Ịrịka 14:24 - IWE ỌNỊNỊ

²⁴ Ama ozi ahụ anị Ikarẹbị vị irenyi ya aza ana vọ, ọ wụ́ chire ọnị, avọọ ọnị vaa sị ọ na ngụ ịnị ẹtẹ ọnọọ. A rẹ vaa ga ẹtẹ tu evere anị.

Ịrịka 14:24 ပူးပေါင်းရင်းမြစ်များ

1 Ịtọpa 29:18

Ẹwụ Ẹnẹyịmavara Ohomorihi Abụrahamị, Ayiziiki ọnịrị Ijekọvụ ohiku ayị nịnị. Navọ wa sị tụ́ ịnị ayị aza awụ vẹchị-vẹchị, dị ẹnịnị ẹ̀ maanị yịị kụ́ ẹngụụ hi ịrẹyị awụ pooro. Mẹ ka ẹnịnị ẹ̀ vaa sị ayịị tụra wụ pooro.

1 Ịtọpa 29:9

Aza mè sì ọ, ẹ sị ẹyịza va yị Ẹnẹyịmavara nị. Ayị ẹnịnị ô hine ka â vavọọ kụ́ ịsa va yị Ẹnẹyịmavara. Avọọ ayị ohinọyị Idevidi ọnị mè re hine ẹtẹẹtẹrẹ nị.

2 Ịtọpa 25:2

Amaziya ộ mẹ̀ ebira ene hine Ẹnẹyịmavara ayị ama ệ yị sị ayị ọnya mẹ̀.

Ahẹ Ụgama 119:145

Ẹnẹyịmavara, ayị ọnya m maa sịị hí wụ nọ, navọ kwogwo we tụ́ mi òhi. Wèe tụ́ mi ohi, mị vaa saasa ọda ọnị ụ mẹ.

Ahẹ Ụgama 119:80

Navọ kwogwo ma nyẹngụ sị avaba ayị amị saasa ọda awụ agụvị asị ụhị na nyị mị.

Ụhịrẹyị 23:26

Ozi emi, sị eyi pe mi, waa saasa ahụ ọnị mèe hu.

Ịrịka 13:30

Dị Ịkarẹbị mẹ̀ ka aza anaa rị uhuhu hi Imosiisi e ku irenu ẹnịnị nị. Dị ọ ka, a vẹ ẹnịnị ẹ na dọ ẹtẹ ọnọọ booro aanị. Ẹnị ẹ zụ huuna wa.

Ịrịka 14:30

Ịrẹma Ijosuwa ọnịrị Ịkarẹbị, a yi vaa nyị ọza ẹnịnị anaa na ngụ ịnị ẹtẹ ọnị ọnị hị́ eku anị yị wa.

Ịrịka 26:65

Ẹnẹyịmavara ộ kà yị wa ka, avaba ẹnịnị vị ene su tụ́ ịnị ụnọmị. Ikarẹbị ozi Ijehwụnẹ ọnịrị Ijosuwa ozi Inuni kẹnẹ ẹ va yara tụ́ ẹtẹ.

Odeyi 11:23

Íbanabasị mè tù ịzọọ, di o re ịsị Ohomorihi mẹ ịzọọ ịnị ayamva anị, ayị anị ô hine. Di o hú wa ụvọ ka ẹ̀ nyị ayị ọnya, dị ẹ̀ yịị sị ayị ẹnịnịị yị Ohomorihi nị.

Anẹhwẹsọsị 6:6

Asị ụ mẹ̀ ebira omeyọza kẹnẹ nịnị, ama waa sị ayị ọnyaa mẹ̀ ụkọrọ awụ nịnị anka ezi ahụ Ikirisiti ene ee sì ka ẹnị ẹ̀ mẹ ịsị Ohomorihi sì!

Iwe Ọhụhị Imosiisi ana aa hị́ Ọyịvatụrọda 1:36

Ịkarẹbị ozi Ijehwụnẹ kẹnẹ o vee re ịzọọ nị. Ẹnẹyịmavara kà avaba ịzị ọọ ngụ ịnị ẹtẹ ọnọọ kẹnẹ ọnị vaa sị yị ọnịrị evere anị agụvị ka ộ sị ayị ọnya saasa ọnị.

Iwe Ọhụhị Imosiisi ana aa hị́ Ọyịvatụrọda 6:5

Sị avaba ayị awụ sì ịrẹyị Ẹnẹyịmavara ana vị Ohomorihi awụ, beri avaba ivehu ọnịrị avaba ụkata awụ.

Anikorasi 3:23

Avaba ịsị ụ wàa mẹ, waa sị ayị ọnyara mẹẹ anka ọza ana aa mẹ ụkọrọọ yị Ananyị yị! Asị ụ mẹ̀ ẹ anka ọza ana aa mẹ ụkọrọọ yị ọza kẹnẹ.