Ịrịka 14:11 - IWE ỌNỊNỊ

¹¹ Dị Ẹnẹyịmavara kà a yị Imosiisi ka, aanị ka aanị aza ẹnẹnị me vee yi ọnị tịtẹ nị? Avaba ohyozirenu pọpọrọpọ ọnị ọnị mẹ̀ ẹyị ẹnịnị, ẹnịnị ẹ yị yị sị ayị tụra ọnị.

Ịrịka 14:11 ပူးပေါင်းရင်းမြစ်များ

Ahẹ Ụgama 106:24

Dị aza ẹnẹẹ aa sị eyii wụ ẹtẹ ozoza oni Ohomorihi ka ọnị aa sịị yị wa, dị ẹnịnị ẹ̀ yị sị ayị tụra Ohomorihi ka ọ vaa mẹ ịrẹyị ọnị ọ kà nị.

Ahẹ Ụgama 78:22

Iruvo ọ vị ka ẹnịnị ẹ yị sị ayị tụra Ohomorihi, ẹ yị dọ ka ọ zụ dọ ẹnị tụ́.

Ahẹ Ụgama 78:32

Dị avaba ịsa ẹnẹnị maanị mị mẹ aanị, ẹnịnị vị ana aa mịị̄ mẹ̀ ebira odivii hi Ohomorihi. Ẹnịnị ê re avaba ịvọpa ẹnịnị, ama ẹ yị sị sị ayị tụra Ohomorihi.

Ọyịkụra 10:3

Di Imosiisi ọnịrị Eerọnị ne tù Ihwarawo dị ẹ ka Ẹnẹyịmavara ana vị Ohomorihi Anihiburu ka ộ yị va dọ ka ọnị aa ká ẹngụ anịị chi yị ọnị ọgọnị? Di Imosiisi nịnị ka Ẹnẹyịmavara kà ọ̀ hụrẹ aza anị ụvọ dị ẹ na, dị ẹ̀ na hẹkẹ ọnị.

Ọyịkụra 16:28

Dị Ẹnẹyịmavara va hị́ Imosiisi dị ọ ka, “Aanị ka aanị ụ mẹ̀ vaa mẹ akamawụ nịnị pooro di ụ wẹ yị jẹẹ pè ọda amị ọnịrị ịrẹyị ọnị mị kà wụ nịnị nị?

Ọyịkụra 23:21

Sị ụtọ pè e dị waa wụ́ ịrẹyị anị nịnị. Asị ụ na kụ̀ hịrẹ ẹ nịnị. Wàa na kụ̀ hịrẹ ẹ nịnị, ọ yị vaa vàa hụụnị anị, agụvị ka ẹma tụ̀ ọ nị.

Ọyịkụra 32:9

Dị Ẹnẹyịmavara rẹ kà a yị Imosiisi dị ọ ka ọnị ọ ra à zama aza ẹnẹẹ re, ọnị ọ sị yẹ ka anakamawụ ẹ vị nị. Dị ọ ka:

Ụhịrẹyị 1:22

Ẹwụ nịnị ọnụra tee! ịzị ụ vaa mẹ ụra nee tu nịnị? Ịhị eyi awụ nịnị vee hweyi? Ịzị ụ vaa ka ọsọọsa nee tụ nịnị?

Ijeremaya 13:10

Ọ kà aza edivi ẹnẹnị ê yi ka ẹnị ẹ yị saasa ịrẹyị anị. Ayị ẹnịnị ộ katẹngụ, dị ẹ vị ẹnịrị ebira odivi nị. Ẹnịnị ẹ naa tanaa tụra ẹtẹ yị ori nịnị, dị ẹ yaa hẹkẹ wa nị. Agụvị avọọ, ẹnịnị vị ana vaa sị mẹ̀ ẹ anka ụbaja anaā sịị sụ́ ọtẹ ẹnẹ ẹ yị nyị ịsị ọkụkụ rụra mẹ aanị.

Ijeremaya 4:14

Ẹwụ nịnị Anijerusarẹmị, hụụnị ebira odivi awụ nịnị dị wa ha. Ịzị ụ maanị vaa sị ịrẹyị odivi tụ ịnị ayị nee tu nịnị?

Ezikẹẹrị 20:13

Ama Anisirẹrị nịnị ệ kụ̀ hịrẹ ọnị ịnị ụnọmị ịzọọ. Ẹnịnị ê yị́ ịrẹyị ọnị ọnị kà yị wa tịtẹ; ẹ́ yị saasa ọda anị, ọda ẹnẹnị ọza àaa saasa, dị ọ yara nị. Dị ẹnịnị nyayịnẹ â mẹ kẹnẹ-kẹnẹ ẹkụhị ụhwọtụ anị nị. Dị ọnị vee roo ka ọnị ọ̀ sị ọyịkụ anị zụ̀ wa ịnị ụnọmị ịzọọ, dị ọnị ò vú wa ẹtẹ saka-saka nị.

