Ịrịka 15:3 - IWE ỌNỊNỊ

³ di e si ka ẹnị ẹ mẹ̀ ịsọvọ ene vee hine ọnị ayị nị, ẹ sị uye ịsọvọ ọnọọ hụụnị ịsụpa ẹnịnị. Ọ daka vị ịsọvọ tụra ịsọvọ ana aā rị ịra, ọ vị ịzẹzẹ, a vị ịsọvọ ayohine, a vị ịsọvọ ana aā mẹ ịnị eche irenyi-irenyi ana aā rị ịrayị-ịrayị.

Ịrịka 15:3 ပူးပေါင်းရင်းမြစ်များ

Oyinyima 8:21

Ịjị Ẹnẹyịmavara wụ́ àgụ̀ ozoza ịsọvọ ọnọọ, dị ọ kà a ịnị ayị anị dị ọ ka, “Ọnị ọ mā vana hụ agụvị ọza chì hi ẹtẹ. Ọ kà ọnị ọ yẹ ka ọ mẹ̀ hụrẹ vi ozweyi, ariro odivi ọ yà ịnị ayị anị. Ọ kà ọnị ọ mā rẹ vana maanị wụ̀ avaba ịsa ana aa tụ́ ụhwẹ.

Ẹzịra 7:17

Dị ọ ka ọ̀ tangwa sịị ẹkẹhị ọnọọ hị́ imaaru, ịdẹba, atẹmẹ ịsọyịrị ọnịrị eche ọyị sị mẹ̀ ịsọvọ ịrẹsụ ụta Ohomorihi ịnị irehi anị Ijerusarẹmị.

Ahẹ Ụgama 54:6

Ẹnẹyịmavara, wê zoza chẹngụ Mị vaa sị ayị ohinee mẹ ịsọvọọ wụ, dị maa kụ́ wụ avọ.

Ọyịkụra 29:18

Dị ụ va sị avaba ịdẹba ọnọọ dị ụ rị ọ ịra ịrẹsụ ụta ọnọọ. Ẹmị ụ rị ọnọọ ịra yị nị. Agụ anị ô zee mi eyi ẹtẹẹtẹrẹ.

Ọyịkụra 29:25

Ẹ̀ẹ vavọọ sị ọ henyi, dị ụ va dọ wa dị ụ sị beri ịsọvọ ana aā rị ịra ịrẹsụ ụta dị ụ rị ọ ịra ịrẹsụ ụta. Ịsa ana a rị ịra yị mị ọ vị nị. Agụ anị ô zee mi eyi ẹtẹẹtẹrẹ.

Ọyịkụra 29:41

Dị ụ rẹ vavọọ tọ̀ọ́ ẹnya beri ịdẹba ọhụva dị wa sị mẹ̀ ịsọvọ oruva. Ịsa ọyịrị ana a sị va yị ẹmị Ẹnẹyịmavara ọ vị ọnọọ nị. Àa rị ọ ịra, agụ anịị zee mi eyi ẹtẹẹtẹrẹ.

Ireevi 10:13

Ẹnịnị ẹ̀ rị ọ aha ọnịnị agụvị ka ene tu wa ịnị ịsọyịrị ana a sị va yị Ẹnẹyịmavara ọ vị ọnọọ nị. Avọọ Ẹnẹyịmavara mẹ̀ ẹ ọda nị.

Ireevi 27:2

Ọ̀ zụ ọda ẹnẹnị yị Anisirẹrị nịnị. Ọ kà, ọza ọ̀ọ zẹẹ Ẹnẹyịmavara ịzẹzẹ ka ọnị vaa sị ọza vaa yị ọ, dị ọ sị ọza ọnọọ vẹ nị, ọpa ẹkẹhị ene e vee si dị à sị hị́ ọza ọnọọ varẹma yị,

Ireevi 7:16

Ọza ọ̀ọ mẹ̀ ịsọvọ ọ̀yị pe Ohomorihi varẹma mẹ uzee, dị ahịka vị ọ mẹẹ ọ̀ yị sị va mẹ ịsị ọ kà a yị Ohomorihi ka ọnị vaa mẹ nị, àa vị ayị anị sị ọ kẹnẹ dị ọ mẹ nị, ọza ẹ̀ yị rị avaba uye anị ta ịhị ọnọọ ẹ́ yị nyị ọ mẹ ka. Ana àa vọ, a zụ rị ọ ẹnẹnẹ eyinẹhẹ anị.

Ịrịka 28:27

A vaa mẹ̀ ịsọvọ ana aa rị avaba anị ịra agụvị agụ anị o hine Ẹnẹyịmavara. Ẹ vaa sị ụnọ ẹẹva ọnịrị ịdẹba ọnya, beri ozi atẹmẹ ịrayị ọnya ịhịmba ẹnẹ ẹ yị nyị ụkụ ọnyọọnyị.

