Ịrịka 16:29 - IWE ỌNỊNỊ

²⁹ Aza ẹnịnị èe su usu ozu ẹnịnị, ẹ yị vị Ẹnẹyịmavara ọ tụ ọnị ụtụ.

Ịrịka 16:29 ပူးပေါင်းရင်းမြစ်များ

1 Ohinọyị 18:36

Ịjị o si tù ụmẹ ana a sịị̄ mẹ̀ ịsọvọ ụmẹ ọọdụ, di Erija ana vị ọnịsẹ kà tụ́ ọvịdị dị ọ ka, “Ẹnẹyịmavara ana vị Ohomorihi ana Abụrahamị ọnịrị Ayiziiki ne beri Isirẹrị hẹkẹ navọ aza ẹ̀ yẹ ajịnị ka ẹwụ Ẹnẹyịmavara, ẹwa vị Ohomorihi tụ́ ịnị ẹtẹ Anisirẹrị nị. Navọ à rẹ yẹ ka ẹma vị ozi ahụ awụ nị, ka ẹwa kà a ka ma mẹ avaba ịsị maa mẹ̀ aanị nị.

1 Ohinọyị 22:28

Di Imikaya ka, “Àa vị ka wa raà vavẹ ịnị ẹngwọọrọ, yẹ ka ẹ yị vị Ẹnẹyịmavara ọ kà ịrẹyị mị.” Dị ọ rẹ ka, “Avaba ẹwụ nịnị aza ẹnẹnị ẹ̀ wụ́ o!”

2 Ịtọpa 18:27

Di Imikaya ka, “Àa vị ka wa raà vavẹ ịnị ẹngwọọrọ, yẹ ka ẹ yị vị Ẹnẹyịmavara ọ kà ịrẹyị mị.” Dị ọ rẹ ka, “Avaba ẹwụ nịnị aza ẹnẹnị ẹ̀ wụ́ o!”

Ijoovu 35:15

Ví u wee ro o ka Ohomorihi ẹ́ ma sị ụya rị ọza, di u ro ka vị ẹ̀ yị ma si eyi nọ ịnị ịvị nị.

Ọyịkụra 20:5

Wẹ yị nyayịnẹ hẹkẹ wa. Ẹma vị Ẹnẹyịmavara ana vị Ohomorihi awụ nị. Me mē sì ka ọza ò sì ịrẹyị amị di ò re kuku ne sì ịrẹyị ori. Ọza ọ̀ọ nyị ịhyẹrẹ amị ịvị ọ mẹ avọọ nị. Maa sị ụya anịị rị ọ ne beri ozi anị ọnịrị aazị anị ne chire ẹmaazị anị.

Ọyịkụra 32:34

Ama we chii na booro aanị dị wa na kụ́ aza ẹnẹẹ dụ wa nọ ịzị mị ka wa kụ́ wa nọ. Mị vaa tụ́ anggẹẹrị amị ka ọ̀ tụ́ ọvịdị awụ nịnị dị waa na nịnị. Ama òo si tù ụmẹ ana vọrọ ka ma sị sị ụya rị wa, mị vaa sị ụyaa rị wa agụvị ebira odivi ẹnị ẹ mẹ̀.”

Ịrẹyị Ọzwọzịsa 3:19

Ọ kà ịsị ọnyọọnya o vee tu ọza ọnịrị ịsụpa. Ọnya mee su, avọọ ọ sa me vee su nị. Ụhwẹ ọnyọọnya ẹnị ẹyịva aa tụ nị, ọza ẹ yị dahi huni ịsụpa. Avaba anị vị osusu.

Ayịsaya 10:3

sị ụ vaa mẹ nịnị ịhị ọnọọ? Eni u vee zwe nee tù ka ọ̀ gụ wụ nịnị ụvọ? Mị ka ịzị ụ vaa kụ́ ogu awụ nịnị nee hi ịhị ọnọọ?

Ijeremaya 5:9

Ẹnẹyịmavara kà, áá vọrọ ka asị ọnị sị ụya rị wa agụvị avaba ọsọnị, dị ọnị ọ̀ họ̀ oponu ịrẹyị ẹngụ anị ịrẹsụ ẹngụ ẹkụra ọnọnị?

Arụwẹ 4:22

Ụyọrị Anịzayọnị vaa ta. Ẹnẹyịmavara ẹ yị kụkụ vaa za ayị ku aha ịzị a za ayị ọrịhị ne hi aanị. Ama Ẹnẹyịmavara vaa sị ụya ịvị Anedomi rị wa. Ọ vaa kụ wa uruvo hi ẹhẹ dị è re ebira odivi ẹnịnị.

Ẹtore 11:5

Àa nyị ọza ene sì ka ọnị ọ̀ mẹ ịrẹyị, dị ịra jịnẹ hụụnị irenu ẹnịnị vẹ, dị ọ wụ ọnịvị ẹnịnị ẹnẹẹ. Aza ene èe sì ka ẹnị ẹ̀ mẹ wa ịrẹyị, vị a vaa wụ̀ wa nị.