Ịrịka 14:43 - IWE ỌNỊNỊ

⁴³ Ẹnịrị Anamarẹkị ọnịrị Anikenaani nịnị ẹ̀ẹ gẹ ẹ yaa sị ụ̀hwọ̀ wụ̀ wa ha nị. Ẹnẹyịmavara ọ ra va ịrẹma ẹnịnị agụvị ka ẹnịnị e re yi ọ tịtẹ.

Ịrịka 14:43 ပူးပေါင်းရင်းမြစ်များ

1 Ịtọpa 28:9

Ộ kà a yị Isoromọnị ka, ozi emi, ò re ka ọnị ọọ yẹ Ohomorihi ada anị, dị ọọ̀ sị ayị ọnya hẹkẹ ẹ, dị ọ̀ rẹẹ sị ayị anịị mẹ̀ ịsa oni o si. Ọ kà Ohomorihi ộ yẹ ịsị aza ee ro, ọnịrị ịsị eyee sì. Isoromọnị ọ̀ọ ká Ohomorihi na, vi aa dọ ọ nị. Ama ọ̀ọ va ịrẹma ka Ohomorihi, vi aa và ịrẹma anị pooro zịna-zịna nị.

2 Ịtọpa 15:2

Ô ne tù ohinọyị Asa, di o na owu, dị ọ kà, ohinọyị Asa ọnịrị Anijuda ne beri Anịbẹnjamịnị nịnị e batọ ịrẹyị anị. Ộ kà Ẹnẹyịmavara kà ọnị vaa ya pe wa ẹnịnị ẹ̀ẹ jẹẹ pe ọnị. Ẹnịnị èe si ọ, e vee re e, ama ẹnịnị ẹ̀ẹ varẹma ka a, ọnị rẹ vaa hụrẹ wa ụvọ.

Ahẹ Ụgama 44:10

Wâ mẹ ka yee zwee yị ọnịvị ayị, dị ẹnị kụkụ kụ́ ogu ayị kẹnẹ nị.

Ayịsaya 63:10

Ama ẹnịnị ệ mẹ akamawụ hi ọ ene du Ụhwẹ Ọnịnị ayị. Agụvị avọọ Ẹnẹyịmavara vara ọnịvị ẹnịnị, dị ọ vara eyi ịraazị ka wa nị.

Ihoseya 9:12

Ezi ẹnịnị ana hụ, dị ẹ yara vị ọnị vaa jị ọyị yị, dị ọnị ọ tụ́ wa avosusu. Hụrẹ ụmẹ ọnị ọnị va ịrẹma ẹnịnị, vị ọnị odivi-odivi vana vee tù wa.

Ireevi 26:17

Ọ kà ọnị vaa và eyirazịị ka wa; dị ọnịvị ẹnịnị nyị ẹbẹẹba ẹnịnị; aza anaa nyị ịhyẹrẹ ẹnịnị ẹ vaa mẹ ịjọva tụra wa ịrẹsụ nị. Angwa vee hí wa nee tu ka ẹnịnị vị ene vee zwe ẹ̀ yị daka nyị ọza anaa dụ wa.

Ịrịka 13:29

Anamarẹkị nịnị vị ana ra Ịnẹgẹvị, dị Anihiti nịnị ọnịrị Anijebusi nịnị ne beri Anamọrị nịnị vị ana ra ịrẹsụ ataba. Anikenaani vị ana ra utenyi Òkū Imeditareniya ọnịrị ụtụtọ irehi Ijodani.

Ịrịka 14:25

Ẹnẹyịmavara kà ẹ vara eyi asị ẹ nọ ịzị Anamarẹkị ọnịrị Anikenaani ya. Ụhwọọ, ẹ̀ na ịnị ụnọmị ana va eyi ka okuha ịkẹ.

Ịrịka 14:42

Avọọ asị ẹ nọ ịrẹkụ ka Ẹnẹyịmavara ọ yị ya pe wa. Ọnịvị ẹnịnị vị anaa nyị ẹbẹẹba ẹnịnị.

Ịrịka 14:44

Dị ẹnịnị sị eyi jịnẹ ịrẹyị Imosiisi, dị ẹ yaa nọ ịrẹkụ anẹkụra ẹnẹẹ nị, ama Imosiisi ọnịrị apoti oto Ẹnẹyịmavara ẹ yị saasa wa.

Iwe Ọhụhị Imosiisi ana aa hị́ Ọyịvatụrọda 28:25

Ẹnẹyịmavara vaa mẹ ka ọnịvị awụ nịnị ẹ̀ nyị ẹbẹẹba awụ. Ụ vaa zi oze ọnya nọ ịrẹkụ ọnịvị awụ, ama dị ẹ dụ wụ zi oze ịhịmba. Avaba anẹhẹ vee re ịsị ẹ mẹ tù wu nịnị, dị angwa hi wa.

Ijosuwa 22:15

Ẹnịnị ệ vẹ Igiriyadi ve tu Ezi Irubẹnị nịnị, ọnịrị ezi Igadi ọnịrị achẹva ezi Ịmanasẹ nịnị, dị ẹ kà a yị wa ka:

Ijosuwa 7:12

Dị Ẹnẹyịmavara kà Anisirẹrị ẹ yị vaa zụ jẹẹ zi ọnịvị ẹnịnị. Aa vaa dụ wa eche nị. Ẹnị nyẹmba vị ana vọrọ ka aa wụ́ Ohomorihi ọ sị va ịrẹma ẹnịnị. E vị yi ẹ sị ịsa enyisi hụụnị ẹngụ ẹnịnị tụ ẹhẹ.

Ọdọvịdị 16:20

di o nowu hị́ Ịsamịsịnị ka Anihwirisiti nịnị ẹ vẹ ka ẹnị ẹ vaa za a nị. Ịsamịsịnị mẹ ha hụụnị ịnị ara, di o ro ka ọnị raa banyị ẹngụ anị ha anka ọ mẹẹ̄ vịdịị mẹ̀ avọọ nị. Ama ọ yị yẹ ka ụkata Ẹnẹyịmavara ọ sị hụrẹ ọnị ẹngụ.