Ịrịka 14:19 - IWE ỌNỊNỊ

¹⁹ Ama aarịhịnị ọ vagu ebira odivi aza anị agụvị ụbanyị anị ọnịrị ọyịsị ọnị ọ nyị yị wa. Ọ vagu wa anka ọ mẹ vịdị aa yịị mẹ hụrẹ ụmẹ ọnị ẹ sị hụrẹ Ijipiti.

Ịrịka 14:19 ပူးပေါင်းရင်းမြစ်များ

1 Ohinọyị 8:34

navọ kwogwo we batọ hụrẹ ẹbẹẹba dị wa vagu Anisirẹrị aza awụ agụvị ebira odivi ẹnị ẹ mẹ hi wu. Navọ dị wa kụ́ wa vavẹ ịnị ẹtẹ ọnị ụ sị yi ohiku ẹnịnị.

Ahẹ Ụgama 106:45

Ohomorihi ộ hụ ụvị ẹnịnị tamayị ịrẹyị ọnị ọ kà tịtẹ, dị ọ nyị isuuru yị wa nị agụvị ka ô sì ịrẹyị ẹnịnị ẹtẹẹtẹrẹ.

Ahẹ Ụgama 78:38

Ama Ohomorihi ọ vị vayị ẹnịnị, dị ọ vagu wa ini ebira odivi ẹnị ẹ yaa mẹ nị. Ọ yị wụ̀ avaba ẹnịnị ha. Ụpẹ ọsa ụpẹ ọsa Ohomorihi sii nyị isuuru nị ọ mà zẹẹ ka ọnị ọ̀ kụ́ ayị tù ịzị eyi za a ne tù.

Ahẹ Ụgama 85:2

Wa raà vagu aza awụ ini ebira odivi ẹnị ẹ mẹ, wa raà si eyi hụụnị avaba ịvị ẹnị ẹ rị.

Ọyịkụra 32:32

Aarịhịnị kwogwo, navọ wa vagu wa ini ebira odivi ẹnị ẹ maanị mẹ̀ aanị. Wàa ka wẹ yị vagu wa, ẹwa rẹ kụkụ nyee ịrẹha amị hụụnị iwe ọnị ụ chẹrẹ ịrẹha aza awụ hi.”

Ọyịkụra 33:17

Dị Ẹnẹyịmavara kà a yị Imosiisi dị ọ ka, “Ịsị wàa ka ma mẹ, mị vaa mẹ̀ ẹ, agụvị ka mâ yẹ wụ ẹtẹẹtẹrẹ, di ebira awụ re zee mi eyi nị.”

Ọyịkụra 34:9

Dị ọ ka, “Ananyị mị, aarịhịnị wèe nyị mi iyi navọ wa saasa yị na. Ịzẹyịza aza ẹnẹnị vị anakamawụ, ama navọ wa vagu yị ịnị avaba ebira odivi ọnị yaa mẹ̀ aanị. Navọ wa sị yị mẹ aza awụ.”

Ayịsaya 55:7

Navọ ọza ọhịmị ọ và hụụnị ẹhẹ odivi anị, dị ọza odivi ọ̀ và hụụnị aro odivi anị. Navọ ẹnịnị ẹ̀ và ka Ẹnẹyịmavara vẹ ka ọ vaa vayị ẹnịnị. Ẹnịnị ẹ̀ và ka Ohomorihi ayị vẹ, ka ọ vaa vaa gu wa ẹtẹẹtẹrẹ.

Ịdanịyẹrị 9:19

Ẹnẹyịmavara kwogwo, navọ wa wụ́ ọngwẹ ayị dị wa vagu yị. Ẹnẹyịmavara kwogwo, wụ́ ọngwẹ ayị dị wa hụvị ayị kwẹẹtẹ. Asị ụ kù ụvị dị aza ẹ̀ yẹ́ ka ẹwa vị Ohomorihi nị. Ẹwa nyị Ijerusarẹmị ọnịrị aza ene hi ịnị anị nị ọ.

Emọsị 7:2

Ịjị akụvarịva raa rị avaba avị za ọchị avaba aha, dị Emọsị da ịpẹ yị Ẹnẹyịmavara kà ọ vagu Anisirẹrị nị. Dị ọ ka asị ọ vu wa ẹtẹ ka ẹnịnị ẹ yị nyọya.

Emọsị 7:5

Dị Emosi dá ịpẹ yị Ẹnẹyịmavara ọga isoja ka ọ navọ asị ọ vavọọ mẹ dee. E yị va ahụ vẹ ịrẹma, ẹnaa ha ịnị ẹnị ẹnẹ nyọya aanị.

Ijona 3:10

Ịjị Ohomorihi re ịsị ẹnẹ ẹ mẹ̀, ẹ mẹmẹ ro ịnẹ hụụnị ebira odivi ẹnịnị, dị ọ vaa hụụnị ụya ọnị ọ vịdị ro ka ọnị aa sị rị wa nị. Dị ọ navọ wa nị.

Ijona 4:2

Dị ọ mẹ̀ aduwa hị́ Ẹnẹyịmavara, dị ọ ka; taarụ Ẹnẹyịmavara! Á vị ịsị ọnị ọnị vịdị kà ka ọ vaa mẹ dị ọnị va hụrị ẹkụra anị yịị? Agụvị avọọ ọnị vịdị zwe nọ Itasisii agụvị ka ọnị ọ yẹ ka ẹwụ Ohomorihi vị ọza anaā vayị ọza. Wẹ yị mā hụra kụ ayị, dị ọọ̄ ngwayị ọza ẹtẹẹtẹrẹ, dị ọọ̄ vaa hụụnị ụya ọnị ọ̀ọ ka ọnị a sịị rị ọza nị.

Imika 7:18

Ẹwụ Ohomorihi o, ẹ yị nyị ịsa ọnị ọza zụ si juwe awụ. Aza awụ ana vọ ana mẹ akụvị, dị ẹnịnị rị ịvị awụ Ẹngụ aza ẹnịnị, Ohomorihi, ẹwaa vagu wa. Wẹ mā kụ́ ayị pooro, ẹwụ vi ene eē sì ka wa vayị ọza.

Ihabaku 3:2

Dị ọ ka ọnị ọ wụ́ ịtọpa ịsị ẹbanyị-ẹbanyị ọnị Ẹnẹyịmavara mẹ̀ ịnị ịyẹẹyẹ, di o hi ọnị irenu nị. Dị ọ da ịpẹ ka ọ navọ ọ rẹ mẹ̀ yị ẹnị ịnị ụmẹ ẹnịnị anka ọ mẹẹ mẹ̀ ịyẹẹyẹ, dị ọ sị ụkata anị dọ ẹnịnị tụ́. Aarịhịnị ọ va hụụnị ọyịkụ anị, dị ọ vayị ẹnịnị.

Ịrịka 23:21

Ọnị ẹ yị re odivi a vị akanya ini ẹhẹ ẹnịnị. Ẹnẹyịmavara Ohomorihi ya pe wa; ọnị ọ vị ohinọyị ẹnịnị nị.

Ijemiisi 5:15

Aduwa ana àa mẹ ini oze ka aa sị ayị tụra ịrẹha Ananyị yị, vaa mẹ ọnịkụ ọnọọ ụkụ anị, Ananyị yị vaa sị ọọ kwẹẹtẹ. Àa vị ọ mẹ ịvị nị, Ohomorihi vaa vaagu ọ ịnị anị.