Ịrịka 16:1 - IWE ỌNỊNỊ

¹ Â nyị Anireevi ọnya aanị ana a hị́ Ikoraana vị ozi Iziha ọnị ada anị rị Ikohati. Ikohati ọnọọ vị ozi Ireevi. Â rẹ nyị ẹyịnyara ẹẹva ọsa ana vị ezi Anirubẹnị nị. Ịrẹha ọnya ọ rị Idatanị, dị ọsa rị Abiramị nị. Ada ẹnịnị aa hị́ Eriyabi nị. Ọnọhụna ẹnịnị ọ rị Ọnị ana vị ozi Ịpẹrẹtị. Ọnị rẹ vị Anirubẹnị nịnị.

Ịrịka 16:1 ပူးပေါင်းရင်းမြစ်များ

Ahẹ Ụgama 106:16

Ẹnịnị mè hi udi, e yee pè Imosiisi kụ̀ ụhị ọnịrị Eerọnị ẹnị Ẹnẹyịmavara nyị yị ẹngụ anị.

Ọyịkụra 6:16

Ezi Ireevi m maa vaa hị́ aanị nị anka a mẹ̀ chịrẹ wa tụ́ ini iwe, Igerisoni, Ikohati ọnịrị Imerari. Ireevi ộ ra ịnị ẹhẹ mẹ ịrayị ẹchịhịnọnyị tụra ẹwụrịhịmba di o ve sú.

Ọyịkụra 6:18

Ezi Ikohati vị Amịramị, Iziha, Ihebirọnị ọnịrị Uziyẹrị. Ikohati ộ ra ịnị ẹhẹ mẹ ịrayị ẹchịhịnọnyị tụra ẹwụrẹta.

Ọyịkụra 6:21

Ezi Iziha vị Ikora, Inihwegi ọnịrị Izikiri.

Ịrịka 15:41

Ẹnẹyịmavara kà ọnị ọ vị Ohomorihi ana kụ wa jịnẹ hụrị Ijipiti.

Ịrịka 27:3

ada ẹnịnị ẹ̀ yị ma ozi ọnọrụ di o ve su ịnị ụnọmị. Ọ yị ịnị aza ana saasa Ikora mẹ̀ akamawụ hí Ẹnẹyịmavara, ama usu ịvị ẹngụ anị o su nị.

Iwe Ọhụhị Imosiisi ana aa hị́ Ọyịvatụrọda 11:6

Wê re ịsị Ẹnẹyịmavara mẹ Idatani ọnịrị Abiramị ana vị ezi Eriyabi ana vị Anirubẹnị. Eyi avaba aza ẹtẹ ộ ha irenu, dị ộ mụnẹ ẹnịrị ovwoovu ẹnịnị, ezi ahụ ọnịrị ịsụpa ẹnịnị beri ajẹngụ ẹnịnị.

Ijudi 1:11

Aza ẹnẹnị ẹ sị da. Ẹyaa mẹ̀ ebira odivi anka Ikeeni. Ẹ raa sị avaba ẹngụ ẹnịnị tụ́ ịnị ịsa odivi ọyị mẹ, agụvị ẹ zụ nyị ẹkẹhị, anka Ịbaraamị ọnị mẹ̀ rẹ mẹ. Ẹnịnị vị anaā kwẹẹtẹ tu ọza ene huna wa, anka Ikora mẹ̀ mẹ, dị o sú ne ta.