Ịrịka 16:13 - IWE ỌNỊNỊ

¹³ Dị ẹ ka aanịka ịrẹyị oweyi ọ vị ka Imosiisi ộ kụ ẹnị hụrị ẹtẹ ozoza na ngụ ịnị ụnọmị ka ẹnị e su va ha nị. Booro aanị, di ee si ka ọnị ọ mẹ ọga tụra ẹnị ịrẹsụ.

Ịrịka 16:13 ပူးပေါင်းရင်းမြစ်များ

Ọyịkụra 1:11

Ịzẹyịza dị ẹ na nyị aza ana aā kụ́ azaa mẹ̀ ụkọrọ ka ẹ̀ vaa kụ́ Anisirẹrị naa mẹ̀ ụkọrọ ọkatẹngụ nị. Â sị ụkọrọ ọkatẹngụ yị wa. A ka ẹ̀ẹ dà ụhwọ yị ohinọyị Anijipiti Ipitomi ọnịrị Iramesisi.

Ọyịkụra 1:22

Di Ihwarawo kụkụ va mẹ ọda dị ọ kà a yị avaba aza anị dị ọ ka, “Avaba ozi ọnọrụ anị Anihiburu ọ̀ọ ma è ne ne wa ngụ irehu Ịnayịrị. Ama à navọ ozi ọnẹẹ ẹnị ẹ̀ẹ ma.”

Ọyịkụra 16:3

Di Anisirẹrị kà a yị wa dị ẹka: “Àa yẹ Ẹnẹyịmavara ọ̀ vana wụ yi hi Ijipiti. I mè hi ịzọọ yàa rị uye ọnịrị ịsọyịrị ana vọ o mè zee yi eyi. Ama wa raà kụ́ avaba ayị ẹnẹnị vẹ ịnị ụnọmị ịzẹnị ka wa sị ụngwẹ wụ̀ yị va ha nịnị.”

Ọyịkụra 17:3

Enyi aa kụ̀ aza ẹnẹẹ ịzọọ ẹtẹẹtẹrẹ, dị ẹ yaa rị ihuhuu hi Imosiisi nị. Dị ẹ ka, “Sị ẹ vẹ dị ụ kụ́ yị hụrẹ Ijipiti vẹ ịzẹnị ka asị i re enyi hú dị ẹyịrị ezi eyi ne beri ịsụpa ayị è sú?”

Ọyịkụra 2:14

Dị ọnọọ ka: ẹnị ẹ nyị ọ mẹ ohinọyị ka ọ vị ọmọkarẹyị ẹnịnị. Ọ kà vị ọọ̄ raa vaa wụ̀ ọnị anka ọ mẹ̀ wụ Anijipiti ịhyọọ nị? Di angwa ee hi Imosiisi, dị ọ ka, “Wáá yẹ ka a sị yẹ aanị.”

Ọyịkụra 2:23

Ộ vana dà kù, di ohinọyị Anijipiti wusu nị. Anisirẹrị vị ana aa rịị rị ụya, di e yee nowu agụvị ụkọrọ ana a za wa ọrịhị aa mẹ nị. E yee nowu ka Ohomorihi ọ̀ gụ ẹnị ụvọ.

Ezikẹẹrị 34:18

Avị ọyịza-ọyịza ọnị waa rị nịnị é yị zee aza ẹnyị awụ nịnị. Ẹnịnị ẹ̀ẹ sị rị, dị ẹ sị ahụ sìsi ana vọ hi ẹtẹ. Èe ree hú enyi ene nyeeyi, dị ẹ sị ahụ wụ́ ụdọ hi ana vọ.

Ịrịka 11:20

ama ụhwẹ ọnya ọyịvụrụ. Ẹ vaa rị ịsa, dị ọ du wa eyi, ka ẹnịnị e yị dọ yị Ẹnẹyịmavara ana yaa pe wa, dị ẹ ya rị uhuhu hi ọnị, dị ẹ ka sị ẹ vẹ dị ẹnị daka hụrẹ Ijipiti?

Ịrịka 11:4

Anikinami nịnị ana saasa Anisirẹrị nịnị ẹ kwẹẹtẹ aa ha ọhọha ịsọyịrị, dị Anisirẹrị nịnị ẹnị ree sụ ùnè ka ẹnị e yi re uye rị.

Ịrịka 11:5

Ẹ ka ẹnị ẹ tamayị ivovo ọnị ẹnị vịdị aa rị kẹnẹ-kẹnẹ ịnị Ijipiti. Ẹnị aa rị avaba ikukumba, ịpapara, ireeki, arịvasa, ọnịrị ịsa ana vọ o mee zee ẹnị eyi nị.

Ịrịka 13:27

Ệ ka ẹnị ẹ̀ nọ ịzị a tụ ẹnị. Ẹtẹ ize ịzọọ vị nị. Dị ẹ sị ẹtụtụ ịsa ịnị aarẹ ịzọọ zụ wa nị.

Ịrịka 14:2

Dị ẹ yaa kụ ịrẹkaa hi Imosiisi ọnịrị Eerọnị ẹngụ ka sị ẹ vẹ dị ẹ yị navọ ẹnị dị ẹnị e su tụ́ Ijipiti, a vị ịnị ụnọmị?

Ịrịka 14:3

Sị ẹ ve dị Ẹnẹyịmavara kụ ẹnị vẹ ịzẹnị ka enee ve su eyi ịrẹkụ? Dị ẹnị e wu su, dị ọnịvị ẹnịnị ẹ kụ ese ọnịrị ezi ẹnịnị vị ọrịhị ẹnịnị. Ọ vị ana mẹ ka ẹnị ẹ va na Ijipiti.

Ịrịka 16:12

Dị Imosiisi tụ́ hị́ Idatanị ọnịrị Abiramị ana vị ezi Eriyabi nị. Dị ẹnị rẹ tụ́ ụtụ varẹma ve tu Imosiisi ka ẹnị ẹ yị nọ nị.

Iruuku 19:14

“Anẹkụra anị ệ nyị ịhyẹrẹ anị, dị ẹ tụ́ aza saasa a ka ẹ̀ kà a ka eni e yi sì ka ọ̀ vị ohinọyị ẹnịnị nị.

Odeyi 7:35

“Imosiisi ọnọnị Ánisirẹrị nịnị yi nị, ẹ mẹ̀ kà a ka ẹnẹ sị ọọ mẹ ohinọyị ọnịrị ọmọkarẹyị ẹnịnị? Ọnị Óhomorihi va sị mẹ ohinọyị ẹnịnị ọnịrị ọza ana dọ wa tụ́ ini oze anggẹẹrị ana sị ẹngụ zụ̀ ọọ ịnị ọchị ọnọọ nị.