Ịrịka 15:39 - IWE ỌNỊNỊ

³⁹ Ẹnịnị e re izahu ẹnịnị, ẹ vaa tama wa ayị ọda Ẹnẹyịmavara, dị ẹ saasa a, Ẹnịnị ẹ yị kụkụ vaa mẹ ịsị ọnị e yee si anka ẹ mẹ vịdị mẹ̀.

Ịrịka 15:39 ပူးပေါင်းရင်းမြစ်များ

1 Ohinọyị 12:33

Ịnị ẹkụhị ẹwụrẹhị ịnị ụhwẹ ịhịnta, ọ mẹ̀ ịsọvọ ana aā rị ịra aha ịsọvọ Ịbẹtẹrị. Ọnị ụvọta kẹnẹ ọ nyị ụhwẹ ọnọọ yị ẹngụ anị, dị o nyima eche ahẹkẹ yi Anisirẹrị nị. Dị ọ hịrẹ nọ aha ịsọvọ dị ọ naa rị eturare ịra nị.

Ijoovu 31:7

Àa vị ka ọnị ọ́ọ ha hụrị oze, dị ahịka ịsa ana ya ịnị eyi kẹnẹ ọnị aa dụ nị, èe re akụvị ịnị ụvọ anị,

Ahẹ Ụgama 106:39

Ẹ raà sị ebira ẹnị ẹ yaa mẹẹ du ẹngụ ẹnịnị ẹngụ, ẹnịnị ẹ yị kụkụ sị ayị ọnya yị Ohomorihi.

Ahẹ Ụgama 73:27

Aza ẹnẹ ẹ̀ yị gụrị ẹwụ vi ene vee vú ẹtẹ. Avaba aza ẹnẹ ẹ̀ yị sị ịnẹ zụ̀ wụ vị ọnị ụ vaa wụụ vaa ha.

Ọyịkụra 13:9

Ọ kà Eche ọnọnị vị ana vaa sị mẹ anka apọtẹrẹwa ọnị ọza dà tụ́ ụvọ, à vị ịsị aā sụụ za ibe anaā tama ọza ayị ịrẹyị agụvị dị asị ịrẹyị Ohomorihi hụụnị irenu ẹnịnị. Dị ọ rẹ ka ẹ yẹ ka ọnị Ẹnẹyịmavara ọ sị ụkata-ụkata tụ̀ wa hụrẹ Ijipiti nị.

Ụhịrẹyị 28:26

Ọnụra kẹnẹ o ro ka ọnị ọ hụ ẹngụ anị nị, ama ọza ana mẹ̀ ịrẹyọyẹ ọ vaa ha nị.

Ụhịrẹyị 3:1

Ozi emi, asị u hi ayị ịrẹyị ọnị mị kà yị wụ. Waa sị̀ ịrẹyị ẹnẹẹ vị ebira mẹ ụmẹ tụra ụmẹ.

Ịrẹyị Ọzwọzịsa 11:9

Ẹwụ ọpa ozweyi, waa jẹ. Ụmẹ yị vị ozweyi aanị ayị awụ oo hine. Avaba ịsị ayị awụ oo sị kẹnẹ ọnị u si ka wàa mẹ, waa mẹ̀ ẹ. Ama tamayị ka ụ va naa ka enube avaba ịsị ụ waa mẹ yị Ohomorihi.

Ijeremaya 9:14

Ama ẹnịnị ệ me ayị ọkatẹngụ, dị ayị ẹnịnị kẹnẹ ẹ yaa saasa nị. Ẹnịnị ẹ naa saasa ori ana aā hị́ Ịbaarị anka ada ẹnịnị mẹ kọ ọ yị wa.

Ezikẹẹrị 6:9

Ẹnị ẹnẹẹ vaa yà ẹkụra ana a za wa ọrịhị hị́ dị ẹyaa tamayị anị ka, agụvị ka ẹnị ẹ́ yị sị ayị yị ọnịnya, ẹnị aa dụ orii zị, ọnị maanị sị sị ụya rị ẹnị, dị ọnị mẹ̀ ụhị nyị ẹnị nị. Ịhyẹrẹ ẹngụ ẹnịnị vaa nyị ẹnị ụvọta agụvị avaba ịsị edivi ẹnẹ ẹnị mẹ, ana kụkụ vị ụhị yị ẹnị booro anị.

Ihoseya 2:2

Dị Ẹnẹyịmavara kà Isirẹrị ọ yị kụkụ vị ose anị, dị ọnị ọ yị rẹ kụkụ vị ọva anị nị. Ộ kà ẹnịnị ẹ da ịpẹ yị ọnyị ẹnịnị ka asị ọ rẹ kụkụ sẹ̀ ịrẹka. Dị ọ hụrẹ ụvọ onyeehi ẹnẹẹ ọnị ọ za ku ayị.

Iwe Ọhụhị Imosiisi ana aa hị́ Ọyịvatụrọda 29:19

Re ka, asị a nyị ọza ịzẹnị ana wụ́ ịrẹyị ana za oto ọnọnị ajịnị, ene ro ka ọnị vaa ha ọnị ọ̀ọ sị ayị ọkatẹngụ aa mẹ ịsị ene ze e eyi udivi anị vaa mẹ ka aza ọyịza ọnịrị aza edivi e vu ẹtẹ vabẹ.

Iwe Ọhụhị Imosiisi ana aa hị́ Ọyịvatụrọda 4:23

Avọọ, ọnị e su ịnị ẹtẹ ọnọnị, dị asị e hi ayị oto ọnị ẹnịrị Ẹnẹyịmavara Ohomorihi ẹnịnị mẹ. Ẹ saasa ọda, dị asị ẹ mẹ̀ ori ẹnyẹẹnyị,

Iwe Ọhụhị Imosiisi ana aa hị́ Ọyịvatụrọda 6:12

Asị ụ hi ayị Ẹnẹyịmavara ana tụ wụ hụụnị irehi ọrịhị ịnị Ijipiti.

Iwe Ọhụhị Imosiisi ana aa hị́ Ọyịvatụrọda 8:11

Ama sị eyi pe ẹtẹ asị u hi ayị Ẹnẹyịmavara Ohomorihi awụ. Asị a nyị ka wẹ yị saasa ọda anị ọnị aa sị wụ aanị.

Iwe Ọhụhị Imosiisi ana aa hị́ Ọyịvatụrọda 8:14

ịjọnọọ dị wee wụ, dị ụ hị́ ayị Ẹnẹyịmavara, Ohomorihi ana kụ wu nịnị hụrị ẹtẹ Ijipiti ịzị a za wụ nịnị ọrịhị.

Ijemiisi 4:4

Wâ navọ Ohomorihi tịtẹ nịnị anka ọsẹrẹka ana navọ ọva anị tịtẹ avọọ. Wáá yẹ nịnị ka ọza ene sì ịrẹyị ịsa ịnị ẹhẹ ọnọnị vị ọnịvị Ohomorihi? Ọza ọnịrị ẹhẹ ọ̀ọ sị ọta za, ọza ọnọọ ọ sị vara ọnịvị Ohomorihi.