Ịrịka 16:26 - IWE ỌNỊNỊ

²⁶ dị Imosiisi kà yị avaba ịragụ ka ọzọza ọ ka hụrị ẹngụ aza edivi. Asị ẹ kanyị ịsa ẹnịnị, ẹ vị ẹ ka ẹnịrị wa e vú ẹtẹ.

Ịrịka 16:26 ပူးပေါင်းရင်းမြစ်များ

Oyinyima 19:17

Ẹ mẹ̀ raà kụ́ wa jịnẹ dị ẹ kà a yị wa ka, “Èe sì ịrẹyị ụhwẹ ẹnịnị, eē zwe, asị ẹ kana eyi ịrẹma, asị ẹ rẹ jẹẹ aha ọnyọọnyị ini ozi, Ẹ ka èe zwee nọ ịnị ataba nịnị, ka e ve wusu.”

Ayịsaya 52:11

Re ka waa hụrị Ịbabịrọnị nịnị. Avaba ẹwụ nịnị anaā za ẹnya ene hi ini Irehi Ohomorihi! A sị ụ sị ụvọ kanyị ịsa ẹnẹ ẹ̀ yị nị nịnị. Jịnẹ hụụnị akakana ẹnịnị nịnị. Vara ẹngụ awụ ọnịnị.

Ijeremaya 51:6

Ọ kà ọzọza ò zwè hụrị ẹtẹ Ịbabịrọnị, ọzọza ọ sị ụvọ ku ịrẹsụ oo zwè. Asị ụ zẹ ka a wụ agụvị ebira odivi ẹnịnị. Ụmẹ o si tu ka ọnị Ẹnẹyịmavara ọ̀ họ̀ oponu, ọnị vaa sị ụyaa rị wa á mẹ vọrọ.

Ịrịka 16:25

Avọọ dị Imosiisi ọnịrị ọdọvịdị Anisirẹrị nịnị ne tu Idatanị ọnịrị Abiramị,

Imatiwu 10:14

Ọza tụra ọza ẹnẹ ẹ̀ yị dọ wụ nịnị, dị ẹ̀ yị rẹ wụ́ ịrẹyị awụ nịnị nị, bànyị edudu ahụ awụ nịnị hi ịzọọ, wàaa hụụnị ẹkụra ọnọọ, àa vị ini eehi ọnọọ nịnị.

Odeyi 13:51

Dị Ịpọọrụ nịnị bànyị edudu ahụ ẹnịnị hi ịzọọ yị wa, dị ẹyaa nọ ẹkụra ana aā hị́ Ayịkọnịyọmị nị.

Odeyi 8:20

Dị Ipita tụ́ ọọ ohi, dị ọ ka, “Ẹwụrị ẹkẹhị awụ ò vu ẹtẹ, agụvị ka wê ro o ka a nyẹngụ sị ẹkẹhị hị́ ẹyịza Ohomorihi.

2 Anịkọrịntị 6:17

Agụvị avọọ dị Ananyị yị rẹ kà a ka: Jịnẹ hụụ ịdị ẹnịnị, sị ẹngụ awụ nịnị tụ́ irenyi kwooze yị wa. Asị ụ sị ụvọ kanyị ịsa eneē du ọza ẹngụ nịnị. Ịjọnọọ ọnị vaa dọ wụ nịnịị pe ẹngụ.

Iwe Ọhụhị Imosiisi ana aa hị́ Ọyịvatụrọda 13:17

Asị a nyị ọza ana sị̀ hụụnị ogu ene chi hi aanị, agụvị Ẹnẹyịmavara ọ vaa hụụnị ọyịkụ anị, dị ọ vayị awụ nịnị. Ọ vaa vayị awụ nịnị, dị ọ mẹ ka wa rụrụ hu avọọ anka ọ mẹ hị́ eku yị ohiku awụ nịnị,

1 Itimoti 5:22

Asị ụ há eyi sị ụvọ tụra ọza, dị ụ wa mẹ̀ aduwaa yọ. Asị ụ na bẹ tụ́ ịnị ịvị ọza ẹnẹsa! Re ka wáa nyị ayị ọnịnị!

Ẹtore 18:4

Dị mị rẹ wụ́ ọngwẹ ọsa hụrẹ ẹbẹẹba, dị ọ ka: Ẹwụ nịnị aza anị, jịnẹ tụ́ ẹhẹ hụrị Ịbabịrọnị nịnị! Asị ụ nyị ụvọ tụ́ ịnị ebira odivi ẹnịnị! Agụvị asị ẹwụrị wa na rị ụya ọnyọọnya nịnị.