Ịrịka 14:14 - IWE ỌNỊNỊ

¹⁴ Anijipiti nịnị ẹ̀ yẹ ka waa sị ẹngụ zụ aza awụ chengede ịnị eguhi ana da jẹẹ ku wa ịrẹsụ. Ụ ya ịnị eguhi ọnọọ tụ ọvịdị aa zụ aza awụ oze. Ịrahụ dị eguhi ọnọọ vara ịra yị wa. Ẹnịnị vaa ka yị anẹkụra ọnọnị ana yẹ ka ụ ya pe aza awụ.

Ịrịka 14:14 ပူးပေါင်းရင်းမြစ်များ

Oyinyima 32:30

Di Ijekọvụ kụkụ aa hị́ ịzọọ Ipeniyeri nị. Ọ kà, “Ọnị ô re Ohomorihi eyi gẹrị eyi, ama ọnị o rè vee sú.”

Inehemaya 9:12

Dị ọ zụ ohiku ẹnịnị oze ịnị ụnọmị nị, ọnị ọ da eguhi jẹ ka ọ̀ zụ wa oze ọọdụ, dị eguhi ọnọọ vị ịra ọbanyị ene eyee sii re ẹtẹẹ zị ụsẹ ịnị ịrahụ nị.

Inehemaya 9:19

Ama Ohomorihiī vayị ọza ẹtẹẹtẹrẹ, dị ọ̀ yị navọ ka è vú ẹtẹ ịnị ụnọmị nị. Eguhi ộ zụ wa oze ọọdụ, dị ịra a sị ẹtohweyi zụ wa ịrahụ nị.

Ahẹ Ụgama 105:39

Di Ohomorihi gana eguhi kú Anisirẹrị, dị ọ sị ịra yị wa ka è sii re ẹtẹ nị.

Ahẹ Ụgama 78:14

Ẹnịnị màa na, Ohomorihi aa si eguhii zụ̀ wa oze ọọdụ, ịrahụ dị ọ hu ịra hụrẹ ẹbẹẹba va yị wa.

Ọyịkụra 15:14

Anẹkụra ệ wụ́ ọ dị ẹgahị sị ngụ wa ẹngụ nị. Angwahi ọ sị ngụ Anihwirisiti nịnị ẹngụ.

Ọyịkụra 33:11

Ẹnẹyịmavara vị anaā kà ịrẹyị yị Imosiisi eyi gẹrị eyi anka ọza ọnịrị ọta anị mẹ̀ẹ kà ịrẹyị avọọ. Di Imosiisi rẹ varẹma nọ udi anị. Ama Ijosuwa ozi Inuni ana vị ozweyi ana aa zị Imosiisi ụtụ ọnị ọ mā hụụnị ajẹngụ ọnọọ.

Ọyịkụra 33:16

Wẹ̀ yị saasa ayị na, aza ana vọ ẹ yị vaa yẹ ka we sì ịrẹyị amị ọnịrị aza awụ ana vọ. Sị ẹ kụkụ vaa sị yị vị irenyii yị ẹyịrị aza ana vọ ene hi ịnị ẹhẹ?”

Ọyịkụra 40:38

Ụmẹ ọọdụ di eguhi Ẹnẹyịmavara yà ịrẹsụ ajẹngụ ọnọọ. Ịrahụ dị a nyị ịra ana yà ini eguhi ọnọọ. Avọọ avaba Anisirẹrị nịnị mè re e pooro ẹ màa na nị.

Ịrịka 10:34

Ẹkụhị-ẹkụhị vị ọnị eguhi Ẹnẹyịmavara ku wa ịrẹsụ ẹ maa zị ụsẹ na.

Ịrịka 12:8

Ẹnẹyịmavara kà ọnịrị Imosiisi vị eneē re ẹngụ, dị ọnị e pe e ka ịrẹyị. Ọnị ọ mā da ịrẹyị gu yị ọ. Ọnị ọ vị ọza ene re ọnị mẹmẹ ya nị. Sị ẹ vẹ dị ẹnịnị e yị hí angwa anị, dị ẹ yaa du ọ?

