Ịrịka 14:9 - IWE ỌNỊNỊ

⁹ Avọọ asị ẹnịnị hí angwa aza ene hị́ ịzọọ, dị asị ẹ mẹ̀ akamawụ hi Ẹnẹyịmavara. Ịsa ịnị ịhị ẹnịnị aza ẹnẹẹ vị nị. Ẹ yị nyị ọza ana vaa dọ wa ha. Asị ẹnị re hí angwa ẹnịnị ka Ẹnẹyịmavara ya pe ẹnị.

Ịrịka 14:9 ပူးပေါင်းရင်းမြစ်များ

Oyinyima 48:21

Di Ijekọvụ va hị́ Ijosẹẹhụ dị ọ ka, “Ọ̀ yẹ o ka ọnị ee vee sú. Ama Ohomorihi vaa jẹẹ ịrẹma anị, dị ọ sị ọ varẹma nọ ịnị ẹtẹ ohiku anị nịnị.

2 Ịtọpa 13:12

Ohomorihi ọnị ụvọta ọ vị ọdọvịdị ayị, dị ohirẹsụ irehi anị nịnị ya ịzẹnị beri ịkakanchị ẹnịnị. Ẹnịnị ee tenyi ẹngụ ka ẹnị ee hú ịkakanchị hị́ yị ka ya va eyi ịrẹkụ ka wụ. Anisirẹrị nịnị asị e va eyi ịrazị ka Ẹnẹyịmavara Ohomorihi ohiku awụ nịnị. Wẹ yị vaa zụ nyị ehuna.

2 Ịtọpa 15:2

Ô ne tù ohinọyị Asa, di o na owu, dị ọ kà, ohinọyị Asa ọnịrị Anijuda ne beri Anịbẹnjamịnị nịnị e batọ ịrẹyị anị. Ộ kà Ẹnẹyịmavara kà ọnị vaa ya pe wa ẹnịnị ẹ̀ẹ jẹẹ pe ọnị. Ẹnịnị èe si ọ, e vee re e, ama ẹnịnị ẹ̀ẹ varẹma ka a, ọnị rẹ vaa hụrẹ wa ụvọ.

2 Ịtọpa 20:17

Ẹnẹyịmavara raa kà a ẹ yị vị ẹnị ẹ vaa kụ́ ịrẹkụ ọnọọ. Ẹ yịị vavọọ jẹẹ aha ẹnịnị ee zi. E vee re Ẹnẹyịmavara mẹ̀ vaa sị wa nyị ẹbẹẹba. Asị Anijuda ọnịrị Anijerusarẹmị nịnị kahi ịrẹma, asị e hí angwa. Ẹ nọ ịrẹkụ ka Ẹnẹyịmavara vaa jẹẹ wa ịrẹma.

2 Ịtọpa 32:8

Ụkọrọ ọchẹngụ kẹnẹ ẹ nyị nị, ama Ẹnẹyịmavara ana vị Ohomorihi ẹnịnị vaa gụ ẹnị ụvọ dị ọọ kụ ịrẹkụ yị ẹnị. Ịrẹyị ohinọyị ọnọnị ộ hụ wa ayị vị.

Inehemaya 4:14

Ịjị ọnị re ka angwa ee hí aza, dị ọnị hị́ ọdọvịdị nịnị ọnịrị aza ana vọ gụ, dị ọnị tụ wa ọtụtụrụma ka asị e hí angwa ọnịvị ẹnịnị. Ẹ tama ayị Ẹnẹyịmavara mẹmẹ banyị ọnịrị ẹpazizi anị. Ẹ kwẹẹtẹ ẹ vụ ịrẹvụ agụvị anda ẹnịnị, ezi ẹnịnị ẹnịrị ese ẹnịnị ne beri ovwoovu ẹnịnị.

Ahẹ Ụgama 106:24

Dị aza ẹnẹẹ aa sị eyii wụ ẹtẹ ozoza oni Ohomorihi ka ọnị aa sịị yị wa, dị ẹnịnị ẹ̀ yị sị ayị tụra Ohomorihi ka ọ vaa mẹ ịrẹyị ọnị ọ kà nị.

Ahẹ Ụgama 121:5

Ẹnẹyịmavara vee sere wụ. Vị ọ maanị jẹẹ pè wụ ka oni òo sere wu nị.

