Ịrịka 17:3 - IWE ỌNỊNỊ

³ Okutẹ ana a sị hụrẹ ịda Anireevi nịnị vị ana a vaa chẹrẹ ịrẹha Eerọnị tụ́. Okutẹ ọnyọọnya vị anaa jẹẹ yị ohi ịrẹsụ ọzọza.

Ịrịka 17:3 ပူးပေါင်းရင်းမြစ်များ

Ọyịkụra 6:16

Ezi Ireevi m maa vaa hị́ aanị nị anka a mẹ̀ chịrẹ wa tụ́ ini iwe, Igerisoni, Ikohati ọnịrị Imerari. Ireevi ộ ra ịnị ẹhẹ mẹ ịrayị ẹchịhịnọnyị tụra ẹwụrịhịmba di o ve sú.

Ọyịkụra 6:20

Abiramị ọ na nyị ọyịnyara ada anị ana vị ọnẹẹ ana aā hị́ Ijokebedi. Ọnị ọ ma Imosiisi ọnịrị Eerọnị yọ nị. Amịramị ộ ra ẹhẹ mẹ ịrayị ẹchịhịnọnyị tụra ẹwụrịhịmba.

Ijeremaya 42:20

eyi ọnị wee nyee nịnị aanị, ẹhẹ awụ nịnị u ve sii sí ụta anị o, ọnị ka, ẹwụ nịnị ọ tụ ọnị ka ọnị ọ̀ na mẹ̀ aduwa hi Ẹnẹyịmavara, Ohomorihi ayị nị, dị ụ kà a nịnị ka ụ vaa mẹ avaba ịsị ọọ ka nị.

Ezikẹẹrị 37:16

Ozi-ọza, ọnị ọ̀ sị ọchị ọnya, dị ọnị ọ̀ chẹrẹẹ tụ ọ ka, ọsọnị vị óhinọyị Ijuda; Ọnị ọ̀ rẹ sị ọchị ọsa, dị ọnị ọ̀ rẹ chẹrẹẹ tụ ọ ka, ọsọnị vị óhinọyị Isirẹrị.

Ịrịka 17:2

ọ ka yị Anisirẹrị nịnị ka ẹ sị okutẹ ẹwurẹẹva vẹ. Ọdọvịdị ịrẹsụ ọzọza ọ sị okutẹ anị vẹ dị aa chẹrẹ ịrẹha anị tụ́ ọ.

Ịrịka 17:4

Ẹnẹyịmavara kà Imosiisi ọ̀ kụ́ avaba okutẹ ẹnẹẹ tụ ọvịdị apoti oto ịnị ajẹngụ ọnị ọnịrị ọ gẹ.

Ịrịka 18:1

Ẹnẹyịmavara ọ ka yị Eerọnị ka ọnịrị ezi anị beri avaba anovwoovu anị ẹ vaa sị eyi pe akụvị anaa mẹ ịnị ajẹngụ anị nị. Ama Eerọnị ọnịrị ezi anị kẹnẹ ẹ vaa sị eyi pe akụvị ọnị ohirẹsụ irehi Ohomorihi nịnị ẹ̀ẹ mẹ̀ ịnị ụkọrọ ẹnịnị nị.

Ịrịka 18:7

Ama Eerọnị ọnịrị ezi anị ẹ vị ohirẹsụ irehi Ohomorihi ana vaa hẹkẹ ẹ nị. Ẹnị ịnya kẹnẹ ẹ zụ gụrị ụta ịsọvọ, dị ẹ rẹ ngụ aha enyisi nị. Ẹnẹyịmavara kà ẹyịza ọnị mẹ yị wa ka ẹẹ hẹkẹ ọnị anka ohirẹsụ Irehi anị nị. Aza ana vọ ẹ̀ẹ ngụ aha enyisi à wụ́ wa.

Ịrịka 26:10

avọọ ẹtẹ ha irenu, dị ọ mụnẹ wa, dị ịra rị aza ẹnị ịrẹka tụra ẹvarẹwụ (250). Ẹnị aa sị kà aza ana vọ ọnọ nị.