Ịrịka 29:8

Ẹnẹyịmavara kà ẹ̀ sị ozi ụnọ ọnya ọnịrị ịdẹba ana sị hụ akọ ọnya ne beri ozi atẹmẹ ịrayị ọnya ịhịmba ẹnẹ ẹ yị nyị ụkụ vaa mẹ̀ ịsọvọ ana aa rị ịra. A nyị ka agụ anị o hine ọnị.

Ịrịka 6:15

ne beri ụvụrẹẹdị ẹnẹ ẹ yị nyị owu uji ọnya, ọnịrị Ịbụrẹẹdị ana a sị angwẹ orivi na vaka ibisikiiti ọnị angwẹ orivi ya ịnị anị. Dị ẹ rẹ sị ayị ọnịrị eche mẹ̀ ịsọvọ.

Imatiwu 3:17

Re, dị ọngwẹ ọnya hụrị ẹbẹẹba vẹ ka, “Ozi emi oni mi sì ịrẹyị anị yị, ịnẹ amị ô hine tù ọ ẹtẹẹtẹrẹ”.

2 Anịkọrịntị 2:15

Vị ị sị mẹẹ anka eturare ana agụ anị zoza oni Ikirisiti aa sịị mẹ ịsọvọọ hi Ohomorihi avọọ nị. Ộ gara hi ẹtẹ yị avaba aza ana aa há ọnịrị aza ene ee vu ẹtẹ.

2 Anịkọrịntị 2:16

Yị aza ene ee vu ẹtẹ, vị ị sị mẹẹ anka ịsa agụ ene sú, ana agụ anị rẹẹ̄ wụ̀ ọza avọọ nị. Ama yị aza ana vọ, vị ịsị mẹẹ anka ịsa ana yàra, ana agụ anị rẹẹ̄ mẹ ka ọza ọ̀ yàra avọọ nị.

Anẹhwẹsọsị 5:2

Wee sì ịrẹyị ẹngụ nịnị ịnị avaba ịsa ọnị ụ wàaa mẹ nịnị, anka Íkirisiti mè re sì ịrẹyị ayị, dị ọ sị ẹngụ anị mẹ ịsọvọọ yị. Ịsọvọ ọnọọ óo hine Ohomorihi ayị ẹtẹẹtẹrẹ.

Iwe Ọhụhị Imosiisi ana aa hị́ Ọyịvatụrọda 12:11

Ẹnẹyịmavara vaa nyị aha ọnya ịzị ụ vaa yaa hẹkẹ ẹ nịnị. Ịzọọ ụ vaa sị avaba ịsa ọnị mị mẹ ọda anịị wụ nịnị, vaa yị Ẹnẹyịmavara nịnị nị. Ịsị ẹnị ụ vaa sị vaa yọ nịnị yị: Ịsa ịsọvọ awụ nịnị ana a vaa rị ịra, ọnịrị ịsa ịsọvọ awụ nịnị ana vọ, achehi ẹẹwụ awụ nịnị ọnịrị ẹyịza ana vọ, beri ẹyịza oturenyi oni u wo oto ka ụ vaa sịị vaa yị Ẹnẹyịmavara nịnị.

Iwe Ọhụhị Imosiisi ana aa hị́ Ọyịvatụrọda 12:17

Àsị u ya ịzị ụ ra nịnị rị ịsa ụ sị yị Ẹnẹyịmavara nịnị. Àsị u rị achehi ẹẹwụ apaapa, ọ̀ọ vị akụ awụ nịnị; ọ̀ọ vị achehi ẹẹwụ eche ọ̀ọ vị angwẹ awụ nịnị. Àsị u rị ozi ịpaapa imaaru ọnịrị ozi ịpaapa atẹmẹ awụ nịnị. A sị ụ rị ẹyịza oni u wo oto ka waa sịị yị Ẹnẹyịmavara nịnị, ẹyịza ọnị ụ sị kẹnẹ nịnị, ọ̀ọ vị ẹyịza ọsa ọnị ụ sị yị Ẹnẹyịmavara nịnị.

Iwe Ọhụhị Imosiisi ana aa hị́ Ọyịvatụrọda 12:6

Ịzọọ ẹ vaa sị ịsa ịsọvọ ọyịrịịra ọnịrị ịsa ana vọ, agẹẹwụ, ẹyịza, ịzẹzẹ, ẹyịza kẹnẹ, ọnịrị ozi ịpaapa ịsụpa ọnịrị imaaru ẹnịnị.

Anihwiripi 4:18

Ẹpahwịrọdịtụsị ộ sị avaba ịsa ọnị ụ sị tụ́ ọ va yị mị. Avaba ịsị mee sì saka-saka, ma sị ọ nyị booro aanị; ọ́ọ hyakụ si huna ọpa oni mee sì. Ẹyịza ẹnẹẹ vị ana sị mẹẹ anka ịsa ana ahụ anị zoza avọọ; vị ọ rẹ yà anka ịsọvọ ene zé Ohomorihi eyi ẹtẹẹtẹrẹ avọọ nị.