Ịrịka 14:2 - IWE ỌNỊNỊ

² Dị ẹ yaa kụ ịrẹkaa hi Imosiisi ọnịrị Eerọnị ẹngụ ka sị ẹ vẹ dị ẹ yị navọ ẹnị dị ẹnị e su tụ́ Ijipiti, a vị ịnị ụnọmị?

Ịrịka 14:2 ပူးပေါင်းရင်းမြစ်များ

1 Ohinọyị 19:4

di Erija ọnị si hu aa nọ ịnị ọpaapara nị. Ộ zị gọdọ ịnị ọpaapara ọnọọ tù ẹhụ ụsẹ ẹkụhị ọnya avọọ. O mè ne si tù iruvo ọchị ọnya aanị ana aā hi irotemi, dị ọ yaayịtẹ iruvo ọchị ọnọọ, dị ọ ka à kà ka oni ò sú nị. Dị ọ kà, “Ẹnẹyịmavara, ọsọnị ọ sị vị ẹnẹmẹhị, navọ wa sị ụhwẹ amị. Vị ẹmị wéé vene zoza huna ohiku amị nịnị nị?”

Ijoovu 3:11

Aa yẹ ọnị ọ yaanị su tu ọnyị anị ịnẹ, a vị á mẹ ma ọnị kẹnẹ.

Ahẹ Ụgama 106:24

Dị aza ẹnẹẹ aa sị eyii wụ ẹtẹ ozoza oni Ohomorihi ka ọnị aa sịị yị wa, dị ẹnịnị ẹ̀ yị sị ayị tụra Ohomorihi ka ọ vaa mẹ ịrẹyị ọnị ọ kà nị.

Ahẹ Ụgama 106:25

Di e nyima aa rị ihuhu ịnị ajẹngụ ẹnịnị, dị ẹ̀ yị kụkụ zẹẹ ka ẹnị ẹ̀ wú ịrẹyị Ohomorihi nị.

Ahẹ Ụgama 106:45

Ohomorihi ộ hụ ụvị ẹnịnị tamayị ịrẹyị ọnị ọ kà tịtẹ, dị ọ nyị isuuru yị wa nị agụvị ka ô sì ịrẹyị ẹnịnị ẹtẹẹtẹrẹ.

Ọyịkụra 14:11

Dị ẹ hị́ Imosiisi dị ẹ ka, “Aanị ka ẹ yị nyị ikuta hi Ijipiti? Sị ẹ vẹ dị ụ kụ́ yị vẹ ịnị ụnọmị ịzẹnị ka wa va wụ yị? Sị ụ mẹ dị ụ kụ́ yị hụrẹ Ijipiti aanị?

Ọyịkụra 15:24

Dị aza ẹnẹẹ aa rị ihuhuu hi Imosiisi dị ẹ ka, “Si yee hú aanị?”

Ọyịkụra 17:3

Enyi aa kụ̀ aza ẹnẹẹ ịzọọ ẹtẹẹtẹrẹ, dị ẹ yaa rị ihuhuu hi Imosiisi nị. Dị ẹ ka, “Sị ẹ vẹ dị ụ kụ́ yị hụrẹ Ijipiti vẹ ịzẹnị ka asị i re enyi hú dị ẹyịrị ezi eyi ne beri ịsụpa ayị è sú?”

Ijona 4:3

Avọọ, dị ọ ka yị Ẹnẹyịmavara kà ọ dọ ọnị ụhwẹ nị. Dị ọ ka óo vene zoza ka ọnị ò su hụụnị ka ọnị ọ yàra.

Ijona 4:8

Ịjị ọyị vẹ, dị ọ sị jẹ, dị Ohomorihi tụ ahị ịrịra hụrẹ oze ọnị ọyị zị hụrẹ vẹ ka ọ tụ́ ku Ijona nị. Dị ọyị rị ọ ụpa ịrẹsụ ne tu ka eyi anị o hozi, di ewu za a nya ẹtẹ nị. Dị Ijona a vụ ụva ka akaka oni ò sú nị. Dị ọ kà oni o vene sú o zoza hu ka ọnị ọ kụkụ yára nị.

Ịrịka 11:1

Ẹ yị nyịnyịnyị, dị aza nyima aa rị uhuhu hi Ẹnẹyịmavara agụvị ẹngụkata ene tu wa nị. Ẹnẹyịmavara mẹ wụ̀ ọ, dị ayị kụ ọ hi wa, dị ọ sị ịra aa rị ụtụụtọ ajẹngụ ẹnịnị ne hu nị.

Ịrịka 11:15

Imosiisi ka aa vị aanị Ẹnẹyịmavara mẹ vaa mẹ̀ ọnị nị, ọ vana mẹ ka ọ wụ ọnị dị ọnị ọ hụụnị ụya.

Ịrịka 11:5

Ẹ ka ẹnị ẹ tamayị ivovo ọnị ẹnị vịdị aa rị kẹnẹ-kẹnẹ ịnị Ijipiti. Ẹnị aa rị avaba ikukumba, ịpapara, ireeki, arịvasa, ọnịrị ịsa ana vọ o mee zee ẹnị eyi nị.

