Ịrịka 14:22 - IWE ỌNỊNỊ

²² ẹ yị nyị ọza ịnị aza ẹnẹnị ana vaa ngụ ịnị ẹtẹ ọnọọ. Ẹnịnị è re ụbanyị anị ọnịrị ịvọpa irenyi-irenyi ọnị ọnị mẹ̀ ịnị ẹtẹ Ijipiti ọnịrị ịnị ụnọmị, ama dị ẹ̀ yaa sị akamawụ zama ọnị re nị.

Ịrịka 14:22 ပူးပေါင်းရင်းမြစ်များ

Oyinyima 31:41

Ọ rẹ ka ịrayị oohu ọnị ọnị hụrẹ yà ịda anị avọọ yị. Ọ kà ọnị ọ sị ịrayị ẹwụrẹna hẹkẹ ẹ agụvị ezi anẹẹ anị ẹẹva. Ọnị ọ rẹ sị ịrayị ịhịnọnyị sị eyi pè ịsụpa anị. Dị ọ rẹ ka ụpẹ ẹẹwụ ọ vara ụta ọnị ọ ka ọnị ee si ọnị nị.

Oyinyima 31:7

ama ada ẹnịnị ộ mẹ̀ ọnị rị. Ụta ọnị ọ ka oni vee si ọnị, ụpẹ ẹẹwụ ọ vara a dị ọ̀ yị vavọọ ve si ọ nị. Ama Ohomorihi ọ yị zẹẹ ka à nyị ịsị ọ sị mẹ̀ ọnị.

Ijoovu 19:3

Wa sị mị kụ ụhụ tu ụpẹ ẹẹwụ da; ụhị ẹ yị nyị wụ ka waa kụ ọ kata mị ẹngụụ?

Ahẹ Ụgama 106:14

E mè hi ịnị ụnọmị ê nyima aa ha ọhọha ịsọyịrị, ê hi ịzọọ ẹ yaa zama Ohomorihi re.

Ahẹ Ụgama 106:26

Di Ohomorihi va hị́ eku ka vị ọnị aa wụ waa vaa hi ịnị ụnọmị nị,

Ahẹ Ụgama 78:41

Ẹnịnị ệ zama Ohomorihi re ụpẹ akawụ ẹkẹhị, dị ẹ yaa kụ́ ẹngụkataa tù ọ.

Ọyịkụra 14:11

Dị ẹ hị́ Imosiisi dị ẹ ka, “Aanị ka ẹ yị nyị ikuta hi Ijipiti? Sị ẹ vẹ dị ụ kụ́ yị vẹ ịnị ụnọmị ịzẹnị ka wa va wụ yị? Sị ụ mẹ dị ụ kụ́ yị hụrẹ Ijipiti aanị?

Ọyịkụra 15:24

Dị aza ẹnẹẹ aa rị ihuhuu hi Imosiisi dị ẹ ka, “Si yee hú aanị?”

Ọyịkụra 16:2

Dị avaba Anisirẹrị yà ịnị ụnọmị ịzọọ dị ẹ yaa rị ihuhuu hi Imosiisi ọnịrị Eerọnị nị.

Ọyịkụra 17:2

Di e nyima di eyee pè Imosiisi zyaazị nị. Dị ẹ ka Imosiisi ọ̀ sị enyi yị ẹnị dị ẹnị è hú nị. Dị Imosiisi ka, “Sị ẹ vẹ dị waa zyaazị hi mi nịnị? Wáá yẹ ka Ẹnẹyịmavara ụ waa zama a re nịnị aanị nị?”

Ọyịkụra 17:3

Enyi aa kụ̀ aza ẹnẹẹ ịzọọ ẹtẹẹtẹrẹ, dị ẹ yaa rị ihuhuu hi Imosiisi nị. Dị ẹ ka, “Sị ẹ vẹ dị ụ kụ́ yị hụrẹ Ijipiti vẹ ịzẹnị ka asị i re enyi hú dị ẹyịrị ezi eyi ne beri ịsụpa ayị è sú?”

Ọyịkụra 17:7

Di Imosiisi kụkụ aa hị́ ịzọọ Imasa ọnịrị Imeriba nị. Iruvo ọ vị ka ịzọọ Anisirẹrị yà zyaazị dị ẹ rẹ zama Ẹnẹyịmavara re nị, “Dị ẹ ka Ẹnẹyịmavara wáá vana yị yà ịnị akakana ẹnịnị à vị ọ yị yà ịzọọ?”

Ọyịkụra 32:1

Anisirẹrị ệ jẹẹ iruvo ataba zi Imosiisi pooro, ee kii ku Imosiisi o yi chi hụụnị ataba vẹ. Dị ẹ va kụ́ ẹngụ ne tù Eerọnị dị ẹ ka, “Kwẹẹtẹ wa mẹ ori yị vị ẹ̀ kụ́ yị ya na, agụvị ka yẹ yị yẹ ịsị ẹ mẹ Imosiisi ana vịdị kụ́ yị hụrẹ Ijipiti aa vẹ.”

