Ịrịka 14:6 - IWE ỌNỊNỊ

⁶ Ijosuwa ozi Inuni ọnịrị Ịkarẹbị ozi Ijehwụnẹ ya ịnị aza ana a tụ́ ne re ẹtẹ ọnọọ. Ịjị e re ịsa anaa na, ayị ẹnịnị e si du, dị ẹ za awuru ẹnịnị dị ẹ na a nị.

Ịrịka 14:6 ပူးပေါင်းရင်းမြစ်များ

Oyinyima 37:29

Ịjị Irubẹnị ọnị varẹma nọ ịnị ịkangga ọnọọ ka oni ò ne hee Ijosẹẹhụ, o yi kuku re e ịzọọ. Dị ọza awuru anị, dị ọ na a.

Oyinyima 37:34

Di Ijekọvụ za awuru anị dị ọ na a, dị ọ chire ịta orere, di o jị òrèrè Ijosẹẹhụ mẹ ẹkụhị ọrụrụ-ọrụrụ nị.

Oyinyima 44:13

Ayị ẹnịnị e si du, dị ẹ za ịta ẹnịnị dị ẹ na a nị. Dị ọzọza varẹma kune ẹnya anị tụra ịkẹrịkẹtẹ anị, dị ẹ varẹma aa nọ ịnị ẹkụra nị.

2 Ịsamụwẹrị 3:31

Di Idevidi kà a yi Ijowabi ọnịrị aza ọnị ọnịrịị jẹẹ dị ọ ka, “Na awuru awụ nịnị, dị wa si awuru orere chire nịnị, dị wa yà ọvịdị oku Abịna dị waa jị oreree na nịnị!” Idevidi ohinọyị ọnị ụvọta vị ana yà ịrẹma iposi dị aa dụ ọ ịrẹma.

2 Ohinọyị 18:37

Ayị Eriyakimi, Ịsẹbina, ọnịrị Ijowa o si du, dị ẹ na awuru hi ẹngụ ẹnịnị ẹngụ nị. Ê ne tu Ihezekaya, dị ẹ kà a yọ, avaba ịrẹyị ọnị aza ohinọyị Asiriya kà nị.

1 Ịtọpa 7:27

Inuni, ọnịrị Ijosuwa.

Ijoovu 1:20

Dị Ijoovu kwẹẹtẹ ịnị ayodu dị ọ ha awuru anị hi ẹngụ, dị ọ kụ ịrẹsụ anị, dị ọ vaku ẹtẹ aa hẹkẹ Ohomorihi nị.

Ịrịka 13:30

Dị Ịkarẹbị mẹ̀ ka aza anaa rị uhuhu hi Imosiisi e ku irenu ẹnịnị nị. Dị ọ ka, a vẹ ẹnịnị ẹ na dọ ẹtẹ ọnọọ booro aanị. Ẹnị ẹ zụ huuna wa.

Ịrịka 13:6

Ịkarẹbị ozi Ijehwụnẹ hụụnị ịrẹsụ Ijuda

Ịrịka 13:8

Ihoseya ozi Inuni hụụnị ịrẹsụ Ehwireemi

Ịrịka 14:24

Ama ozi ahụ anị Ikarẹbị vị irenyi ya aza ana vọ, ọ wụ́ chire ọnị, avọọ ọnị vaa sị ọ na ngụ ịnị ẹtẹ ọnọọ. A rẹ vaa ga ẹtẹ tu evere anị.

Ịrịka 14:30

Ịrẹma Ijosuwa ọnịrị Ịkarẹbị, a yi vaa nyị ọza ẹnịnị anaa na ngụ ịnị ẹtẹ ọnị ọnị hị́ eku anị yị wa.

Ịrịka 14:38

Ama Ijosuwa ọnịrị Ịkarẹbị kẹnẹ ẹ ha nị.

Ịrịka 14:5

Dị Imosiisi ọnịrị Eerọnị tana tụra ẹtẹ ọvịdị ẹnịnị.

Ịrịka 14:7

Dị ẹ ka yị ịragụ Anisirẹrị nịnị ka ẹtẹ ọnị ẹnị ne ree vị aha ọyịza.

Imatiwu 26:65

Dị ohirẹsụ ọbanyị irehi Ohomorihi ọnọọ kụ́ ayị, dị ọ za awuru anị, dị ọ nàa chaara nị. Dị ọ ka, “Ho! Ọ sị Ohomorihi kụ̀ ụhụ! Si i kuku ee sì onivenu aa mẹ? Waa wụ́, ọ màa kụ̀ Ohomorihi ụhụ nịnị

Ịmaakị 14:63

Dị ohirẹsụ ọbanyị irehi Ohomorihi ọnọọ kụ́ ayị, dị ọ za awuru anị, dị ọ na a chaara nị. Dị ọ ka, “Si i kuku ee sì onivenu aa mẹ?

Odeyi 14:14

Ịjị Ịbanabasị ọnịrị Ịpọọrụ wụ́ ịsị aza ẹnẹẹ ee sì ka ẹnị ẹ̀ mẹ, dị ẹ na awuru ẹnịnị, ẹ màa kụ́ ayị, di e zwe na ngụ ịnị akakana aza ẹnẹẹ, di e nowu zẹtẹ ka,

Ijosuwa 14:6

 nyị ụmẹ ọnya aanị, ịnị ụmẹ ọnọọ Anisirẹrị vị ana yị kụ́ udi tụ́ Igirigari. Dị Ịkarẹbị ana vị ozi Ijehwụnẹ ana hụụnị abara Ikenazi kụ́ aza ọrụrụ hụrẹ ịrẹsụ Ijuda ve tù Ijosuwa nị. Dị ọ ka Ijosuwa óó tamayị ịrẹyị anị ọnị Ẹnẹyịmavara kà yị Imosiisi ana vị ọza Ohomorihi Ịkẹdẹsị Ibaneya.

Ijosuwa 7:6

Ịjị Ijosuwa wu enube ọnọọ, dị ọ ha awuru anị hi ẹngụ, dị ọ ne ẹngụ anị nya ẹtẹ ọvịdị apoti oto pooro na ngụ oruva anị nị. Dị ọdọvịdị Anisirẹrị ẹnịnị ẹnị ra zị ẹngụ beri ọ, dị ẹ kụ́ edudu ku ịrẹsụ ẹnịnị nị.

Ọdọvịdị 11:35

Ịjị Ịjẹhwịta vavọọ re e kẹnẹ, dị ayị sị du, dị ọ na ẹnya anị hi ẹngụ anị ẹngụ, dị ọ ka, kwee-kwee, ozi emi, ẹngụkata ụ kụ ve tu mị aanị nọ. Mâ sị ọ kà yị Ẹnẹyịmavara kà aa nyị ịsa ẹmị vaa mẹ yị ọ, mẹ yị zụ mẹ ka mẹ yị mẹ̀ ịsa ọnọọ.