Ịrịka 14:18 - IWE ỌNỊNỊ

¹⁸ Ẹnẹyịmavara ọ mā hụra kụ́ ayị. Oo sì ịrẹyị ọza ẹtẹẹtẹrẹ, dị ọọ̄ vagu avaba ebira ọnịrị akamawụ aza. Ama ọọ̄ sị ụya rị ọza anaa mị ebira odivi nị. Ụya ebira odivi ẹnịnị ọ yị hụrị ịrẹsụ ẹnịnị paa.

Ịrịka 14:18 ပူးပေါင်းရင်းမြစ်များ

Inehemaya 9:17

Ẹnịnị ệ sị ịrẹyị Ohomorihi mẹ̀ iribatọ, di e hí ayị avaba ịvọpa oni Ohomorihi mẹ̀ yị wa nị. Ệ sị akamawụ nyị ọdọvịdị yị ẹngụ ẹnịnị ka ọ̀ kụ́ ẹnị varẹma na vị ọrịhị tụ ẹtẹ Ijipiti. Ama Ohomorihi ọ vị anayamva, dị Ọọ̄ ngwayị ọza nị. Ọnị ọọ̄ mẹ̀ ẹvaguu yị ọza dị ọ̀ yị ma hụra kụ ayị nị. Oō sì ịrẹyị ọza ẹnẹmẹhị. Agụvị avọọ, ẹ yị va ịrẹma ẹnịnị,

Ijoovu 21:19

Ọ kà Izohwa kà Ohomorihi ọ̀ sị ụya aza edivi tẹ ezi ẹnịnị. Ama dị Ijoovu ka a navọ ẹnị ụvọta ẹ̀ rị ụya ẹnịnị agụvị dị ẹ̀ yẹ.

Ahẹ Ụgama 103:8

Ẹnẹyịmavara vị anaā vayị ọza ẹtẹẹtẹrẹ, ọ mā hụra kụ́ ayị, ama oō sì ịrẹyị ọza ẹtẹẹtẹrẹ.

Ahẹ Ụgama 108:4

Wê sì ịrẹyị ọza pooro, avọọ ụ mẹ̀ rẹ nyị ịzẹyịza nị, nyị ịsị ọza sii juwe anị.

Ahẹ Ụgama 109:14

Ẹnẹyịmavara, navọ asị u hi ayị ịvị ọnị ohiku anị mẹ, wa tịị tamayị ịvị anị ọbanyị.

Ahẹ Ụgama 145:8

Ẹnẹyịmavara vị ana aā vayị ọza ẹtẹẹtẹrẹ.

Ahẹ Ụgama 78:38

Ama Ohomorihi ọ vị vayị ẹnịnị, dị ọ vagu wa ini ebira odivi ẹnị ẹ yaa mẹ nị. Ọ yị wụ̀ avaba ẹnịnị ha. Ụpẹ ọsa ụpẹ ọsa Ohomorihi sii nyị isuuru nị ọ mà zẹẹ ka ọnị ọ̀ kụ́ ayị tù ịzị eyi za a ne tù.

Ahẹ Ụgama 86:15

Ẹnẹyịmavara, Ohomorihi anaā vayị ọza ụ vị nị, vị ụụ ngụ ayị ọza nị, wẹ mā hụra kụ́ ayị, wâ nyị ịzẹyịza, avọọ ụ mẹ̀ rẹẹ̄ vayị ọza nị.

Ọyịkụra 20:5

Wẹ yị nyayịnẹ hẹkẹ wa. Ẹma vị Ẹnẹyịmavara ana vị Ohomorihi awụ nị. Me mē sì ka ọza ò sì ịrẹyị amị di ò re kuku ne sì ịrẹyị ori. Ọza ọ̀ọ nyị ịhyẹrẹ amị ịvị ọ mẹ avọọ nị. Maa sị ụya anịị rị ọ ne beri ozi anị ọnịrị aazị anị ne chire ẹmaazị anị.

Ọyịkụra 20:6

Ama ọza ene èe sì ịrẹyị amị, dị ọ jẹẹ pè ọda amị nị, emi re vee sì ịrẹyị ọza ọnọọ ọnịrị ezi ana vana a hụrẹ ịpa anịị vẹ pooro-pooro.

Ijeremaya 23:2

Ẹnẹyịmavara, Ohomorihi Anisirẹrị nịnị aa ka ẹ yị oseratẹmẹ nịnị ana vọrọ ka ẹẹ tẹsị aza anị ka: Wẹ yị tẹsị aza anị nịnị, Wa sị wa gara nịnị: wa raa dụ wa hi ozi nịnị. Booro aanị, ọnị aa vaa sị ụya avaba ebira odivi ọnị ụ mẹẹ rị ụ nịnị.