Ahẹ Ụgama 14:4

Di Ohomorihi ka aza edivi ẹnẹnị ẹ yị yẹ ịrẹyị. Ọ kà sị ẹ vẹ dị ẹ maanị vị ọnụra aanị! Aza edivi ẹ̀ẹ za aza Ohomorihi dị ẹ yaa mẹ wa ẹnị ẹzụụ̄ mẹ ẹvụ nị. Ẹ yị hyakụ kà a ka ẹnị aa mẹ̀ aduwa hi Ẹnẹyịmavara.

Ahẹ Ụgama 46:11

Ẹnẹyịmavara ana nyị ụkata vị ana sị ọtụ kà yị ịrẹma. Ohomorihi Ijekọvụ ee sere yi ka asị a nyị ịsị ẹ mẹ̀ yị nị.

Ahẹ Ụgama 46:7

Ẹnẹyịmavara Ochẹtẹẹngụ vị ana sị ọtụ kà yị ịrẹma Ohomorihi Ijekọvụ ee sere yi ka asị a nyị ịsị ẹ mẹ̀ yị nị.

Ahẹ Ụgama 46:8

Vẹ di we ve re ịsa ẹnẹ Ẹnẹyịmavara mẹ Wèe re ịsị ọ mẹ ịnị ẹhẹ, ụ waa sị ụvọọ kà irenu jẹẹ kẹnẹ nị.

Ahẹ Ụgama 74:14

Ịjị ụ sị ọ chaka ịrẹsụ, dị ụ sị oku anị yị uye ana vọ ene hi ịnị ụnọmị ka ẹ̀ẹ rị ọ nị.

Ahẹ Ụgama 91:1

Ọza ana aa sị ẹngụ anị na tẹ̀ ịda Ohomorihi ana nẹba hu keekere ẹnị Ananyị yị vaa jị òkúu kú, dị ẹ yaa tụ́ ụhwọ nị.

Ọyịkụra 14:13

Di Imosiisi tụ́ aza ẹnẹẹ ohi dị ọ ka, “Asị u hí angwa nịnị. Ọzọza ò tenyi ẹngụ anị jẹẹ ka u vee re Ẹnẹyịmavara mẹ̀ vaa dọ yịị tụ́ ajịnị. Anijipiti ọnị ụ maanị ee re nịnị aanị, we mē vene re wa nịnị.

Ọyịkụra 33:16

Wẹ̀ yị saasa ayị na, aza ana vọ ẹ yị vaa yẹ ka we sì ịrẹyị amị ọnịrị aza awụ ana vọ. Sị ẹ kụkụ vaa sị yị vị irenyii yị ẹyịrị aza ana vọ ene hi ịnị ẹhẹ?”

Ayịsaya 1:2

Ẹnẹyịmavara kà ihinẹba ọnịrị ẹtẹ ẹ wụ́ ịrẹyị ọnị ọnị aa vaa kà aanị. Ọ kà ezi ọnị ọnị pá, ẹ sị vịra, di e nyima dị ẹ yaa kụ̀ụ hịrẹ ọnị nị.

Ayịsaya 32:2

Aza vi ene vee zwe naa vaka aza ene hi ini ịjọva anka aza mèe zwe nee sì aha vaka ini ụmẹ oni orihi àa zụ̀, di opomi aa tụ́ avọọ. Ẹ rẹ vaa mẹ kà ẹngụ aza è hunẹnẹ anka okuha ana yà ịnị ụnọmị ọnịrị anka ihuhu ịrẹta ọbanyị ana yà ịzị ọchị è yi hi avọọ.

Ayịsaya 41:10

Asị ụ hi angwa ka ọnị ya pe wụ nịnị! Ọnị ọ vị Ohomorihi awụ nịnị, asị ụ hi angwa. Ọnị vaa sị ụkata yị wụ nịnị, dị ọnị gụ wụ nịnị ụvọ, Ọnị vee sere wụ, dị ọnị dọ wụ ha.

Ayịsaya 41:14

Ẹnẹyịmavara kà; Isirẹrị ọ̀ọ daka weyi, dị ọ vị ọkụmị nị, asị ọ hụrẹ ayịnẹ ka ọnị vaa gụ ọ ụvọ. Ọnị ana vị Ohomorihi ọnịnị Isirẹrị ọ vaa dọ ọ ha nị.

Ayịsaya 63:10

Ama ẹnịnị ệ mẹ akamawụ hi ọ ene du Ụhwẹ Ọnịnị ayị. Agụvị avọọ Ẹnẹyịmavara vara ọnịvị ẹnịnị, dị ọ vara eyi ịraazị ka wa nị.

Ijeremaya 1:19

Ọ kà ẹnịnị vaa kụ ịrẹkụ tu ọnị ama ẹnịnị ẹ yị va zụụ za ọnị, agụvị ka ọnị ọ yà pe ọnị ọ yị dọ ọnị ha.