Ịrịka 14:1

Ịjị avaba Anisirẹrị wụ enube ọnọọ, dị ẹ vị orere hi, dị ẹ jị òrèrè pooro ịrahụ dị eyi nị nị.

Ịrịka 14:22

ẹ yị nyị ọza ịnị aza ẹnẹnị ana vaa ngụ ịnị ẹtẹ ọnọọ. Ẹnịnị è re ụbanyị anị ọnịrị ịvọpa irenyi-irenyi ọnị ọnị mẹ̀ ịnị ẹtẹ Ijipiti ọnịrị ịnị ụnọmị, ama dị ẹ̀ yaa sị akamawụ zama ọnị re nị.

Ịrịka 16:13

Dị ẹ ka aanịka ịrẹyị oweyi ọ vị ka Imosiisi ộ kụ ẹnị hụrị ẹtẹ ozoza na ngụ ịnị ụnọmị ka ẹnị e su va ha nị. Booro aanị, di ee si ka ọnị ọ mẹ ọga tụra ẹnị ịrẹsụ.

Ịrịka 16:41

Eyinẹhẹ anị, dị avaba ịragụ Anisirẹrị va eyi ịra ka Imosiisi ọnịrị Eerọnị ka ẹnị wụ̀ aza Ẹnẹyịmavara ha nị.

Ịrịka 17:6

Ịzẹyịza, dị Imosiisi vavọọ ka yị Anisirẹrị nịnị nị. Dị ọdọvịdị ịrẹsụ ọzọza sị okutẹ anị vẹ dị ẹ vị ẹwụrẹva nị. Ọnyara ịnị okutẹ ẹnẹẹ vị Eerọnị.

Ịrịka 20:2

Ịnị ụmẹ ọnọọ, ẹ yị nyị enyi ana vọrọ ka aza e hú. Agụvị avọọ dị avaba Anisirẹrị nịnị gẹ tù Imosiisi ọnịrị Eerọnị nị.

Ịrịka 20:3

Dị aza aa zyaazị hi Imosiisi ka, ẹnị ee vene su beri anda ẹnịnị ene su ọvịdị Ẹnẹyịmavara ọ gụ yị ẹnị nị.

Ịrịka 20:4

Sị ẹ vẹ dị ọ kụ ẹnịrị ịsụpa ẹnịnị vẹ ịnị ụnọmị ka ẹnị e ve su ha nị?

Ịrịka 21:5

Dị ẹ yaa rị uhuhu hi Ẹnẹyịmavara ọnịrị Imosiisi nị. Dị ẹ kà sị ẹ vẹ dị ẹ kụ ẹnị hụrị Ijipiti ka ẹnị e vee su hi ịnị ụnọmị ịzẹnị? Ẹ yị nyị ịsọyịrị ọnịrị enyi ana vọrọ ka ẹnị e hu. Ịsa ọyịrị odivi ọnị ẹnị aa rị aanị ọ kụ nyị ēnị ịhyẹrẹ.

1 Anịkọrịntị 10:10

Asị ị rẹ na rị ihuhu anka ẹnyị ẹnịnị! Dị anggẹẹrị anaā wụ̀ ọza wụ̀ wa và ha nị.

Iwe Ọhụhị Imosiisi ana aa hị́ Ọyịvatụrọda 1:27

Dị ẹnịnị aa rị uhuhu hi Ẹnẹyịmavara nị. Dị ẹ ka ọ nyị ịhyẹrẹ ẹnịnị dị ộ kụ́ ẹnị hụrẹ Ijipiti va yị Anamọrị ka ẹ wụ ẹnị va ha nị.

Iwe Ọhụhị Imosiisi ana aa hị́ Ọyịvatụrọda 9:23

 nyị ụmẹ ọsa ọnị Ẹnẹyịmavara sị kà a yị wa ka ẹ hụrẹ Ịkẹdẹsị Ibaneya na dọ ẹtẹ ọnị ọnị raà sị yị wa. Ama dị ẹnịnị mẹ akamawụ hi ọda Ẹnẹyịmavara Ohomorihi ẹnịnị nị. Ẹnịnị ẹ yị sị̀ ayị tụra a, dị ẹ yị saasa ịrẹyị anị nị.

Anihiburu 3:16

Ẹnẹ vavọọ wụ́ ọngwẹ Ohomorihi dị ẹ mẹ akamawụ? Aanị ka ẹ yị vị aza oni Imosiisi kụ́ jịnẹ hụrị Ijipiti?

Ijudi 1:16

Aza ẹnẹnị vị anaā rị ihuhu, ẹnịnị ẹ́ yị ma rị dọ irenu. Ịsa odivi ọnị ayị ẹnịnị èe sì kẹnẹ ẹẹ̄ mẹ nị, dị ẹyaa nyị irenu, dị e re yee gono ọza agụvị è re oze dọ ọ ịsa.