Ịrịka 16:3 - IWE ỌNỊNỊ

³ Dị ẹnịnị vabẹ va eyi ka Imosiisi ọnịrị Eerọnị. Dị ẹ ka Imosiisi ọnịrị Eerọnị è ro ka ẹnị hụụnị aza ana vọ nị. Avaba ẹnịnị Anisirẹrị vị aza Ẹnẹyịmavara, dị ọ rẹ ya pe ẹnị nị. Sị ẹ zụ mẹ ka Imosiisi ọnịrị Eerọnị ẹẹ sị eyi wụ̀ aza ana vọ?

Ịrịka 16:3 ပူးပေါင်းရင်းမြစ်များ

Ẹzịra 9:2

Aza ẹnyị ịnị anọrụ Anisirẹrị ệ nyị ọnẹẹ Anikinami, dị ẹ navọ ezi ẹnịnị ka ẹnị ẹ rẹ na nyị anẹẹ Anikinami nị. Ọdọvịdị ọnịrị azọkụ Anisirẹrị ẹ vị ọnyị ịnị ebira ụhị ọnọọ nị. Aza Ohomorihi ẹ sị va hụra Anikinami nịnị.

Ahẹ Ụgama 106:16

Ẹnịnị mè hi udi, e yee pè Imosiisi kụ̀ ụhị ọnịrị Eerọnị ẹnị Ẹnẹyịmavara nyị yị ẹngụ anị.

Ahẹ Ụgama 68:17

Ananyị yị ọ raà hụrẹ Ịsịnayị vẹ va ngụ ini eehi anị. Ộ nyị ịkẹkẹ ịrẹkụ oni umaataā tura. Ệ rụrụ ẹnẹmẹhị, ọza ọ yị zụ za wa ịrịka.

Ọyịkụra 19:6

ama ẹnị mị vaa sị mẹ ohirẹsụ irehi Ohomorihi amị nị di ẹ vị anẹkụra amị. Maanị kà a yị Anisirẹrị nịnị.”

Ịrịka 14:14

Anijipiti nịnị ẹ̀ yẹ ka waa sị ẹngụ zụ aza awụ chengede ịnị eguhi ana da jẹẹ ku wa ịrẹsụ. Ụ ya ịnị eguhi ọnọọ tụ ọvịdị aa zụ aza awụ oze. Ịrahụ dị eguhi ọnọọ vara ịra yị wa. Ẹnịnị vaa ka yị anẹkụra ọnọnị ana yẹ ka ụ ya pe aza awụ.

Ịrịka 16:11

Anikora nịnị ẹ raa kụ aza ku ịrẹma va eyi ịraazị ka Ẹnẹyịmavara. Ẹ yị vị ịrẹyị Eerọnị o tu wa.

Ịrịka 16:41

Eyinẹhẹ anị, dị avaba ịragụ Anisirẹrị va eyi ịra ka Imosiisi ọnịrị Eerọnị ka ẹnị wụ̀ aza Ẹnẹyịmavara ha nị.

Ịrịka 16:7

dị ẹ ka akịna ọnịrị eturare tụ́ ọ ọvịdị Ẹnẹyịmavara. Ọnị ọ vaa nyị ọza ana vị anị nị. Dị Imosiisi ka ẹnịnị Anireevi ẹ sị rẹ jịnẹ ẹngụ ẹnịnị baaba.

Ịrịka 23:21

Ọnị ẹ yị re odivi a vị akanya ini ẹhẹ ẹnịnị. Ẹnẹyịmavara Ohomorihi ya pe wa; ọnị ọ vị ohinọyị ẹnịnị nị.

Ịrịka 35:34

Asị a nyị ọza ene du ẹtẹ ịzị ọ ra agụvị ka Ẹnẹyịmavara ọ ra ịnị akakana Anisirẹrị.

Ịrịka 5:3

Ohomorihi ka ẹ̀ dụ ọza tụra ọza anaaa nyị ẹngụ ụkụ ẹnẹẹ. Ịzị ẹ ya ọ̀ nị agụvị ka ọnị ya ịnị akakana ẹnịnị.

Odeyi 7:39

“Ada ayị nịnị ẹ yị zẹẹ ka ẹnị ẹ̀ wụ́ ịrẹyị anị, dị ẹ tụ́ ọọ ụvọ hụụ ịdị ẹnịnị, dị ẹ raà sị ayị ẹnịnị varẹma nọ Ijipiti nị.

Odeyi 7:51

Di Isitivini ka, “Ẹwụ nịnị anayọkatẹngụ, ana nyị ayị anarịmadọwụ, dị ụ wẹ̀ yị mā wụ́ ịrẹyị Ohomorihi nịnị. Ẹwụrị ohiku awụ nịnị vị ọnya, vị ẹwụ nịnịị̄ rẹẹ kụ̀ụ hịrẹ Ụhwẹ Ọnịnị nị.