Ijeremaya 42:11

Ẹnẹyịmavara kà, asị ụ re kuku hí angwa ohinọyị Ịbabịrọnị ọnị wee hí angwa anị nịnị aanị. Ọ kà ọnị jẹẹ pe wu nịnị, ọnị vaa dọ wụ nịnịị hụrẹ ụvọ.

Ijeremaya 48:45

Aza ene zwè ka ẹnị ẹ̀ na tẹ̀ ẹkụra ana aā hị́ Ịhẹsịbọnị jẹẹ, é yị re aza mẹ ọgụvọ yị wa, agụvị ka ẹkụra ọnọọ aa rị ịra. Ẹkụra Isihoni ana vị ohinọyị aa rị ịra; ịra ọ sị da hụụ ịzọọ va ngụ ẹtẹ Imowabi. Ọ sị ọvịdị-ọvịdị ẹkụra ẹnịnị ọnịrị ataba ẹnịnị rị ịra.

Ịdanịyẹrị 9:5

Dị ọnị kà, ẹnị ẹ sị ịvị mẹ, dị ẹnị ệ yị mẹ̀ ịsa ana vọrọ nị. Ẹnị ệ mẹ̀ ebira odivi dị ẹnị ệ yị sị ụbanyị yị Ohomorihi nị. Ẹnị ệ navọ ọda anị tịtẹ naa mẹ̀ ịsa ọsa.

Ịdanịyẹrị 9:9

Dị ọnị rẹ kà, dị ẹnị daka yị sị ịvị mẹ hi Ananyị yị ana vị Ohomorihi ẹnịnị aanị, ọnị ọọ̄ vayị aza dị ọ rẹẹ̄ vagu aza nị.

Ịrịka 13:30

Dị Ịkarẹbị mẹ̀ ka aza anaa rị uhuhu hi Imosiisi e ku irenu ẹnịnị nị. Dị ọ ka, a vẹ ẹnịnị ẹ na dọ ẹtẹ ọnọọ booro aanị. Ẹnị ẹ zụ huuna wa.

Ịrịka 17:6

Ịzẹyịza, dị Imosiisi vavọọ ka yị Anisirẹrị nịnị nị. Dị ọdọvịdị ịrẹsụ ọzọza sị okutẹ anị vẹ dị ẹ vị ẹwụrẹva nị. Ọnyara ịnị okutẹ ẹnẹẹ vị Eerọnị.

Ịrịka 20:2

Ịnị ụmẹ ọnọọ, ẹ yị nyị enyi ana vọrọ ka aza e hú. Agụvị avọọ dị avaba Anisirẹrị nịnị gẹ tù Imosiisi ọnịrị Eerọnị nị.

Ịrịka 24:8

Ohomorihi vị ana kụ́ wa hụrị Ijipiti, dị ọ vụ ịrẹvụ yị wa anka ẹya avọọ nị. Avaba ọnịvị ẹnịnị vị ọnị o vú ẹtẹ, di o che wa ọpa, di o che ẹchụkụ ẹnịnị rugu-rugu va ha nị.

Imatiwu 1:23

“Re, ozwoorihi ọnya ẹnẹ ẹ̀ẹẹ̀ yị yẹ ọnọrụ vee zyẹẹ, dị ọ ma ozi ọnọrụ ọnya. A vaa hị́ ịrẹha anị Ẹmanụwẹrị oni iruvo anị vị Ohomorihi yà beri eyi.”

Aniroomi 8:31

Sị ị kụkụ vaa kà booro aanị? Ohomorihi ọ̀ọ yà yị ịrẹma, ẹnẹ kụkụ zụ kwẹẹtẹ tù yi?

Iwe Ọhụhị Imosiisi ana aa hị́ Ọyịvatụrọda 1:21

Dị Imosiisi ka yị wa, Ẹnẹyịmavara Ohomorihi ẹnịnị ọ raa sị ẹtẹ ọnọọ yị wa. Ẹnịnị ẹ na na dọ ẹtẹ asị e hí angwa.

Iwe Ọhụhị Imosiisi ana aa hị́ Ọyịvatụrọda 1:26

Ama ẹnịnị ệ mẹ akamawụ hi Ẹnẹyịmavara Ohomorihi, dị ẹ ka ẹnị ẹ yị vaa ngụ ẹtẹ ọnọọ nị.

Iwe Ọhụhị Imosiisi ana aa hị́ Ọyịvatụrọda 1:29

Ama dị Imosiisi ka yị wa ka asị ẹnịnị hí angwa aza ẹnẹẹ.

