21 Avọọ ụnanka ẹnịnị mẹ vaa mẹẹ hí Ẹnẹyịmavara pooro nị.
Ohirẹsụ irehi Ohomorihi ana vị ezi Eerọnị vaa jẹẹ pe Anireevi nịnị ẹ̀ẹ yaa dọ agẹẹwụ. Anireevi nịnị va sị agẹẹwụ hụụnị agẹẹwụ ẹnẹ ẹ dọ naa tụ́ ịnị aku anaā sịị ịsa tẹ̀ ini irehi Ohomorihi. Ẹnẹẹ á vaa sị mẹ̀ ịsọvọ ịnị irehi Ohomorihi nị.
Ịsa ịpaapa ọnị ụ wàa sị hụụnị aarẹ awụ ụ sị ọ vẹ ini eehi ẹmị Ẹnẹyịmavara ana vi Ohomorihi awụ. Wàa chịnẹ ozi ẹvụ, asị ụ sị inono ọnyị anị tụ́ ọ chịnẹ.
Ẹngụ ọnọọ Anisirẹrị vaa sị vaa yị Eerọnị ọnịrị ezi anị pooro nị. Ịsa ana Anisirẹrị ẹ̀ẹ sị va mẹ̀ ịsọvọ ana aā gàa rị, ẹngụ ọnọọ ẹ vaa gàa tù ẹmị Ẹnẹyịmavara nị.
Ọ kà ohirẹsụ irehi Ohomorihi nịnị ẹ vaa nyị ịsị e hu kere-kere ịnị ịsa ịpaapa ana àa kụ́ gụ hụụnị aarẹ nị ọnịrị avaba ịsa ana vọ ana a sị va yị ọnị. Ụmẹ tụra ụmẹ ọnị aza ẹ̀ẹ sị mẹ ịbụrẹdị, ẹnịnị ẹ̀ sị ị́ịpaapa anị yị ohirẹsụ irehi Ohomorihi nịnị agụvị dị ọnị ọọ mẹ ka oo zé yị wa ịnị eehi ẹnịnị.
Ọ kà a sị ẹnịnị rị ịsa ọwọọwa ọnyọọnyị, ọ̀ọ vị ẹrẹẹrẹ, èe hù ọ, àa va sị mẹ ịbụrẹdị, ẹ̀ yị vị ịjị ẹ́ raa sị ẹyịza Ohomorihi va yị ọ. Ọ kà avaba evere ẹnịnị ẹ vaa saasa ọda ọnọnị pooro nị.
Ẹ̀ mẹ apapa hụụnị ayị ịpaapa ẹnịnị va yị ọnị anka a mẹrẹ mẹ akụ ịpaapa ene e tú avọọ nị.
Ama aza ẹnyị ịnị ẹngụ ẹnịnị èe nyeeyi sị ahụ jịnẹ ọda ọnị Ẹnẹyịmavara sị yị Imosiisi aanị,
ọ kà a yị Anireevi ka, ẹnịnị ẹ dọ avaba agẹẹwụ ịsa ịnị aarẹ ọnịrị ezi ịpaapa ịsụpa ẹnị Anisirẹrị nịnị aa sị vaa yị ọnị.
