Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Ịrịka 14:29 - IWE ỌNỊNỊ

29 Ộ ka avaba ẹnịnị vi ene vee su tụ́ ịnị ụnọmị ọnọnị, dị oku ẹnịnị chata ku ẹtẹ, ka ẹnịnị ẹ̀ kụ̀ mị ụhụ ẹ yị vaa nyị anọrụ ẹnịnị hụrị ẹhụ ịrayị oohu ịnị ụmẹ ana a sị za ọza ịrịka ana a vọ tịtẹ.

အခန်းကိုကြည့်ပါ။ ကော်ပီ




Ịrịka 14:29
13 ပူးပေါင်းရင်းမြစ်များ  

Di Ohomorihi va hị́ eku ka vị ọnị aa wụ waa vaa hi ịnị ụnọmị nị,


Di Ohomorihi mẹ ka avaba ẹhẹ ẹnịnị ò vi osusu dị ẹ̀ẹ rị ụya nị.


Avaba aza anaā kụ̀ụ hịrẹ ọnị, dị ẹẹ̄ mẹ̀ ebira odivi-odivi vị ọnị ọnị vaa tọ̀ọ kwooze, ọnị vaa kụ waa hụrị ẹtẹ ẹnẹ ẹ́ ra booro aanị, ama ọnị ẹ́ yị vaa zẹẹ ka ẹnịnị ẹ̀ vavẹ ẹtẹ Isirẹrị. Ịjọnọọ ụ vaa yẹ nịnị ka ọnị ọ vị Ẹnẹyịmavara nị.


Avaba Anisirẹrị ana daa hụrị ịrayị ohu va hịrẹ ana sị hụ ọ tu ịrẹkụ vị ana a chẹrẹ ịrẹha ẹnịnị ovwoovu-ovwoovu.


Avaba ẹnịnị vị akawụ-akawụ oze ịrẹkẹchẹhị tụra ọnya tụra akahị tụra akavarẹchẹhị tụra akahị (603,550).


Nyị ọza ịnị ẹngụ aza ọnị Imosiisi ọnịrị Eerọnị za ịrịka ịnị ụnọmị Ịsịnayị ana kụkụ yara va ngụ ụmẹ ọnọọ.


Ẹnẹyịmavara ộ kà yị wa ka, avaba ẹnịnị vị ene su tụ́ ịnị ụnọmị. Ikarẹbị ozi Ijehwụnẹ ọnịrị Ijosuwa ozi Inuni kẹnẹ ẹ va yara tụ́ ẹtẹ.


Dị Ohomorihi daka yị vavọọ mẹ yị wa, ọrụrụ-ọrụrụ ẹnịnị ệ mẹ̀ ebira ana kụ́ Ohomorihi ayị. Yâ vavọọ yẹ, agụvị ka ẹnịnị vị ene sú va hi ịnị ụnọmị.


Ịrayị ohurẹẹwụ tụra ịhịnta ẹ sị zị ụsẹ hụrẹ Ịkẹdẹsị Ibaneya na ngụ okuha Ịzẹrẹdị nị. Avaba anọrụ ana kụ́ ịrẹkụ vene su anka Ẹnẹyịmavara mẹ kà a yị wa.


Ẹnẹ vavọọ mẹ ayị kụ́ Ohomorihi pooro mẹ ịrayị ẹbẹẹva? Ẹnịnị ẹ vị avaba aza ana mẹ ịvị, di e sú hi ịnị ụnọmị nị.


Anisirẹrị nịnị vị ana ngụ ụnọmị zịịzị ịrayị ẹbẹẹva dị avaba anọrụ ana hụ̀ ọ tu ịrẹkụ ana hụrẹ Ijipiti su ha ịnị ụnọmị. Ẹnịnị ẹ yị rẹ va zụ ngụ ẹtẹ ọyịza ọyịza ọnị Ẹnẹyịmavara kà ọnị aa sị yị wa agụvị akamawụ ẹngụ ẹnịnị.


Máa yẹ ka â vịdị sị ọ kà yị wụ nịnị, ama mee sì ka ma rẹ tama wụ nịnị ayị ịrẹyị ọnọnị: Ohomorihi ộ dọ aza anị ha hụụnị ẹtẹ Ijipiti. Aza ẹnyị ẹ̀ yị mẹ̀ wụ́ ịrẹyị anị, dị ọ wụ̀ wa nị.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