Ihoseya 8:5

Ẹnẹyịmavara kà tee ẹwụnị Anịsamarịya! Yere ụmẹ ọnị ụ vaa sị rị ịhị nịnị? Ọ kà ọnị aa kụ́ ayị hi wa agụvị ọchị ọnị ệ bẹ anka ụnọ ọnị ẹ sị mẹ̀ ori ẹnịnị.

Ịzakaraya 8:14

Ẹnẹyịmavara Ochẹtẹẹngụ kà ụmẹ ọnị ohiku ẹnịnị du ọnị ayị, ọnị sị ụya rị wa anka ọnị mẹ mẹ eto anị nị. Ọnị ẹ yị vara ayị anị,

Ịrịka 14:23

Ẹnịnị ẹ yị vee re ẹtẹ ọnị ọnị hị́ eku anị yị ohiku ẹnịnị. Ẹ yị vaa nyị ọza ana sị eyi wụ ọnị ana vaa ngụ ịzọọ.

Ịrịka 14:27

Ụpẹ ịrịka ya aza edivi ẹnịnị va sị rị uhuhu hi ọnị kẹ? Ụtọ anị o si hi yị ịrẹka ọnị ẹ yaa kụ́ ku ọnị.

Ịrịka 32:10

Dị ayị kụ́ Ẹnẹyịmavara ịhị ọnọọ, dị ọ hị́ eku ka,

Imatiwu 17:17

Dị Ijeesu tụ́ ohi, dị ọ ka, “Sị ẹ vẹ dị ẹwụ nịnị anụmẹ ọnọnị ẹ̀ yị dọ wụ́, dị ụ maanị nyeeyi nịnị aanị? Ịzị mị vaa yàa pe wu nịnị nee tù? Ịzị mị vaa sị ẹngụụ dọ ịrẹyị awụ nịnị nee tù? Sị ọọ ve tù mi ịzẹnị!”

Ịmaakị 9:19

Dị Ijeesu ka, “Sị ẹ vẹ dị ẹwụ nịnị anụmẹ ọgọnị ọ̀ yị dọ wụ́ vụrụ-vụrụ aanị? M mẹmẹ kụkụ vaa yà ịdị awụ nịnị kùu hu aanị? Ịzị mị vaa sị ẹngụụ dọ ịrẹyị awụ nịnị nee tù? Sị ozi ọnọọ vẹ!”

Ịjọọnụ 10:38

Ama àa vị ụkọrọ Ada amị m maa mẹ̀ nị, wàa daka ka wẹ yị yaanị dọ mị wụ́ nịnị, â vọrọ ka wa dọ mị wụ́ nịnị agụvị ụkọrọ ẹbanyị-ẹbanyị ọnị maa mẹ̀. Ọnị ọ vaa mẹ ka wa yẹ pooro nịnị ka ẹmịrị Ada amị vị ọnya, ẹmịrị Ada amị ọ rẹ vabẹ.”

Ịjọọnụ 12:37

Ijeesu ộ mị mẹ̀ ụkọrọ apọtẹrẹwa ọrụrụ-ọrụrụ éyi aza, ama ẹnịnị ẹ yị sị ayị tụra a.

Ịjọọnụ 15:24

Ụkọrọ ẹbanyị-ẹbanyị ọnị mị mẹ ịnị akakana ẹnịnị, ẹ̀ yị nyị ọza ana vavọọ mẹẹ da; mẹ̀ yị yaanị mẹ ẹngụ ụkọrọ ẹnẹẹ, ẹ yị yaanị rị ịvị. Ama ẹ sị ụkọrọ ẹnẹẹ re, ẹ nyị nyị ịhyẹrẹ amị ọnịrị Ada amị bẹẹ.

Iwe Ọhụhị Imosiisi ana aa hị́ Ọyịvatụrọda 1:32

Ama ẹnịnị ẹ yị sị ayị tụra Ẹnẹyịmavara, Ohomorihi ẹnịnị.

Anihiburu 3:16

Ẹnẹ vavọọ wụ́ ọngwẹ Ohomorihi dị ẹ mẹ akamawụ? Aanị ka ẹ yị vị aza oni Imosiisi kụ́ jịnẹ hụrị Ijipiti?

Anihiburu 3:18

Ene Ohomorihi rẹ hị́ eku ka ẹ yị vaa ngụ ịdị anị vaa tụ́? Aza ẹnẹ ẹ̀ yị rẹ sị ayị tụraa yọ nị.

Anihiburu 3:8

asị ụ na mẹ ayọkatẹngụ nịnị anka óhiku awụ nịnị mẹ̀ mẹ ịnị ụmẹ ẹnẹ ẹ sị mẹ akamawụ hi Ohomorihi ịnị ụnọmị. Ẹnịnị ẹ rẹ zama a re.