Ọyịkụra 5:21

Dị ẹnị ana aā kụ́ azaa nọ ịnị ụkọrọ aanị ka: Ẹnẹyịmavara ee re Imosiisi nịnị. Ẹ ka ọnị ọ vaa sịị họ̀ wa nị. Ẹ ka ẹ raà mẹ ka ẹnị ẹ̀ kụkụụ nyị Ihwarawo ọnịrị aza anị ịhyẹrẹ. Ẹ ka ẹ raà sị ụhwọ chire wa ụvọ ka ẹ̀ sịị wụ ẹnị.

Ayịsaya 42:20

Ẹwụ Anisirẹrị wê re ẹtẹ ọrụrụ-ọrụrụ, ama sị́ ẹtẹ ọnị ụ re va vị yị wụ nịnị? Waa ha ụtọ awụ nịnị ha, ama sị́ ụ daka va wụ́ nịnị?”

Ịdanịyẹrị 1:20

Ịnị avaba ịrẹyị ịrẹyọyẹ ọnịrị ọkarẹyị obooro ọnị ohinọyị họ̀ wa use, ô re ka Ịdanịyẹrị nịnị ee huna avaba ọmahọnọ ọnịrị ọvavo ene hi ịnị avaba ẹtẹ anị nị.

Ịmarakayị 3:15

Ye re kà a ọza ana aa sị ẹngụ anị tụ ẹba vị ọnị ọ rọ ẹngụ Aza ọhịmị vị ọnị o zee yi. Ẹ yaa sị ebira odivi zama Ẹnẹyịmavara re, dị ẹ sị rị.

Ịrịka 11:1

Ẹ yị nyịnyịnyị, dị aza nyima aa rị uhuhu hi Ẹnẹyịmavara agụvị ẹngụkata ene tu wa nị. Ẹnẹyịmavara mẹ wụ̀ ọ, dị ayị kụ ọ hi wa, dị ọ sị ịra aa rị ụtụụtọ ajẹngụ ẹnịnị ne hu nị.

Ịrịka 11:4

Anikinami nịnị ana saasa Anisirẹrị nịnị ẹ kwẹẹtẹ aa ha ọhọha ịsọyịrị, dị Anisirẹrị nịnị ẹnị ree sụ ùnè ka ẹnị e yi re uye rị.

Ịrịka 12:1

Imeriyamị ọnịrị Eerọnị ê du Imosiisi agụvị ka ộ nyị ọnẹẹ ana vị Anikusi;

Ịrịka 14:11

Dị Ẹnẹyịmavara kà a yị Imosiisi ka, aanị ka aanị aza ẹnẹnị me vee yi ọnị tịtẹ nị? Avaba ohyozirenu pọpọrọpọ ọnị ọnị mẹ̀ ẹyị ẹnịnị, ẹnịnị ẹ yị yị sị ayị tụra ọnị.

Ịrịka 14:2

Dị ẹ yaa kụ ịrẹkaa hi Imosiisi ọnịrị Eerọnị ẹngụ ka sị ẹ vẹ dị ẹ yị navọ ẹnị dị ẹnị e su tụ́ Ijipiti, a vị ịnị ụnọmị?

Ịrịka 32:12

Ịkarẹbị ozi Ijẹhwunẹ Anikeni ọnịrị Ijosuwa ozi Inuni kẹnẹ ẹ vaa ngụ ẹtẹ ọnọọ nị, ọ vavọọ mẹ agụvị ka ẹnị ẹyịva ẹnẹnị kẹnẹ ẹ sị ayị ọnya saasa Ẹnẹyịmavara nị.

Imatiwu 4:7

Dị Ijeesu re tụ́ ọọ ohi, dị ọ ka, “A rẹ chẹrẹẹ ka: ‘Wẹ yị nyayịnẹ zama Ananyị yị Ohomorihi awụ re!’ ”

1 Anịkọrịntị 10:5

Dị Ohomorihi daka yị vavọọ mẹ yị wa, ọrụrụ-ọrụrụ ẹnịnị ệ mẹ̀ ebira ana kụ́ Ohomorihi ayị. Yâ vavọọ yẹ, agụvị ka ẹnịnị vị ene sú va hi ịnị ụnọmị.

1 Anịkọrịntị 10:9

Asị ị rẹ na zama Ananyị yị re, anka aza ẹnyị ịnị ẹnịnị mẹ̀ rẹ mẹ! Dị Ohomorihi tụ́ ẹwụ na jị wa ịrẹrụ, di e sú va ha nị.

Iwe Ọhụhị Imosiisi ana aa hị́ Ọyịvatụrọda 9:7

“Imosiisi ka asị ayị hi wa ẹ mẹmẹ dụ Ẹnẹyịmavara Ohomorihi awụ nịnị ayị ịnị ụnọmị. Hụrị ẹkụhị ọnị ẹ kwẹẹtẹ hụrẹ Ijipiti ẹ mẹ̀ akamawụ hi Ẹnẹyịmavara pooro va ngụ ịzị ẹ ya booro aanị nị.

Anihiburu 3:9

Ohomorihi ọ̀ kà a ka: Ohiku awụ nịnị ệ zama ọnị re ẹtẹẹtẹrẹ ịnị ụnọmị ịyẹẹyẹ, ẹnịnị ê re ịsị ọnị mẹ mẹ ịrayị ẹbẹẹva.