Ịrịka 16:40 - IWE ỌNỊNỊ

⁴⁰ Ịsa ana mẹ aanị vaa ka Anisirẹrị nịnị ọnọ ka ọza kẹnẹ-kẹnẹ ọnị ẹ yị vị evere Eerọnị ẹ yị nyẹngụ nọ ọvịdị Ẹnẹyịmavara na rị eturare ịra ịrẹsụ ụta. Ọza àa vavọọ mẹ vee re ịsị tu Ikora ọnịrị aza ana saasa a. Dị Ẹnẹyịmavara kà yị Imosiisi ka ọ vavọọ mẹ nị.

Ịrịka 16:40 ပူးပေါင်းရင်းမြစ်များ

Ẹzịra 2:62

Evere anị ẹnẹnị ẹ yị kụkụ yẹ ịpa ohiku ẹnịnị, avọ dị ọza ẹ yị za wa ịrịka beri ohirẹsụ irehi Ohomorihi nịnị nị.

Ahẹ Ụgama 115:10

Ẹwụ nịnị aneehi Eerọnị, sị ayị tụra Ẹnẹyịmavara nịnị. Ọnị aa gu wụ nịnị ụvọ di ee sere wu nịnị nị.

Ezikẹẹrị 40:46

Dị aku ana và eyi ka eyi ẹbẹẹba aanị vị aku ohirẹsụ irehi Ohomorihi ana aa mẹ̀ ụkọrọ ịnị ụta ịsọvọ nị. Avaba ohirẹsụ irehi Ohomorihi ẹnẹnị vị evere ọnọrụ ana aā hị́ Ịzadọkị. Ẹnị ẹ vị ịpa Anireevi ana a zẹẹ ka ẹ̀ jị ahụ ngụ ọvịdị Ẹnẹyịmavara na mẹ ịsọnyịsọnyị nị.

Ezikẹẹrị 43:19

 nyị ẹnị ohirẹsụ irehi Ohomorihi ana vị Anireevi; Evere ọnọrụ ana aā hị́ Ịzadọkị ẹ̀ vị nị. Ẹnẹyịmavara kà ẹnị ẹnẹẹ kẹnẹ ẹ vaa vẹ ọvịdị anị vaa mẹ̀ ụkọrọ yị ọnị nị. Ọ kà, ọnị ộ mẹ̀ ẹ ọda yị ọnị Ezikẹẹrị ka ọ sị ụnọ ọnya yị wa dị ẹ̀ sị mẹ̀ ịsọvọ agụvị ebira odivi ana aza mẹ.

Ireevi 22:10

Ọza ọnị ẹ̀ yị vị aza ohirẹsụ irehi Ohomorihi ẹ́ yị vaa rị ịnị ịsị a sị va yị Ohomorihi irenyi, ọzọga ene ve heyi ohirẹsụ ịrẹsụ Ohomorihi à vị ọza ana á dọ ka ọọ mẹ̀ ụkọrọ ịdị anị ẹ́ yị vaa nyayịnẹẹ rị ịnị ịsa ọnịnị ọnọnị.

Ịrịka 1:51

Anireevi nini kẹnẹ ẹ nyẹngụ jị ẹnya ẹnẹẹ hi ẹtẹ dị rẹ varẹma tenyi wa kụ jẹẹ nị. Ọza ẹnịsa enee hira gụrị wa vị anaa wụ.

Ịrịka 16:39

Ịzẹyịza, dị Eriyaza ana vị ohirẹsụ irehi Ohomorihi kụ ẹnya eturare ẹnẹẹ dị aa sị ịhama tu ọ oku ana a sị ku ụta ịsọvọ.

Ịrịka 3:10

Eerọnị ọnịrị ezi anị kẹnẹ a nyị ka ẹẹ mẹ̀ ụkọrọ ohirẹsụ irehi Ohomorihi nị. Àa nyị ọza ẹnẹsa anaa na hama wa, aa wụ̀ ọ.

Ịrịka 3:38

Imosiisi ọnịrị Eerọnị ne beri ezi ẹnịnị vị ana da aha ẹnịnị tụ ọvịdị irehi Ohomorihi oze eyi ịzị ọyị hụrẹ vẹ. Ẹnị e si eyi pe a mẹ vọrọ ka Anisirẹrị ẹ mẹ ahẹkẹ ini irehi Ohomorihi nị. Àa nyị ọza ẹnẹsa ana hama wa na mẹ̀ ụkọrọ ọnọọ vị anaa wụ ịzịzọọ.

Anihiburu 5:4

Ẹ́ yị nyị ọza anaā sị udi ụbanyịị yị ẹngụ anị, dị ọ sị ẹngụ anị vị ohirẹsụ ọbanyị irehi Ohomorihi. Ọza oni Ohomorihi ọ̀ọ hị́ kẹnẹ, anka ọ mẹ̀ hị́ Eerọnị, ọ zụ nyẹngụ yà udi ọnọọ nị.

Ijosuwa 4:7

Ịjọnọọ ẹnịnị vaa kà zụ wa Ẹnẹyịmavara mẹmẹ za enyi ịnị irehu Ijodani jẹẹ ọvịdị apoti oto anị. Dị a sị ọ jịnẹ irehu ịrẹsụ ẹtẹ ọyịwụ. Ịrẹta ẹnẹẹ Anisirẹrị nịnị vaa sị tamayị ụmẹ ọnọọ pooro zịna-zịna nị.

Ijudi 1:11

Aza ẹnẹnị ẹ sị da. Ẹyaa mẹ̀ ebira odivi anka Ikeeni. Ẹ raa sị avaba ẹngụ ẹnịnị tụ́ ịnị ịsa odivi ọyị mẹ, agụvị ẹ zụ nyị ẹkẹhị, anka Ịbaraamị ọnị mẹ̀ rẹ mẹ. Ẹnịnị vị anaā kwẹẹtẹ tu ọza ene huna wa, anka Ikora mẹ̀ mẹ, dị o sú ne ta.