Ịrịka 13:29 - IWE ỌNỊNỊ

²⁹ Anamarẹkị nịnị vị ana ra Ịnẹgẹvị, dị Anihiti nịnị ọnịrị Anijebusi nịnị ne beri Anamọrị nịnị vị ana ra ịrẹsụ ataba. Anikenaani vị ana ra utenyi Òkū Imeditareniya ọnịrị ụtụtọ irehi Ijodani.

Ịrịka 13:29 ပူးပေါင်းရင်းမြစ်များ

Oyinyima 14:7

Dị ẹ vavọọ vavẹ dị ẹ va ngụ Enisipati ana aā hị́ Ikadesi, dị ẹ vavọọ rị ẹtẹ Anamarẹkị ọnịrị Anamọrị ana ra hi Ihazazoni Ịtama.

Inehemaya 9:8

Ẹ ka Ohomorihi ô re ka aa mẹ ịzẹyịzaa hi ọnị, dị o wo otoo yị ọ ka ọnị vaa sị ẹtẹ Anikenaani, Anihiti, Anamọrị, Aniperizi, Anijebusi ọnịrị Anigirigasi yị ezi anị nị. Ohomorihi ộ vavọọ mẹ̀ agụvị ka ọnịzẹyịza ọ vị nị.

Ahẹ Ụgama 83:7

Anigebari, Anamọnị ọnịrị Anamarẹkị yà ịnị ẹnịnị. Ẹnị ana vọ ẹ vị Anihwirisiti ya, ne beri anẹkụra Ịtaya.

Ọyịkụra 3:17

Ọ kà ọnị ọ sị ọ kà ka ẹ yị nyị ịsị ẹẹ̄ mẹ ka, ka ọnị ọ yị kụ́ wa hụụnị ụya ana aa sịị rị wa ịnị ẹtẹ Ijipiti. Ọ kà ọnị aa kụ́ wa nọ ịnị ẹtẹ Ikanaani. Ịzọọ Anihiti ọnịrị Anamọrị ne beri Aniperizi ọnịrị Anihivi beri Anijebusi ra hi aanị nị. Ọ kà ẹtẹ ọnọọ ộ nyị avị ana vọrọ ka ịsụpa ọ̀ rị, avọọ ọ mẹ rẹ zụ mẹ̀ ịsa nị.

Ọyịkụra 3:8

Ọ kà ọnị o reè chi vẹ ka ọnị ọ vaa dọ waa ha hụụnị ụvọ Anijipiti nịnị. Ọ kà ọnị aa kụ́ waa hụụnị ẹtẹ ọnọọ dị ọnị ọ̀ kụ́ wa nọ ịnị ẹtẹ Ikanaani. Ẹtẹ Ikanaani ô zoza ẹtẹẹtẹrẹ. Ộ nyị avị ana vọrọ ka ịsụpa ẹ̀ rị, avọọ ọ mẹ̀ rẹ zụ mẹ̀ ịsa nị. Aza ana vịdị ra hi Ikanaani ẹ vị Anihiti, Anamọrị, Aniperizi ọnịrị Anihivi ne beri Anijebusi.

Ịrịka 13:17

Imosiisi mèe tụ́ wa ka e ne re Ikanaani, ô ka yị wa ka ẹ zị oze Ịnẹgẹvị na zị oze ịnị ataba.

Ịrịka 13:30

Dị Ịkarẹbị mẹ̀ ka aza anaa rị uhuhu hi Imosiisi e ku irenu ẹnịnị nị. Dị ọ ka, a vẹ ẹnịnị ẹ na dọ ẹtẹ ọnọọ booro aanị. Ẹnị ẹ zụ huuna wa.

Ịrịka 14:25

Ẹnẹyịmavara kà ẹ vara eyi asị ẹ nọ ịzị Anamarẹkị ọnịrị Anikenaani ya. Ụhwọọ, ẹ̀ na ịnị ụnọmị ana va eyi ka okuha ịkẹ.

Ịrịka 14:43

Ẹnịrị Anamarẹkị ọnịrị Anikenaani nịnị ẹ̀ẹ gẹ ẹ yaa sị ụ̀hwọ̀ wụ̀ wa ha nị. Ẹnẹyịmavara ọ ra va ịrẹma ẹnịnị agụvị ka ẹnịnị e re yi ọ tịtẹ.

