Ịrịka 15:15 - IWE ỌNỊNỊ

¹⁵ Ezi ẹtẹ Anisirẹrị nịnị ẹnịrị azọga vị ọnyọọnya eyi Ẹnẹyịmavara. Avaba ẹnịnị ọda ẹnẹnị za pooro nị.

Ịrịka 15:15 ပူးပေါင်းရင်းမြစ်များ

Ẹsịta 9:27

Aniju nini e sị ọ hi ẹtẹ ka avaba ezi ẹnịnị ịrẹma-ịrẹma ọnịrị aza ana kụ́ ẹngụ beri wa ẹẹ rị eche ọyị tamayị ẹkụhị ẹẹva ẹnẹẹ ịrayị-ịrayị anka a mẹ̀ kà a ịnị ụmẹ ọnọọ.

Ọyịkụra 12:14

Ẹkụhị ọnọọ vị ọnị ụ vaa tamayị anị nịnị pooro. Ezi ịrẹma-ịrẹma ana aa vẹ vị ana vaa tamayị ẹkụhị ọnọnị, dị ẹ yaa rị eche anị dị ẹ̀ sịị kụ́ ọnị Ẹnẹyịmavara avọ. Eche ọnọọ vị ẹnị ẹ vanaa rị pooro zịna.

Ọyịkụra 12:24

Dị ọ rẹ ka ẹnịrị ezi ẹnịnị ịrẹma-ịrẹma è si eyi pè ọda ọnọnị dị ẹ̀ẹ saasa a pooro.

Ọyịkụra 12:43

Dị Ẹnẹyịmavara rẹ kà a yị Imosiisi ọnịrị Eerọnị dị ọ ido ana yà ini eche ọyịparahu yị. Ọ kà ọzọga ọ mā rị ịnị ịsa eche ọnọọ.

Ọyịkụra 12:49

Ọda ọnyọọnya ọ za ozi ẹtẹ ọnịrị ọzọga ana ra pè wa nị.

Ọyịkụra 28:43

Eerọnị ọnịrị ezi anị àa ngụ ịnị ajẹngụ ọnọọ ẹ̀ vụ́ ọvẹntẹ ọnọọ. Ẹ̀ẹ rẹ yàa nọ ịnị ụta, ka ẹnị ẹ̀ na mẹ̀ ụkọrọ Aha Ọnịnị ẹ̀ rẹ vụ ọ. Ẹ̀ yị vavọọ vụ ọ, vị ẹ yaa kụ́ ịvịị tù ẹngụ ẹnịnị di e sú nị. Ido ọnọnị vị ọnị mị jị yị Eerọnị ọnịrị ezi anị ka ẹ̀ si eyi pe e pooro zịna-zịna.

Ireevi 24:22

Ọ kà ọda ọnyara ẹ́ vaa mẹẹ yị ọzọga ọnịrị ozi ẹtẹ nị; agụvị ka ọnị ọ vị Ẹnẹyịmavara Ohomorihi ẹnịnị nị.

Ịrịka 10:8

Ohirẹsụ irehi Ẹnẹyịmavara nịnị ana vị ezi Eerọnị kẹnẹ e zụ hu ọ nị. Aanị a mẹ mẹ̀ ọda ọnọọ tịtẹ tịnatibe nị.

Ịrịka 15:14

Àa nyị ọzọga ana ra beri wa ene si ka ọnị ọ mẹ̀ ịsọvọ ene hine Ẹnẹyịmavara ayị, ọ saasa avaba ọda ẹnẹẹ.

Ịrịka 15:29

Ọda ọnọnị vị ana za ezi ẹtẹ ọnịrị anikinami ene èe nyeeyi mẹ ịvị.

Ịrịka 18:8

Ẹnẹyịmavara kà ọnị aa sị Eerọnị ka o sị eyi pe avaba ẹyịza anaā sịị va yị ọnị. Ọnị aa sị avaba ẹyịza ẹnẹẹ yị Eerọnị ọnịrị ezi anị. Avaba ẹyịza ọnị aa kụ́ vẹ vị ẹnịnị.

Ịrịka 9:14

Anikinami ana ra beri wa ẹẹ ka ẹnị aa rị eche beri wa, ẹ za avaba ido eche ọnọọ.

Anigaratiya 3:28

Agụvị avọọ, ẹ yị kụkụ nyị irenyi yị Aniju ọnịrị ọdọwụ ẹnẹ ẹ̀yị vị Aniju; àa vị ọrịhị, àa vị ozi; àa vị ọnọrụ, àa vị ọnẹẹ; agụvị ka ẹyịrị Ijeesu Ikirisiti kụkụ vị ọnya.

Anikorasi 3:11

Agụvị avọọ ẹ yị kụkụ nyị ka ọsọnị ọ vị Anigiriki, dị ẹsẹnị vị Aniju nị. Ẹ yị rẹ nyị ịrẹyị ka aza ẹnyị ẹ́ẹ jị ụvẹvẹnẹ, ọsa ẹ yị jị. Ẹ yị nyị ka aza ẹnyị ẹ yị nyị eyohweyi; ẹ yị nyị ịrẹyị ọrịhị, àa vị ozi. Ịsị ẹ vị ịrẹyị obooro ọ vị Ikirisiti nị. Ọnị ọ vị avaba ịsa nị.

Ijosuwa 8:33

Ịjọnọọ, dị avaba Isirẹrị beri ọzọga ẹnịrị azọkụ, ọdọvịdị nịnị ne beri ohirẹsụ nịnị jẹẹ va eyi ka apoti oto ana ya ọvịdị ohirẹsụ irehi Ohomorihi ana sị apoti Ẹnẹyịmavara. Achẹva ẹnịnị ya ọvịdị ataba Igerizimi, dị achẹva ọsa ya ọvịdị ataba Ẹba anka Imosiisi ozi ahụ Ẹnẹyịmavara mẹ mẹ̀ ọda ka ẹnịnị ẹ mẹ̀ aduwa yị aza ịpaapa.

1 Ịsamụwẹrị 30:25

Di Idevidi mẹ̀ ẹ ọda, dị ahịka avọọ a mẹ̀ kụkụ aa mẹ̀ ẹ ịnị ẹtẹ Anisirẹrị pooro ve tù ajịnị nị.