Ịrịka 15:5 - IWE ỌNỊNỊ

⁵ Avọọ ọ mẹ rẹ vaa sị eche irita ọnya saasa ịsọvọ ozi atẹmẹ ọnyọọnya ana a vaa ka tụ ịrẹsụ ụta nị.

Ịrịka 15:5 ပူးပေါင်းရင်းမြစ်များ

2 Ịtọpa 29:35

Ịrẹma uye ọrụrụ-ọrụrụ ana a rị ịra ịrẹsụ ụta, ụ̀hị̀ uye ẹnẹẹ vị ana rẹẹ̀ rị ịra beri uye ana vọ ana a rị ịra. Eche ana kụ va mẹ̀ ịsọvọ vị ana a ka hi ịrẹsụ ụta ịsọvọ. Avọọ, a mẹmẹ nyima aa hẹkẹ Ẹnẹyịmavara ịnị irehi anị nị.

Ẹzịra 7:17

Dị ọ ka ọ̀ tangwa sịị ẹkẹhị ọnọọ hị́ imaaru, ịdẹba, atẹmẹ ịsọyịrị ọnịrị eche ọyị sị mẹ̀ ịsọvọ ịrẹsụ ụta Ohomorihi ịnị irehi anị Ijerusarẹmị.

Ahẹ Ụgama 116:13

Mị vaa sị eche dị ma sị va mẹ̀ ịsọvọ kụ́ Ẹnẹyịmavara avọ agụvị ka ộ dọ mị há.

Ọyịkụra 29:40

Ụ vaa sị akụ ana kwọ ene zoza achẹva ịgarọọnị ọnya dị ụ sị angwẹ achena ịgarọọnị hura a. Angwẹ ọ̀ vị angwẹ ana a kama hụụnị ẹtụtụ ọchị ana aā hị́ orivi. Dị ụ rẹ si eche achena ịgarọọnị vaka a. Dị ụ vavọọ kụ́ wa vaka ịdẹba ịpaapa dị wa sị mẹ̀ ịsọvọ.

Ahẹ Isoromọnị 1:4

Navọ wa sị mị za, di ye zwe. Vị ohinọyị amị, dị wa sị́ mị na ngụ aha ọyị sụ̀ awụ de. I vee duduu jẹ, dị yaa mẹrị ẹngụụ huni ọza ene hú eche. Vị́ a vọrọ ka avaba anyẹnẹẹ è sì ịrẹyị awụ nị.

Ireevi 1:10

Àa vị ịdẹba à vị ịdẹ ọza ọnọọ aà sị hụụnị ịsụpa ana aa pá vaa mẹ̀ ịsọvọ nị, ọ̀ sị ẹnẹ ẹ̀ yị tụ ọkụmị.

Ireevi 23:13

Ọ kà ẹnịnị ẹ̀ sị ayị ọyịkwọ ẹ̀ hụ ikirogirami ẹẹva avọọ, dị a sị angwẹ orivi hùra a, dị ẹ̀ sị mẹ̀ ịsọvọ ịsọyịrị. Agụ ịsa ịsọvọ ọnọnịị hine Ẹnẹyịmavara ẹtẹẹtẹrẹ. Ọ kà ẹnịnị ẹ̀ rẹ sị eche chee aanị vaka ịsa ịsọvọ ẹnịnị ọnọọ.

Ireevi 3:6

Àa vị atẹmẹ à vị ẹvụ, ọ̀ọ va vị ịdẹba à vị ịdẹ ọza ka ọnị aa sịị mẹ̀ ịsọvọ ọnọnị nị, asị ọ vị ana tụ ọkụmị.

Ireevi 3:7

Àa vị ozi atẹmẹ ọza sị aa vaa mẹ̀ ịsọvọ nị,

Ịzakaraya 9:17

Ẹ vaa da zoza kẹnẹ! Ọpa ezweyi ẹnịnị vaa hụ anka ịzọọ anka akụ ịnị aarẹ, a vị ẹtụtụ igirepi ịnị ụbazị ịvayịnị avọọ nị.

Ịrịka 15:11

Avọọ ọ mẹ vaa vị yị ịsọvọ ụnọ ọnịrị ịdẹba, ne beri ozi atẹmẹ a vị ẹvụ.

Ịrịka 15:6

A vị ịsọvọ ịdẹba yọ nị, dị aa sị ayị ikirogirami ẹẹva vahụra angwẹ orivi irita ọnya rị ẹjịjị

Ịrịka 28:14

Eche irita ẹẹva a sị beri ụnọ ọnyọọnya mẹ̀ ịsọvọ, dị eche irita ọnya rị ẹjịjị beri ịdẹba ọnyọọnya mẹ̀ ịsọvọ, dị eche irita ọnya beri atẹmẹ ọnyọọnya mẹ̀ ịsọvọ.

Ịrịka 28:7

Eche vị ana a sị beri ịsọvọ ana a mẹ ụpẹ ẹẹva ịnị ẹkụhị. Eche irita ọnyara a sị mẹ̀ ịsọvọ va hi ịrẹsụ ụta nị.

Anihwiripi 2:17

Ụ mẹ̀ sị ayị tụra Ijeesu nịnị, vị ọ sị mẹẹ ka ụ mẹ̀ ịsọvọ hi Ohomorihi nịnị nị. Àa nyị ka à sị ụhwẹ ẹmị ụvọta tụ́ ịnị ịsọvọ ọnọọ, mị vaa jẹẹ tụ́ ọ. Mee pe wu jẹ nịnị,

2 Itimoti 4:6

Àa vị ẹmịị yọ, ma sị ẹngụ tenyi ka à wụ̀ mị anka ịsa ịsọvọ avọọ. Ụmẹ o si tù ka ma hụụnị ẹhẹ ọnọnị.

Ọdọvịdị 9:13

Ama dị ọchị ịvayịnị kà a yị wa ka, agụvị dị ọnị ọ zụ rị ohinọyị ẹnịnị, a nyị ka ọnị ọ hụụnị ọyị tụ́ ẹtụtụ anị ana a sị mẹ eche anaā sịị ayị ori ọnịrị aza hine.