ nị.

Ịrịka 1:53

Ama Anireevi nini vị ana a jị udi ẹnịnị kara ajẹngụ Ẹnẹyịmavara. Ẹnị ee sere e agụvị asị a nyị ọza ana gụrị ọ dị Ẹnẹyịmavara ọ vaa kụ ayị hi Anisirẹrị nịnị nị.

Ịrịka 14:10

Ama dị avaba Anisirẹrị aa kà a ka ẹnị a sị ịrẹta-ịrẹta wụ Ijosuwa ọnịrị Ikarẹbị nị. Obooboro ọnọọ Ẹnẹyịmavara sị ụbanyị anị zụ ịrẹsụ ajẹngụ anị dị avaba Anisirẹrị nịnị re e nị.

Ịrịka 17:4

Ẹnẹyịmavara kà Imosiisi ọ̀ kụ́ avaba okutẹ ẹnẹẹ tụ ọvịdị apoti oto ịnị ajẹngụ ọnị ọnịrị ọ gẹ.

Ịrịka 17:6

Ịzẹyịza, dị Imosiisi vavọọ ka yị Anisirẹrị nịnị nị. Dị ọdọvịdị ịrẹsụ ọzọza sị okutẹ anị vẹ dị ẹ vị ẹwụrẹva nị. Ọnyara ịnị okutẹ ẹnẹẹ vị Eerọnị.

Ịrịka 18:2

Ộ ka Eerọnị ọ̀ kụ́ anda ẹnịnị ana vị ezi Ireevi beri ẹngụ mẹ̀ ụkọrọ. Ẹnịnị ẹ gụ ọnịrị ezi anị ụvọ mẹ̀ ụkọrọ ịnị ajẹngụ oto.

Ịrịka 9:15

Ịhị ọnị a jị ajẹngụ Ẹnẹyịmavara, eguhi vị ene ku ọ ịrẹsụ pooro na ngụ oruva, dị ọ vara ịra ku ọ ịrahụ nị.

Odeyi 7:44

“Áda ayị nịnị mẹ̀ yà ịnị ụnọmị, ệ nyị ajẹngụ ịzị Ohomorihiī yàa kà ịrẹyịị yị wa. Â mẹẹ anka Óhomorihi mè juwe yị Imosiisi ka ọ̀ mẹ̀ ẹ.