Ịrịka 15:30 - IWE ỌNỊNỊ

³⁰ Ama ozi ẹtẹ ọnịrị anikinami ana aa sị ayị ọvị du Ẹnẹyịmavara vị ana a vaa wụ̀ ọ,

Ịrịka 15:30 ပူးပေါင်းရင်းမြစ်များ

Oyinyima 17:14

Ọ kà àa nyị ọnọrụ ẹnẹ ẹ̀ yị jị ụvẹvẹnẹ, ọnị yị kụkụ vaa za a tụ́ ịnị aza anị, agụvị ka ọ yị jẹẹ pè ịrẹyị ọnọọ.

Ijoovu 38:15

Etohweyi ọ sị zẹtẹ baaba yị aza edivi agụvị ka aa za wa ka asị e re oze mẹ ezigi.

Ahẹ Ụgama 19:13

Ịsị mị yẹ ka ô divi, navọ asị mị nyayịnẹ mẹ̀ ọnị Ịsa ene divi navọ asị e zụ hú mị ẹtẹ Wàa vavọọ mẹ, ẹhẹ amị ọ yị vaa nyị akụvị Dị ụ sị dọ mị ha hụụnị ebira akụvị-akụvị.

Ahẹ Ụgama 69:9

Ohomorihi, avaba ayị amị mi sị sì ịrẹyị irehi awụ nị Ụhụ ana aza aa kụ̀ wụ vị ọnị mị dọ hi ẹngụ.

Ahẹ Ụgama 74:18

Ẹnẹyịmavara, tamayị ẹhụ isiya ọnị ọnịvị awụ mẹ wụ, dị ọnụra nịnị na sị eyii wụ wụ.

Ahẹ Ụgama 74:22

Ohomorihi, tamayị ka aza edivi vi ene ee nyị wu unyi eyinị-eyinị. Navọ wa kwẹẹtẹ dị wa ba yi owu.

Ahẹ Ụgama 79:12

Ẹnẹyịmavara, wê re anokokooro ayị màa sị wụụ mẹ ịyẹyẹ. Navọ wa vavọọ si wa atọ ịrẹyị ọnọọ oze ịhịmba.

Ahẹ Ụgama 89:51

Ẹnẹyịmavara mâ vavọọ sị ẹngụ dọ avaba ụhụ ọnị ọnịvị awụ aa kụ̀ mị. Avaba ahụ ọnị ọza ọnị ụ nyị òo hu vị ẹnị ẹ vaa sị kụ̀ ọ ụhụ.

Ọyịkụra 21:14

Àa vị ọza rò o tụ́ ịnị ayị, dị ọ yẹ dị ọ na wụ̀ ọza nị, òo zee eyi ò zwe na ngụ ịnị ụta amị, a na sị ọ hụụ ịzọọ dị a na wụ̀ ọ.

Ọyịkụra 30:33

Ọza ana àa vavọọ na mẹ ẹngụ angwẹ ọnọọ, à vị ka dị ọ̀ na ká a kú ọza ẹnẹ ẹ̀ yị vị ohirẹsụ irehi amị, ọza ọnọọ ọ̀ yẹ ka ẹ yị kụkụ vị ịnị aza amị ọnị yà.”

Ụhịrẹyị 14:31

Ọza ana aā mẹ̀ ẹvaya yị onosiye vi enee du Ohomorihi ana mẹ̀ ẹ, ama ọza ana sị ụbanyị yị ọ vị anaā vayị onosiye.

Ezikẹẹrị 20:27

Ẹnẹyịmavara kà agụvị avọọ, ọnị ozi-ọza ọ̀ kà a yị Anisirẹrị ka ọnị Ẹnẹyịmavara Ananyị ụkata hu ka, oze ọsa ọnị ohiku ẹnịnị zị kụ ọnị ụhụ rẹẹ yị, dị ẹnịnị ẹ̀ yị mẹ ịzẹyịza hị́ ọnị nị.

Ireevi 20:10

Ọza ọ̀ọ sị ose ọnọhụva anị, à wụ ọnọrụ ọnọọ ọnịrị ọnyẹnẹẹ ọnọọ.

Ireevi 20:3

Ọnị nyẹmba vaa và eyi ịrazịị ka ọza ọnọọ dị ọnị é yi kuku rò o vaka aza anị, agụvị ka ộ sị ọnya ịnị ezi anị mẹ Imorẹkị ẹyịza. Ịsị ọnị ọ́ mẹ avọọ vị ọnị ọ sị du aha ana aā yaa hẹkẹ ọnị ẹngụ, dị ẹ rẹ sị mẹ̀ ụhị nyị ịrẹha ọnịnị anị nị.

Ireevi 20:6

Ọza àa nọ ịdị aza ana aā họ̀ ụhwẹ aza ene sú usirẹyị, dị ahịka ẹnị ẹ kụkụ aa sị ajuwee yị ọ nị, ọnị Ẹnẹyịmavara vaa và eyirazịị ka ọza ọnọọ, dị ọnị ẹ́ yị kụkụ za a ịrịka beri aza anị.

