Ịrịka 15:20 - IWE ỌNỊNỊ

²⁰ Ẹ̀ mẹ apapa hụụnị ayị ịpaapa ẹnịnị va yị ọnị anka a mẹrẹ mẹ akụ ịpaapa ene e tú avọọ nị.

Ịrịka 15:20 ပူးပေါင်းရင်းမြစ်များ

Inehemaya 10:37

Ịsọyịrị ịpaapa ana a mẹ̀ hụụnị ịsa ịnị aarẹ vị ana aa sị na yị ohirẹsụ irehi Ohomorihi ịrayị-ịrayị, ọda ọnọọ vị ana rẹ za eche, angwẹ orivi, ọnịrị avaba ẹtụtụ ọchị ịnị aarẹ. Avaba agẹẹwụ ịsa ịnị aarẹ vị ana a kụ́ na yị ohirẹsụ irehi Ohomorihi.

Ọyịkụra 23:19

Ịsa ịpaapa ọnị ụ wàa sị hụụnị aarẹ awụ ụ sị ọ vẹ ini eehi ẹmị Ẹnẹyịmavara ana vi Ohomorihi awụ. Wàa chịnẹ ozi ẹvụ, asị ụ sị inono ọnyị anị tụ́ ọ chịnẹ.

Ọyịkụra 34:26

Ịsa ịpaapa ọnị ụ wàa sị hụụnị ịnị aarẹ awụ, sị ọ ve ini eehi ẹmị Ẹnẹyịmavara ana vị Ohomorihi awụ. “Wàa chịnẹ ozi ẹvụ asị ụ sị inono ọnyị anị tụ́ ọ chịnẹ.”

Ezikẹẹrị 44:30

Ọ kà ohirẹsụ irehi Ohomorihi nịnị ẹ vaa nyị ịsị e hu kere-kere ịnị ịsa ịpaapa ana àa kụ́ gụ hụụnị aarẹ nị ọnịrị avaba ịsa ana vọ ana a sị va yị ọnị. Ụmẹ tụra ụmẹ ọnị aza ẹ̀ẹ sị mẹ ịbụrẹdị, ẹnịnị ẹ̀ sị ị́ịpaapa anị yị ohirẹsụ irehi Ohomorihi nịnị agụvị dị ọnị ọọ mẹ ka oo zé yị wa ịnị eehi ẹnịnị.

Ireevi 2:12

Wa zụ sị akụ ịpaapa ọnị ụ sị hụụnị aarẹ awụ, ọnịrị owu avị ẹhụ va yị Ẹnẹyịmavara ama a sị a rị ọ ịra ịrẹsụ ụta ịsọvọ ka ọ̀ da agụ ohine hi Ẹnẹyịmavara.

Ireevi 2:14

Wàa ha apaapa ịpaapa hụụnị aarẹ awụ nịnị aa vaa yị Ẹnẹyịmavara, wara a nịnị dị à varẹma kwọ̀ ọ.

Ireevi 23:10

ọ kà a yị Anisirẹrị nịnị ka, ịhị ẹnịnị ẹ̀ẹ va sị ngụ ịnị ẹtẹ ọnị ọnị aa sịị yị wa, dị ẹnịnị kụ ịsa ịnị aarẹ ẹnịnị gụ nị, ẹnịnị ẹ̀ sị ọdụ ịsị ịpaapa ẹnẹ ẹ kụ́ gụ vẹ ịdị ohirẹsụ irehi Ohomorihi.

Ireevi 23:20

Ohirẹsụ Irehi Ohomorihi vaa sị ịbụrẹdị ọnọọ beri ezi atẹmẹ ẹyịva ẹnẹnịị mẹ̀ ịsọvọ oturenyi yị Ẹnẹyịmavara. Ịsa ọnịnị ẹyịza ẹnẹnị vị̀ yị Ẹnẹyịmavara nị; ohirẹsụ Irehi Ohomorihi nịnị ẹ vaa nyị nị.

Ịrịka 15:21

Avọọ ụnanka ẹnịnị mẹ vaa mẹẹ hí Ẹnẹyịmavara pooro nị.

Ịrịka 18:12

Ẹnẹyịmavara kà ọnị raa sị ịsa ịnị aarẹ ịpaapa ana aā vaa sị ọnị yị wa: angwẹ orivi ene zoza, ọnịrị eche ọwọọwa ene zoza ne beri akụ.

Imatiwu 6:33

Ama we vidii sì ka Ohomorihi ọ̀ọ mẹ ịjọva tụra wụ nịnị ịrẹsụ da, dị ụ wa rẹẹ mẹ̀ ịsa ana vọrọ nịnị, ka ọ vaa sị avaba ịsa ana vọ aanịị tụ̀ ọọ yị wụ nịnị.

Aniroomi 11:16

Àa raà dà Ịbụrẹẹdị ịpaapa yị Ohomorihi, ọnọọ vị ka avaba anị a sị yị Ohomorihi avọọ nị. Àa rẹ sị ẹpa ọchị ọnya tụ́ irenyi yị Ohomorihi, ọnọọ vị ka avaba ana vọ, Ohomorihi ọ nyị nị.

1 Anịkọrịntị 15:20

Ama ịzẹyịza ọ vị nị ka Ohomorihi ộ ha Ohinọyị ọnị Ọ nyị ka ọ̀ dọ yị há hụụnị isu. Ọnị ọ vị ọnịpaapa ịnị aza ana ahịka ẹ vaa haa hụụnị isu nị.

Iwe Ọhụhị Imosiisi ana aa hị́ Ọyịvatụrọda 14:22

Sị agẹẹwụ awụ tụ aha irenyi. Agẹẹwụ avaba ịsa ịnị aarẹ awụ ịnị ịrayị.

Iwe Ọhụhị Imosiisi ana aa hị́ Ọyịvatụrọda 14:23

Na ọvịdị Ẹnẹyịmavara Ohomorihi awụ ịzị ọ̀ nyị ka a hẹkẹ ọnị, dị wa rị agẹẹwụ akụ awụ, ozi ịpaapa imaaru awụ ọnịrị atẹmẹ, di e hu agẹẹwụ eche ọnịrị angwẹ orivi. Mẹ ẹ agụvị dị ụ wa nyị angwahi Ẹnẹyịmavara Ohomorihi awụ pooro.

Iwe Ọhụhị Imosiisi ana aa hị́ Ọyịvatụrọda 16:13

Wàa sị avaba akụ awụ nịnị kụ gụ hụụnị ịda ọnị ụ yà tụ́ ọ nịnị ọnịrị eche awụ nịnị, ụ vaa rị eche ịnị ajẹngụ ẹkụhị ịhịmba.

Ijemiisi 1:18

Ô zé Ohomorihi eyi, dị ọ sị ịrẹyị anị ana vị ịzẹyịza, dị ọ sị mẹ ka ya yàra nị; ộ vavọọ mẹ, agụvị dị ya vị ọnịpaapa ịnị aza anị.

Ẹtore 14:4

Aza ẹnẹnị ẹ yị zẹẹ ka anẹẹ è du ẹnị ẹngụ, ẹnịnị ẹ yị yẹ ọnẹẹ. Ẹnịnị ẹẹ̄ saasa Ozi Atẹmẹ ọnọọ nọ aha tụra aha ana àa nọ nị. A raà hị́ wa varẹma hụụnị akakana aza, vị ẹ yà anka ịsa ịnị aarẹ ịpaapa avọọ ana aā sịị tụ́ irenyi yị Ohomorihi ọnịrị Ozi Atẹmẹ ọnọọ nị.