Ịrịka 16:22 - IWE ỌNỊNỊ

²² Ama dị ẹnị ẹyịva ẹnẹẹ ka ịrẹsụ hi, dị ẹ mẹ̀ aduwa kà a, Tee! Ohomorihi anaā sịị ụhwẹ yị aza, sị ẹ vị dị a vaa hụvị ọza ịnya kụ ayị hi avaba ịragụ?

Ịrịka 16:22 ပူးပေါင်းရင်းမြစ်များ

Oyinyima 18:32

Di Abụrahamị kụkụ ka, “Aarịhịnị, ộ zụ ọgọnị, ọ sị vọrọ ka ọ kụ́ ayị hi ọnị, vị ọnị ka ọnị ọ̀ yaanị họ̀ use ụpẹ ọnya kẹnẹ tụ́ ọ nị. Àa na vị ka aza ẹnị ẹẹwụ pere ẹ vị aza ọyịza ene hi ịzọọ yọ?” Di Ẹnẹyịmavara kà: “Ọnị ọ yị vaa wụ̀ wa agụvị aza ẹnị ẹẹwụ ọnọọ.”

2 Ịsamụwẹrị 24:1

Ịnị ụmẹ ọnya Ẹnẹyịmavara raa kụ́ ayị tu Anisirẹrị. Dị ọ kụ́ ọ hi Idevidi ayị dị ọ ka ọ̀ kwẹẹtẹ dị ọ̀ na za Anisirẹrị ọnịrị Anijuda ịrịka nị.

2 Ịsamụwẹrị 24:17

Idevidi mè re anggẹẹrị anaā wụ̀ ọza, dị ọ kà a yị Ẹnẹyịmavara dị ọ ka, “Te, ịzẹyịza ẹma mẹ̀ akụvị, ẹma mẹ̀ ebira odivi nị. Ama ịrẹyị ọọhẹ aa rị aza ẹnẹnị ana aa rị ụya aanị nị. Navọ wa va eyi ka ẹmị ịnya kẹnẹ ne beri ovwoovu amị.”

Ijoovu 12:10

Ẹhẹ ọzọza vana ya ịnị ụvọ Ohomorihi.

Ahẹ Ụgama 99:6

Imosiisi ọnịrị Eerọnị yà ịnị aza ana vị ohirẹsụ irehi Ohomorihi. Ịsamụwẹrị ọnị rẹ yà ịnị aza ana nā mẹ̀ aduwaa hi Ohomorihi di o tụ́ wa ohi.

Ịrẹyị Ọzwọzịsa 12:7

A vaa sị ọchẹngụ ayị varẹma nee chire ẹtẹ, dị ụhwẹ ayị varẹma ka Ohomorihi ana sị yị na.

Ayịsaya 57:16

Ẹma mẹ ka aza amị yàra nị; mẹ yị maanị vaa kà a pooro ka ệ mẹ divi nịnị, à vị ka ma maanị kụ́ ayịị hi wa pooro. Agụvị ka aza ẹnẹnị gẹdẹ-gẹdẹ ọnị mẹ ka ẹ̀ yàra aanị, vị ene vee su eyi amị.

Ijeremaya 32:27

Re, ọnị ọ vị Ẹnẹyịmavara, Ohomorihi ana tụ́ avaba aza nị; vị áá nyị ịsị ẹ sị katẹngụ baaba yị ọnị kẹ?

Ijeremaya 38:16

Ọ kà, dị ohinọyị Ịzẹdẹkaya were kà a yị ọnị ka, ọnị ộ sị Ohomorihi ana sị ụhwẹ yị avaba aza hị́ eku ka, ọnị ẹ́ yị vaa wụ̀ ọnị. Ọnị ẹ́ yị rẹ vaa hụrẹ ọnị ụvọ yị aza enee si ọnị isu nị.

Ezikẹẹrị 18:4

Ka, ọnị ọ nyị avaba aza nị. Aza ana ma ozi ọnịrị ezi ẹnịnị, ọnị ọ nyị wa vabẹ nị, avọọ ọza anaaa mẹ̀ ebira odivi, o vee sú isu anị nị.