Ịrịka 15:29

Ọda ọnọnị vị ana za ezi ẹtẹ ọnịrị anikinami ene èe nyeeyi mẹ ịvị.

Ịrịka 9:13

Àa nyị ọza ọnị ẹ yị nị, a vị dị ẹ yị jịnẹ nị, dị o yi ka ọnị ẹ yị rị eche ọnọọ nị, ọ vaa rị ụya ịvị anị, kụkụ vaa za ọza ọnọọ ịrịka beri aza Ohomorihi agụvị ka ẹ yị sị ịsọvọ va yị Ẹnẹyịmavara ịnị ụmẹ anị.

Imatiwu 12:32

Ọza tụra ọza ana àa kà ịrẹyị odivi hi ẹmị Ozi ọza onigirima, a vaa vagu ọọ ịnị anị. Ama ọza ana àa kà ịrẹyị odivi hi Ụhwẹ Ọnịnị, ọza ọyị vaa vagu ọọ ịnị ẹhẹ ọnọnị ọnịrị ịnị ẹhẹ ana aa vẹ.”

Iwe Ọhụhị Imosiisi ana aa hị́ Ọyịvatụrọda 1:43

Imosiisi ka, ọnị ộ ka yị wa ịsị Ẹnẹyịmavara kà, ama dị ẹ mẹ akamawụ hị́ ọ, dị ẹ nọ ịrẹkụ nị.

Iwe Ọhụhị Imosiisi ana aa hị́ Ọyịvatụrọda 32:27

Ama ọnị ẹ yị vaa zẹ ka ọnịvị ẹnịnị e wo oto ka ẹnị e reè huna wa; agụvị ka ọnị ụvọta ộ vavọọ sị wa siisi ẹtẹ nị.

Anihiburu 10:26

Ya sị ịzẹyịza yẹ; yèe kuku ee yii re ịsa odivi googoro dị ị naa mẹẹ nị, ẹ yị kụkụ nyị ịsọvọ ana aa kụ́ ọọ kwooze.

Anihiburu 10:29

Ọ̀ọ vavọọ yà, zama a dị a re ẹngụ ụya ene vee tù aza ana àa sị eyi wụ Ozi Ohomorihi, agụvị ka anya oni Ijeesu sị hị́ eku, dị ọ sị vara ọza anị ọnịnị, ee ree ịsa ịyẹyẹ. Ọ rẹ sị eyi wụ Ụhwẹ Ọnịnị anaā mẹ ọyịzaa yị ọza.

2Ipita 2:10

Aza oni Ohomorihi vaa sị ụyaa rịị hu yị: Aza ana aa mẹ̀ ịsa edivi ọnị ọchẹngụ ẹnịnịị̄ sì kẹnẹ, dị ẹyaa sị eyii wụ̀ aza ana nyị ọda, dị ẹ rẹ yaa sị ẹngụụ tụ́ ẹba, ẹngụ ẹnịnị kẹnẹ e sì ịrẹyị anị nị, ẹnịnị ẹ́ yị nyị angwahi anggẹẹrị nịnị, dị ẹyaa kà ịrẹyị odivii hi wa.

1 Ịjọọnụ 5:16

Ọza ene èe re ka ọhụva anị ana vị ọdọwụ aa mẹ ịvị ẹnẹ ẹ̀ yị vị ịvị isu, ọ da ịpẹ yị Ohomorihi ka ọ sị ẹhẹ ọwọọwa yọ; ọnị ọ vị ka ọza ọnị ịvị anị ọ̀ yị vị ịvị isu. Áa nyị ịvị ana vị ịvị isu. Mẹ yị kà a ka wa mẹ̀ aduwa ini oze ọnọọ nịnị.

1 Ịsamụwẹrị 2:25

Ọza ọ̀ọ mẹ ọza ebira odivi, Ohomorihi ọ zụ ba ọza ene e sì ịrẹyị owu. Ama ọza ọ̀ọ na mẹ̀ ebira odivi hi Ẹnẹyịmavara, ẹnẹ kụkụ vaa dá ịpẹ anị?” Ama ezi anị ẹ yị sị ụtọ tụ́ ịnị ohuvọ ana ada ẹnịnị aa tụ́ wa agụvị ka Ẹnẹyịmavara ọ raà nyị ọ tụ ịnị ayị ka ọnị ọ̀ wụ̀ wa.

1 Ịsamụwẹrị 3:14

Ẹnẹyịmavara kà ọnị ọ raà kà a, dị ọnị hị́ eku tụ́ ọ nị ka ẹ yị nyị ịsị a vaa sị kụ́ ebira odivi ana aneehi Eri mẹ aanị. Ọ kà ẹ yị nyị ịsọvọ ana vaa mẹ ka ọnị ọ và hụụnị ịrẹyị odivi ẹnẹ vavọọ mẹ avọọ.