Ịrịka 14:20 - IWE ỌNỊNỊ

²⁰ Ịzẹyịza, dị Ẹnẹyịmavara kà ọnị ọ vagu wa anka Imosiisi mẹ̀ da ịpẹ anị,

Ịrịka 14:20 ပူးပေါင်းရင်းမြစ်များ

Ahẹ Ụgama 106:23

Ohomorihi vi ana ka ọnị ọ̀ yaanị wụ̀ wa va ha, à yị vị oni Imosiisi ọnị ọ nyị va jị Ohomorihi oze, dị ọ̀ yị zẹẹ ka ọ̀ sị ọyịkụ wụ̀ wa và ha.

Ahẹ Ụgama 99:8

Ẹnẹyịmavara ana vị Ohomorihi ayị, wê tụ́ ohi aduwa ẹnịnị. Ịzẹyịza ụụ̄ sị ụyaa rị wa, ana ụ rẹẹ̄ vagu, wa ini ịsa edivi ẹnị ẹ̀ẹ mẹ.

Ọyịkụra 32:14

Ịzẹyịza dị Ẹnẹyịmavara varẹma ro o, dị ọ̀ yị va zẹẹ ka ịrẹyị odivi ò tù aza ẹnẹẹ anka ọ mẹ̀ vịdị yaanị mẹ nị.

Ọyịkụra 8:9

Di Imosiisi tụ́ Ihwarawo ohi dị ọ ka: Ọ̀ jị̄ ẹkụhị oni o òo sì ka ọnị ọ̀ sị na kà a yị Ẹnẹyịmavara. Ọ kà ịhị ọ̀ọ jị kẹnẹ ọnị aa na nị, dị ọnị na mẹ̀ aduwa yị ọnịrị anụkọrọ anị beri aza anị. Dị ọ rẹ ka ọnị vaa dá ịpẹ ka Ẹnẹyịmavara ọ kụ́ ọnyọ kwooze hụụnị eehi ẹnịnị. Dị ahịka ini okuha Ịnayịrị kẹnẹ e kuku hi nị.

Ijeremaya 31:2

Ẹnẹyịmavara kà, ọnị ộ vayị aza ene è yị re ve su ịnị ụnọmị. Ịjị Anisirẹrị nịnị ê sị ịzị ẹyaa na tụ́ ụhwọ́.

Ijemiisi 5:16

Agụvị avọọ, dọ irenu ịvị awụ yị ẹngụ nịnị, dị ụ wa rẹ mẹ̀ aduwaa yị ẹngụ nịnị, agụvị Ohomorihi ọ̀ mẹ wụ nịnị ụkụ. Aduwa ọnịrẹyịzẹyịza ọ zụ mẹ ka ịsa ẹbanyị-ẹbanyị ẹ̀ mẹ.