Ịrịka 16:18 - IWE ỌNỊNỊ

¹⁸ Ịzẹyịza, dị ọzọza sị ẹnya eturare anị, dị ka akịna tụ ọ, dị ẹ va eturare hi ọ ịrẹsụ, dị ẹ jẹẹ enoze ajẹngụ Ẹnẹyịmavara ịzị ọnịrị Imosiisi vaka Eerọnị nịnị gẹ.

Ịrịka 16:18 ပူးပေါင်းရင်းမြစ်များ

2 Ịtọpa 26:16

Ịjị ộ maanị re ka ọnị ọ sụ ụkata, dị ọ kụkụ ee wu ana mẹ̀ ka ọ hyẹdụ nị. Ô du Ẹnẹyịmavara Ohomorihi anị ẹngụ agụvị ka ộ nọ ịnị irehi Ohomorihi na rị eturare ịra ịrẹsụ ụta eturare.

Ireevi 16:12

Ọ vaa sị ịchacha ana a sịị̄ nyị ịra, dị ọ ká akịna hi ọ ohihi hụụnị ụta ana ya ọvịdị Ẹnẹyịmavara vaka eturare ozoza ụvọ ẹẹva ohihi-ohihi, dị ọ kụ wa ngụ aha ọnịnị ene hu aanị.

Ireevi 16:13

Ọ vaa yà ọvịdị Ẹnẹyịmavara ịzọọ, dị ọ và eturare ọnọọ hi ịnị ịra, dị areyi anị ọ̀ chaka ku ịrẹhụ ayamva ana yà ịrẹsụ apoti oto ụ vị dị a sị o su agụvị ka oo re e.

Ịrịka 16:17

Ọzọza ọ sị ẹnya ana aā sị rị eturare ịra rị ụvọ, dị a sị eturare tụ́ ọ, dị ọzọza ọ sị anị vẹ ọvịdị Ẹnẹyịmavara. Avaba ẹnya eturare ẹnẹẹ vị ịrẹka tụra ẹvarẹwụ.

Ịrịka 16:19

Dị Ikora kụ avaba Anisirẹrị nịnị gụ enoze ajẹngụ ka ẹ va eyi ka Imosiisi nị. Obooboro ọnọọ, dị Ẹnẹyịmavara sị ẹngụ zụ wa, dị ẹtẹ hweyi kara avaba ịragụ ana gụ nị.

Ịrịka 16:37

ọ ka yị Eriyaza ozi Eerọnị ana vị ohirẹsụ irehi Ohomorihi ka ọ kụ ẹnya ana sị rị eturare ịra ẹnẹẹ hụụnị ịra, dị ọ va akịna anị ha agụvị ẹnya ẹnẹẹ vị ọnịnị.

Ịrịka 16:48

Dị ọ jẹẹ ịnị akakana aza ana yara ọnịrị aza ene su nị, dị uswọọza za ụvọ jẹẹ nị.