Idevidi ô re anggẹẹrị ọnọọ ka ọ jẹẹ ịnị ahị. Ộ sị ụhwọ rị ụvọ enee ve sii vu Ijerusarẹmị ẹtẹ. Dị Idevidi ọnịrị azọkụ-azọkụ Anisirẹrị ana kụ́ ịta anaā sịị zị ẹngụ, dị ẹ ku ẹtẹ nị. Avaba ẹnịnị vị ana kụ́ ịta ana aa sịị̄ zị ẹngụ hi ẹngụ.
Ezikẹẹrị ka, ịjị ẹ́ vavọọ aa wụ̀ azaa na, dị ọyịnyara anava jẹẹ ịzọọ nị. Ọnị ô va eyi ku ẹtẹ, dị ọnị nowu ka, tee! Ohomorihi Ananyị avaba ụkata, Ụ waa vaa maanị kụ́ ayịị hi Ijerusarẹmị, dị ụ sị avaba aza ana vọ hi ẹtẹ Isirẹrị wụ nị?
Kẹnẹ, dị Ẹnẹyịmavara vana mẹ ka ịra ọọ za, dị ọ̀ rị avaba ịsị ịsọvọ ana aa rị ịra ọnịrị avaba ụhị ana ya ịrẹsụ ụta ịsọvọ nị. Ịjị avaba aza ana gụ ré e, dị ẹnịnị na owu zẹtẹ, dị e và eyi kú ẹtẹ nị.
Ijosuwa ozi Inuni ọnịrị Ịkarẹbị ozi Ijehwụnẹ ya ịnị aza ana a tụ́ ne re ẹtẹ ọnọọ. Ịjị e re ịsa anaa na, ayị ẹnịnị e si du, dị ẹ za awuru ẹnịnị dị ẹ na a nị.
Dị Ẹnẹyịmavara kà a yị Imosiisi ka ọ̀ sị okutẹ Eerọnị tụ́ ịnị ajẹngụ ọvịdị apoti oto. Ịsa ana mẹ̀ aanị vaa ka aza anaā rị uhuhu hi ọnị ọnọ ka ẹ za avọ hi agụvị asị ọnị vu wa ẹtẹ.
Dị ọ kà nọ ọvịdị chee, dị ọ va ku ẹtẹ, dị aa mẹ̀ aduwa nị. Dị ọ ka, “Ọga, ọ̀ọ yaanị rụra mẹ, ụmẹ ụyọrị ọnọnị ọ̀ há hụrẹ mị ịrẹsụ; ama ẹ yị vị ịsị mi sì, ẹ̀ yị vị ịsị u wèe sì.”
Dị ọnọrụ ọnọọ tụ́ ọ ohi ka ọnị o yị jẹẹ yị ọza ọnyọọnyị. Ama ọnị vị ana vẹ ịzọọ anka Ọga ịrẹkụ ọkụrẹkụ Ẹnẹyịmavara, obobooro ọnọọ Ijosuwa va ku ẹtẹ kụ́ ọ nị. Dị Ijosuwa ka ọnị ozi ahụ anị yị ọ ka yị ọnị ịsị a vọrọ ka ọnị ọ mẹ.
dị azọkụ ohurẹẹna ẹnẹẹ và ku ẹtẹ ọvịdị ọza ana yaayịtẹ ịnị aga ohinọyị ọnọọ ana yára pooro zịna-zịna, dị ẹyaa hẹkẹ ẹ. Dị ẹ hụ̀ ọkẹkẹrẹkụ ẹnịnị tụ́ ọvịdị aga ohinọyị, dị ẹ ka:
Dị avaba anggẹẹrị ana jẹẹ kara aga ohinọyị ọnọọ, beri azọkụ ẹnẹẹ ọnịrị ịsa ẹẹna ẹnẹẹ ana nyị ụhwẹ aanị, tana tụra ẹtẹ, dị ẹ và eyi ku ẹtẹ, dị ẹ hẹkẹ Ohomorihi nị.