Ijeremaya 32:18

Ẹwụ ee sị ịrẹyị aza akahị-akahị pooro nị. Ẹ wa rẹẹ sị ụyaa rị aza agụvị ebira odivi aza ana ma wa nị. Waa banyị, dị ụ rẹ nyị ụkata ẹtẹẹtẹrẹ nị. Ẹ waa vị Ẹnẹyịmavara Ochẹtẹẹngụ nị.

Arụwẹ 5:7

Ohiku ayị nịnị ẹ mẹ̀ ebira odivi ama ẹnịnị ẹ yị kụkụ ya ịzọọ, dị ẹyị vaa rị ụya anị aanị nị.

Ijona 4:2

Dị ọ mẹ̀ aduwa hị́ Ẹnẹyịmavara, dị ọ ka; taarụ Ẹnẹyịmavara! Á vị ịsị ọnị ọnị vịdị kà ka ọ vaa mẹ dị ọnị va hụrị ẹkụra anị yịị? Agụvị avọọ ọnị vịdị zwe nọ Itasisii agụvị ka ọnị ọ yẹ ka ẹwụ Ohomorihi vị ọza anaā vayị ọza. Wẹ yị mā hụra kụ ayị, dị ọọ̄ ngwayị ọza ẹtẹẹtẹrẹ, dị ọọ̄ vaa hụụnị ụya ọnị ọ̀ọ ka ọnị a sịị rị ọza nị.

Imika 7:18

Ẹwụ Ohomorihi o, ẹ yị nyị ịsa ọnị ọza zụ si juwe awụ. Aza awụ ana vọ ana mẹ akụvị, dị ẹnịnị rị ịvị awụ Ẹngụ aza ẹnịnị, Ohomorihi, ẹwaa vagu wa. Wẹ mā kụ́ ayị pooro, ẹwụ vi ene eē sì ka wa vayị ọza.

Ịrịka 14:17

Dị Imosiisi da ịpẹ ka ọ navọ ọ sị zụ ka ọnị ọọ̄ ka avọọ mẹ avọọ nị.

Ịrịka 23:21

Ọnị ẹ yị re odivi a vị akanya ini ẹhẹ ẹnịnị. Ẹnẹyịmavara Ohomorihi ya pe wa; ọnị ọ vị ohinọyị ẹnịnị nị.

Aniroomi 5:21

Yê re ka iswọọza ộ sị zụ̀, ịvị mẹmẹ nyị ụkata. Avọọ gẹdẹ-gẹdẹ ị́hị oni Ohomorihi jị yị ọza ọnị mẹ̀ rẹ sị zụ̀, ayamva Ohomorihi ọnị mẹ̀ rẹ nyị ụkata nị. Dị ọ rẹ mẹ ka aza ẹ̀ yàra ị́dị anị pooro zịna-zịna agụvị Ijeesu Ananyị yị Ikirisiti nị.

Iwe Ọhụhị Imosiisi ana aa hị́ Ọyịvatụrọda 5:10

Ama ọza ene èe sì ịrẹyị anị, dị ọ sị ụvọ za ọda anị nị, ọnị re vee sì ịrẹyị ọza ọnọọ ọnịrị ezi ana vana a hụrẹ ịpa anịị vẹ pooro-pooro.

Iwe Ọhụhị Imosiisi ana aa hị́ Ọyịvatụrọda 5:9

ẹ̀ yị mẹ̀ ori agụvị ka Ẹnẹyịmavara ana vị Ohomorihi ẹnịnị vị anaā kụ́ ụhị, Ọza àa nyị anaa maanị mẹ̀ ebira ọnọnị vị ọnị vaa sị ụya anịị rị ọ ne beri ezi ịrẹma-ịrẹma anị nị.

Iwe Ọhụhị Imosiisi ana aa hị́ Ọyịvatụrọda 7:10

Ama Ẹnẹyịmavara ẹ yị zụ mẹ ka ẹ yị sị ụya rị aza ene è yi sì ịrẹyị anị.

Iwe Ọhụhị Imosiisi ana aa hị́ Ọyịvatụrọda 7:9

Tamayị ka Ẹnẹyịmavara Ohomorihi awụ nịnị ọnị ịnya ọ vị ọnịzẹyịza nị. Ọ vaa sị ụvọ za oto ọnị ọ wo, dị aa sị oyisì anị zụ evere awụ ịrẹmị-ịrẹma oze akahị.