Ireevi 10:6

Dị Imosiisi kà a yị Eerọnị ọnịrị ezi anị ana aa hị́ Eriyaza ọnịrị Ịtama ka, asị ẹ hụ̀ agụvị ka ẹnị aa zị ẹngụ aza ene zụ, dị ẹ̀ navọ ẹyịrẹsụ ẹnịnị dị à si e che e o. À sị̀ hụ̀ agụvị avọọ na awuru hi ẹngụ ẹnịnị ẹngụ bẹẹ. Ọ kà ẹnịnị ẹ̀ẹ vavọọ mẹ, vị eyee su nị, dị Ẹnẹyịmavara kụ ayị hi avaba ẹnị ịragụ nị. Ama anda ẹnịnị Anisirẹrị ana vọ, ẹ́ nyẹngụ aa zị ẹngụ aza ọnị Ẹnẹyịmavara sị ịra wụ aanị.

Ireevi 4:3

Àa vị ohirẹsụ ọbanyị irehi Ohomorihi ọ mẹ ịvị nị, ọ raa mẹ ka aza ana vọ ẹ̀ rị ịvị, ịvị ọnị ọ́ mẹ avọọ, ọ vaa sị ozi ụnọ araka ọnị ẹ̀ yị tụ ọkụmị vaa mẹ̀ ịsọvọ ịvị anịị yị Ẹnẹyịmavara.

Ịzakaraya 12:1

Ọsọnị ọ vị ụtụ ọnị Ẹnẹyịmavara tụ́ hi Anisirẹrị nịnị. Ẹnẹyịmavara ana gana eguhi ku ẹbẹẹba, dị ộ mè ẹtẹ, dị ọ sị ụhwẹ ka ọ sị ra kà,

Ịrịka 14:5

Dị Imosiisi ọnịrị Eerọnị tana tụra ẹtẹ ọvịdị ẹnịnị.

Ịrịka 16:23

Dị Ẹnẹyịmavara kà yị Imosiisi ka,

Ịrịka 16:4

Imosiisi mẹ wụ́ ịrẹyị ọnọnị, di o ku ẹtẹ, dị ọ mẹ̀ aduwa nị.

Ịrịka 16:45

ọ hụụ ịnị akakana ẹnịnị agụvị dị ọnị ọ wụ ịtapa-ịtapa. Ama dị Imosiisi ọnịrị Eerọnị tana tụra ẹtẹ dị e va eyi ku ẹtẹ nị.

Ịrịka 27:16

Taarụ! Ẹnẹyịmavara Ohomorihi ana yẹ ịsa ya ịnị ayị ẹyọza, navọ wa nyị ọza ana vaa vị ọdọvịdị yị Isirẹrị.

Aniroomi 5:18

Ye si oo re ka agụvị ka ọza ịnyara ộ mẹ̀ ịvị, ọ mẹ̀ ka avaba aza ẹ̀ rị ịvị nị. Avọọ gẹdẹ-gẹdẹ ọ́za ịnya ana mẹ ịzẹyịza mẹ̀ rẹ mẹ ka Ohomorihi ọ̀ jị ịhị yị avaba aza, dị ẹ̀ yàra ị́dị anị pooro zịna-zịna nị.

1 Anịkọrịntị 13:7

Ọza ene sì ịrẹyị ọza, ọ mā sị ịrẹyị ọza nọ ịnị orere. Ọ rẹẹ̄ sị ayịị tụra ọza, o reē tụra eyi ịnị avaba ịsa ka aza vaa mẹ ẹtẹẹrẹ. Ọọ̄ sị ẹngụụ dọ avaba ịsa.

Anihiburu 12:9

Ada ayị ịnị ẹhẹ ọnọnịị̄ sị ụyaa rị yị, dị ị ká ịrẹsụ hi yị wa. Wéé ro ka ayị vọrọ ka ya ká ịrẹsụ hi hu avọọ yị Ada ayị ẹbẹẹba, dị ya zụ yára?

Ijosuwa 22:18

Vị́ áá vọrọ ka wa rẹ kụkụ kà a ka wẹ yị kụkụ saasa a nịnị booro aanị nị? Wàa kụ hịrẹ ẹ nịnị ajịnị, vị avaba Anisirẹrị ee re ọyịkụ anị ụhwọọ nị.