Ịjọọnụ 1:18

Ẹẹ̀ yị nyị ọza ene re Ohomorihi tụ́ eyi da. Ozi ikonya gene-gene ọnị ọnịrị Ohomorihi vị ọnya, dị ọ gụrị Ada anị ẹtẹẹtẹrẹ ọ kà a zụ̀ yị, Áda anị mẹmẹ yà nị.

Ịjọọnụ 14:9

Dị Ijeesu kà a yọ ka, “Ẹhụ ọnị mị hụrẹ yà pe wu nịnị aanị, wẹ yị yẹ mịị, Ihwiripi? Ọza ene èe re mi, ọ rẹ sị Ada amị re. Sị ẹ vẹ dị ụ kụkụ rẹ ka ma sị Ada amị zụ̀ wụ?

1 Anịkọrịntị 13:12

Ịsa oni yee re booro aanị, vị ana sị mẹẹ ọza òo rere aa zị oze ini ore re ẹtẹ wura-wura avọọ. Ama ẹkụhị ọnya, i vee re wa eyi gẹrị eyi. Booro aanị, ẹ yị nyị ịsị mị zẹẹ yẹ; ama ịhị ọnọọ, mị vaa yẹ wa ẹtẹẹtẹrẹ, anka Óhomorihi ọnị mẹ̀ yẹ mị saka-saka.

Iwe Ọhụhị Imosiisi ana aa hị́ Ọyịvatụrọda 1:19

Ịjị Anisirẹrị nịnị raà mẹ̀ ịsa ọnị Ẹnẹyịmavara Ohomorihi ka yị wa, dị ẹ hụrị ataba Ịhọrẹbị zị oze ịrẹsụ ataba ẹkụra Anamọrị ịnị ẹtẹ vansa ene chire ọza angwa na ngụ Ịkẹdẹsị Ibaneya nị.

Iwe Ọhụhị Imosiisi ana aa hị́ Ọyịvatụrọda 34:10

Ẹ yị vana nyị ọnịsẹ ịnị Isirẹrị anka Imosiisi. Ọnịrị Ẹnẹyịmavara vana gẹ ka ịrẹyị eyi-eyi.

Iwe Ọhụhị Imosiisi ana aa hị́ Ọyịvatụrọda 5:24

Dị ẹ̀ ka, Ẹnẹyịmavara ana vị Ohomorihi ẹnịnị ọ̀ raa zẹ ka eni e re ọ mẹmẹ nyị ụbanyị. Ẹnị ẹ raa wụ́ ọngwẹ hụụnị ịra. Ajịnị eni e ree re ka Ohomorihi ọ̀ zụ pe ọza ka ịrẹyị dị ọ yị su.

Iwe Ọhụhị Imosiisi ana aa hị́ Ọyịvatụrọda 5:4

Ẹnẹyịmavara ô pe ẹwụ nị ụvọta ka ịrẹyị hụụnị ịnị akakana ịra ịnị ataba.

Ijosuwa 5:1

Ịjị avaba ohinọyị Anamọrị nịnị ana ya eyi ịzị ọyị zị na ngụ ẹtẹ ọnịrị ohinọyị Anikenaani nịnị ana ra utenyi Imeditareniya wụ́ ịvọpa ana mẹ dị ivovo za wa nị. Dị ayị ẹnịnị ẹ yị vị gẹ Anisirẹrị nịnị ịrẹkụ nị.

1 Ịjọọnụ 3:2

Ẹwụ nịnị ẹyịnyara amị oni mi sì, booro aanị ya sị vị ezi Ohomorihi; ama yẹẹ̀ yị yẹ ị mẹ vaa yà. Yáa yẹ ka ịhị Ikirisiti ọ̀ọ vavẹ, ị vaa yà anka ọnị mẹ rẹ yà, agụvị ka i vee re gedebee anka ọ mẹ yà.