Ịrịka 16:11 - IWE ỌNỊNỊ

¹¹ Anikora nịnị ẹ raa kụ aza ku ịrẹma va eyi ịraazị ka Ẹnẹyịmavara. Ẹ yị vị ịrẹyị Eerọnị o tu wa.

Ịrịka 16:11 ပူးပေါင်းရင်းမြစ်များ

1 Ịtọpa 26:19

Aanị a mẹ̀ gà ụkọrọ yị ẹnị ezi Ikoora ẹnịrị ezi Imerari enee sere ẹtẹ oze ọbanyị nị.

Ahẹ Ụgama 106:16

Ẹnịnị mè hi udi, e yee pè Imosiisi kụ̀ ụhị ọnịrị Eerọnị ẹnị Ẹnẹyịmavara nyị yị ẹngụ anị.

Ọyịkụra 17:2

Di e nyima di eyee pè Imosiisi zyaazị nị. Dị ẹ ka Imosiisi ọ̀ sị enyi yị ẹnị dị ẹnị è hú nị. Dị Imosiisi ka, “Sị ẹ vẹ dị waa zyaazị hi mi nịnị? Wáá yẹ ka Ẹnẹyịmavara ụ waa zama a re nịnị aanị nị?”

Ịrịka 11:1

Ẹ yị nyịnyịnyị, dị aza nyima aa rị uhuhu hi Ẹnẹyịmavara agụvị ẹngụkata ene tu wa nị. Ẹnẹyịmavara mẹ wụ̀ ọ, dị ayị kụ ọ hi wa, dị ọ sị ịra aa rị ụtụụtọ ajẹngụ ẹnịnị ne hu nị.

Ịrịka 16:12

Dị Imosiisi tụ́ hị́ Idatanị ọnịrị Abiramị ana vị ezi Eriyabi nị. Dị ẹnị rẹ tụ́ ụtụ varẹma ve tu Imosiisi ka ẹnị ẹ yị nọ nị.

Ịrịka 16:3

Dị ẹnịnị vabẹ va eyi ka Imosiisi ọnịrị Eerọnị. Dị ẹ ka Imosiisi ọnịrị Eerọnị è ro ka ẹnị hụụnị aza ana vọ nị. Avaba ẹnịnị Anisirẹrị vị aza Ẹnẹyịmavara, dị ọ rẹ ya pe ẹnị nị. Sị ẹ zụ mẹ ka Imosiisi ọnịrị Eerọnị ẹẹ sị eyi wụ̀ aza ana vọ?

Iruuku 10:16

Dị Ijeesu kà a yị ezirẹma anị ka, “Ọza ana àa wụ́ ịrẹyị awụ nịnị, ẹmị ọ rẹ wụ́ ịrẹyị anị avọọ nị. Ọza ana àa sị eyi wụ wụ nịnị, ẹmị ọ rẹ sị eyi wụ avọọ nị. Ọza ana àa sị eyi wụ̀ mị, Ohomorihi ana tụ́ mị, ọ sị eyi wụ avọọ nị.”

Ịjọọnụ 13:20

Ịzẹyịza m maa kà a wụ nịnị nị, ọza tụra ọza ana àa dọ ọza ọnị mị tụ́ ụtụ, ẹmị ọ rẹ dọ avọọ nị. Ọza ana àa dọ mị, ọ rẹ dọ Ọza ana tụ́ mị vẹ ẹhẹ.”

Odeyi 5:4

Dị ụ va ná ẹtẹ awụ, ẹwa nyị nị. Ụ mẹ̀ rẹ va sị ọọ ná, ẹwa yị nyị ẹkẹhị anị nị. Sị ẹ vẹ di u ve ro o ịnị ayị awụ ka ụ maanị aa mẹ aanị? Ẹ yị vị ọza u cheeche yị, Ohomorihi u cheeche yị nị o.”

Aniroomi 13:2

Ọza tụra ọza ana àaa kụ̀ụ hịrẹ aza ana nyị ọda, ịsị Ohomorihi si hi ẹtẹ ọ́za ọnọọ aa kụ̀ụ hịrẹ avọọ nị. Ọza ana àa vavọọ mẹ, vi ee sì ka Ohomorihi ọ̀ jị ịvị yị ọnị avọọ nị.

1 Anịkọrịntị 10:10

Asị ị rẹ na rị ihuhu anka ẹnyị ẹnịnị! Dị anggẹẹrị anaā wụ̀ ọza wụ̀ wa và ha nị.

1 Anịkọrịntị 3:5

Ẹnẹ vị Ịpọọrụ? Ẹnẹ vị Aporo? Avaba ayị vị ezi ahụ Ohomorihi kẹnẹ. Yáa kụ́ wụ nịnị va dọ Ijeesu wụ́. Ọzịnya-ọzịnya ayị vị ana aa mẹ̀ ụkọrọ oni Ohomorihi sị yọ.

Ijudi 1:16

Aza ẹnẹnị vị anaā rị ihuhu, ẹnịnị ẹ́ yị ma rị dọ irenu. Ịsa odivi ọnị ayị ẹnịnị èe sì kẹnẹ ẹẹ̄ mẹ nị, dị ẹyaa nyị irenu, dị e re yee gono ọza agụvị è re oze dọ ọ ịsa.

1 Ịsamụwẹrị 8:7

Dị Ẹnẹyịmavara va kà a yị Ịsamụwẹrị ka avaba ịsị aza ẹnẹẹ ẹ̀ẹ ka ọ̀ mẹ, asị o pè wa nyị ahankata. Ọ kà ẹ yị vị Ịsamụwẹrị ẹ ka asị ọ kụkụ vị ọdọvịdị ẹnịnị, Ohomorihi ka ọnị ụvọta aza ẹnẹẹ ka asị ọnị kụkụ vị ohinọyị ẹnịnị nị.