Iwe Ọhụhị Imosiisi ana aa hị́ Ọyịvatụrọda 31:6

Ọ kà ẹ̀ nyị ọtụtụrụma, dị ẹ̀ sị ayị ẹnịnị vị ọnya ẹtẹẹtẹrẹ. Asị e hí angwa ọnịvị ẹnịnị agụvị ka ọnị ana vị Ohomorihi ẹnịnị vaa ya pe wa. Ọnị ẹ yị vaa hụrẹ wa ụvọ

Iwe Ọhụhị Imosiisi ana aa hị́ Ọyịvatụrọda 31:8

Asị e hí angwa ọnịvị ẹnịnị agụvị ka Ẹnẹyịmavara vaa dọ ọvịdị ẹnịnị na ngụ ịzọọ. Ọ vaa ya pe wa, ọ̀ yị vaa hụrẹ wa ụvọ.

Iwe Ọhụhị Imosiisi ana aa hị́ Ọyịvatụrọda 32:42

Ọpa anị vee hú anyị ọnịvị anị, dị ụhwọ anị vaa wụ̀ avaba aza ana va eyi ịrazị ka ọnị. Ẹ yị nyị ọza ana va eyi ịrazị ka ọnị ana vaa ha Ọnị vee vu aza ana tọ̀ ụnava ọnịrị anịnẹngwa nịnị ẹtẹ.

Iwe Ọhụhị Imosiisi ana aa hị́ Ọyịvatụrọda 7:18

À sị u hí angwa ẹnịnị; tamayị ịsị Ẹnẹyịmavara Ohomorihi awụ nịnị mẹ ohinọyị Ijipiti ọnịrị aza anị.

Iwe Ọhụhị Imosiisi ana aa hị́ Ọyịvatụrọda 7:21

Agụvị avọọ asị ụ hí angwa aza ẹnẹnị agụvị ka Ẹnẹyịmavara Ohomorihi awụ nịnị ya pe wụ nịnị. Ọnị ọ banyị ana vọrọ ka eē hí angwa anị nị.

Iwe Ọhụhị Imosiisi ana aa hị́ Ọyịvatụrọda 9:7

“Imosiisi ka asị ayị hi wa ẹ mẹmẹ dụ Ẹnẹyịmavara Ohomorihi awụ nịnị ayị ịnị ụnọmị. Hụrị ẹkụhị ọnị ẹ kwẹẹtẹ hụrẹ Ijipiti ẹ mẹ̀ akamawụ hi Ẹnẹyịmavara pooro va ngụ ịzị ẹ ya booro aanị nị.

Anihwiripi 1:27

Ịsị ẹ vị ịrẹyị obooro ọ vị ka ebira awụ nịnị ọ̀ yà anka ọ mẹ vọrọ tụra ọza ana dọ enube ọyịza wụ́. Me ve hee wu nịnị oo, mẹ yị vẹ oo, mee sì ka ma wụ́ ka wáa sị ayị ọnya jẹẹ geri-geri nịnị, di u we duduu sị ọnyaa dụ ịrẹyị enube ọyịza ọnị ụ dọ wụ́ nịnị.

Ijosuwa 1:5

Ẹnẹyịmavara rẹ kà a yị nyị ọza ana va nyayịnẹ và eyii kà Ijosuwa pooro dị ọ̀ sị ẹhẹ tịtẹ. Ộ kà ọnị mẹ̀ yà pè Imosiisi, avọọ ọnị mẹ̀ rẹ vaa yà pè Ijosuwa nị. Ọ kà ọnị ọ yị vaa mẹ̀ ụhị nyị ọ, ọnị ọ yị vaa hụrẹ ẹ ụvọ.

Ijosuwa 14:12

Dị ọ ka Ijosuwa ọ sị ẹtẹ ịrẹsụ ataba ọnị Ẹnẹyịmavara kà ọ vị anị yị ọnị, Ẹnẹyịmavara vaa gụ ọnị ụvọ dị ọ dọ aza ene hi ịzọọ ẹtẹ anka o me wo oto yị ọnị. Dị ọ ka aa vị eyi Ijosuwa aza ana vọ e juwe ajịmasị ana ra hi ịnị ẹkụra ẹbanyị-ẹbanyị ana jị ọvọ kara.

Ọdọvịdị 1:22

Evere Ijosẹẹhụ ệ nọ ịrẹkụ anẹkụra Ịbẹtẹrị, dị Ẹnẹyịmavara jẹẹ wa ịrẹma nị.