Ịrịka 15:25 - IWE ỌNỊNỊ

²⁵ Dị ohirẹsụ irehi Ẹnẹyịmavara sị ịsa ịsọvọ ẹnẹnị da ịpẹ ịvị ịragụ Anisirẹrị nịnị, dị Ẹnẹyịmavara ọ vagu wa agụvị ka ẹnịnị ẹ yị yẹ. Dị ọ nị wa agụvị ịsa ịsọvọ ana a rị ịra ọnịrị ịsọvọ ịvị ẹnịnị.

Ịrịka 15:25 ပူးပေါင်းရင်းမြစ်များ

Ịrẹyị Ọzwọzịsa 5:6

Asị ụ zẹẹ ka ịrẹyị irenu awụ ọ sị ụ na mẹ ịvị. Asị ụ na kà a yị ọnụtụ Ohomorihi ana ya ịnị irehi Ohomorihi ka ụ nyeeyi ka aka ụ vaa mẹ̀ ịsa ọnọnị nị. Sị ẹ vẹ dị wee sì ka Ohomorihi ọ̀ hụ agụvị ịrẹyị irenu kụ ayị dị ò du avaba ịsị ụ sị ụvọ awụ mẹ ha.

Ireevi 15:15

Ohirẹsụ irehi Ohomorihi vaa si ọnyaa mẹ̀ ịsọvọ ịvị, dị ọ sị ọsa mẹ̀ ịsọvọ ana aā rị ịra. Aanị ọ mẹ vaa mẹẹ mẹ̀ ịsa vọrọ ka à mẹ yị ọ dị ọza ọnọnị ọ̀ nị nị.

Ireevi 4:20

Ọ vaa mẹ araka imaaru ọnọnị anka ọ́ mẹ mẹ ana á sị vaa mẹ̀ ịsọvọ ịvị avọọ. Aanị ọ mẹ vaa mẹ̀ ịsọvọ yị aza agụvị ịvị ẹnịnị, dị a vagu ịvị ẹnịnị yị wa nị.

Ireevi 4:26

Ọ vaa rị avaba ụhị ịsụpa ọnọọ ịra ịrẹsụ ụta ịsọvọ anka ọ mẹ rị ụhị ịsụpa ana a sị mẹ̀ ịsọvọ ọ yị pe Ohomorihi mẹ uzee ịra avọọ. Aanị ohirẹsụ irehi Ohomorihi mẹ vaa mẹ̀ ịsọvọ yị ọdọvịdị ọnọọ, dị aa va gụ ịvị anị yọ nị.

Ireevi 4:31

Ọ vaa kụ avaba ụhị ịsụpa ọnọọ anka a mẹ kụ ụhị ịsụpa ana a sị vaa mẹ̀ ịsọvọ ọ yị pe Ohomorihi mẹ uzee avọọ. Ohirẹsụ irehi Ohomorihi vaa rị ọ ịra ịrẹsụ ụta ịsọvọ dị ọọ dà agụ ohine hi Ẹnẹyịmavara. Aanị ohirẹsụ irehi Ohomorihi mẹ vaa mẹ̀ ịsọvọ yị ọza ọnọọ, dị aa vagu ịvị anị yọ nị.

Ireevi 4:35

Ọ vaa kụ avaba ụhị atẹmẹ ọnọọ anka a mẹ kụ ụhị atẹmẹ ana a sị va mẹ̀ ịsọvọ ọyị pe Ohomorihi mẹ uzee avọọ, dị ọ rị ọ ịra ịrẹsụ ụta beri ịsọyịrị ana a sì va mẹ̀ ịsọvọ yị Ẹnẹyịmavara. Aanị ohirẹsụ irehi Ohomorihi mẹ vaa mẹ vaa mẹ̀ ịsọvọ yị ọza ọnọọ, dị a vagu ịvị anị yọ nị.

Iruuku 23:34

Dị Ijeesu ka, “Nda, vagu wa, agụvị ka ẹnịnị ẹ yị yẹ ịsị ẹyaa mẹ!” Dị aza ẹnẹẹ gà ịta Ijeesu nị, dị ẹyaa jị osisii tụ́ ọọ nị.

Odeyi 13:39

Ọda Imosiisi ọ yị zụ vagu wu, dị ọ̀ rẹ jị ịhị yị wụ nịnị. Ama ini oze anị Óhomorihi zị vagu wu, dị ọ rẹ jị ịhị yị avaba ọza ana àa sị ayị tụra a nị.

Aniroomi 3:25

Ohomorihi ọ́ọ sị ọọ zụ̀ gedebee ka ọnị óo si sí ụta ịvị aza ana â sị ayị tụra anya oni o che sẹ́ ẹtẹ. Ohomorihi ọ́ọ vavọọ mẹ, agụvị dị ọ̀ zụ sị ịzẹyịza anị zụ̀ aza. Ịyẹẹyẹ vị oni Ohomorihi nyị isuuru, dị ọ sị eyi jịnẹ ịvị ana aza aa mẹ.

Iwe Ọhụhị Imosiisi ana aa hị́ Ọyịvatụrọda 21:21

Ọ̀ọ maanị sị ọ ka, avaba anẹkụra ọnọọ ẹ̀ sị ịrẹta-ịrẹta wụ ọ. Avọọ ụ mẹ̀ vaa mẹẹ kụ́ ebira odivi hụrẹ ẹtẹ hụụnị akakana awụ nịnị. Avaba Anisirẹrị nịnị vaa wụ́ ọ, dị angwa hí wa.

Anihiburu 2:17

Ọnọọ ọ vị ka áa nyị ka ọ̀ yà anka ẹyịnyara anị ini oze tụra oze, dị ọ̀ zụ yà anka ohirẹsụ ọbanyị irehi Ohomorihi ana vaa mẹ ụkọrọọ yị Ohomorihi. A zụ sị ayị tụraa, dị ọ rẹẹ̄ vayị ọza nị, agụvị dị ò zụ sí ụta ịvị aza.

Anihiburu 9:7

Ohirẹsụ ọbanyị irehi Ohomorihi ọnịnya kẹnẹ ọọ̄ ngụ ini aku ajẹngụ ọnọọ ụpẹ ọnya kẹnẹ ịnị ịrayị nị. Àaa na, dị ọ sị anya za ọnị ọ vaa sị mẹ ịsọvọọ yị ẹngụ anị, dị ọ̀ rẹ mẹ yị aza agụvị ịvị ene e nyeeyi mẹ.

1 Ịjọọnụ 2:2

Ọnị ọ sị ẹngụ anị mẹ̀ ịsọvọ ana kụ́ ịvị ayị kwooze nị. Ẹ́ yị hyakụ vị ẹ́ẹyịnya kẹnẹ, ama ịvị avaba anẹhẹ.