Ịrịka 14:45

Dị Anamarẹkị ọnịrị Anikenaani nịnị ene hi ịrẹsụ ataba chi vẹ vaa rị wa dị dụ wa huu va ngụ ẹkụra ana aa hị́ Ịhọma nị.

Ịrịka 24:20

Ịbaraamị o re re ịsị e vee tu Anamarẹkị. Ọ kà, ẹnịnị ẹ́ nyị ụkata hu anẹkụra ana vọ nị, ama ịrẹma anị vị ọnị e vee vú ẹtẹ saka-saka hụrẹ ẹtẹ.

Iwe Ọhụhị Imosiisi ana aa hị́ Ọyịvatụrọda 20:17

Ẹnịnị e vu avaba aza ene hi ịnị ẹkụra ẹnẹẹ, ọ vị Anihiti, Anamọrị, Anikenaani, Aniperizi, Anihivi, ọ vị Anijebusi, ẹnịnị ẹ saasa ọda Ẹnẹyịmavara.

Iwe Ọhụhị Imosiisi ana aa hị́ Ọyịvatụrọda 7:1

“Imosiisi ka, Ẹnẹyịmavara Ohomorihi ẹnịnị vaa sị wa na ngụ ịnị ẹtẹ ana vaa vị ẹnịnị. Ọ vaa dụ anẹkụra ọrụrụ-ọrụrụ ana ra ịzọọ jịnẹ kwooze yị wa. Eyi ẹnịnị ọ vaa dụ Anẹkụra ẹbanyị-ẹbanyị ana nyị ụkata huna wa ịhịmba. Anẹkụra ẹnẹẹ ẹ vị Anihiti, Anigirigasi, Anamọrị, Anikenaani, Aniperizi, ọnịrị Anihivi ne beri Anijebusi.

Ijosuwa 10:5

Dị ohinọyị ẹyịịhị ẹnẹẹ kụ isoja ẹnịnị vabẹ dị ẹ nọ ịrẹkụ Anigibiyọnị nịnị nị.

Ijosuwa 10:6

Adonizedeki me re wa kẹnẹ, ô tụ́ ụtụ eyiha-eyiha ne tu Ijosuwa Ígirigari ịzị e hi nị. Dị ọ da ịpẹ ka Ijosuwa ọ va dọ ẹnị ha hụụnị ụvọ ohinọyị Anamọrị ẹẹhị ana gẹ tu ọnị aanị. Dị ọ ka Ijosuwa ọ navọ asị ụhị nyị ẹnị ana vị Ezi ahụ anị aanị. Aarịhịnị ụsẹ ọ hụụ ọ ịra.

Ijosuwa 3:10

Ọ kà ọnị vaa sị wa nyị ẹbẹẹba Anikenaani, Anihiti, Anihivi, Aniperizi, Anigirigasi ọnịrị Anamọrị ne beri Anijebusi. Ịjị ọnị ọ̀ ra dụ anẹkụra ẹnẹẹ jịnẹ yị wa ẹnịnị vaa yẹ ka Ohomorihi ana yara ya pe Ijosuwa.

Ijosuwa 5:1

Ịjị avaba ohinọyị Anamọrị nịnị ana ya eyi ịzị ọyị zị na ngụ ẹtẹ ọnịrị ohinọyị Anikenaani nịnị ana ra utenyi Imeditareniya wụ́ ịvọpa ana mẹ dị ivovo za wa nị. Dị ayị ẹnịnị ẹ yị vị gẹ Anisirẹrị nịnị ịrẹkụ nị.

Ijosuwa 9:1

Ịnị ụmẹ ọnọọ avaba ohinọyị anẹkụra nịnị ene hi ịrẹsụ ataba ọnịrị iruvo ataba akẹnẹ irehu Ijodani nịnị ệ wụ́ ọ Ijosuwa mẹmẹ aa nyị ehuna. Ẹkụra ẹnẹẹ ẹ vị Anihiti, Anamọrị, Anikenaani, Aniperi, Anihivi ọnịrị Anijebusi.

Ọdọvịdị 3:5

Avọọ Anisirẹrị nịnị mẹ ra ịnị akakana Anikenaani, Anihiti, Anamọrị, Aniperizi, Anihivi ọnịrị Anijebusi nịnị nị.

Ọdọvịdị 6:3

Ụmẹ ọnị Anisirẹrị nịnị ẹ̀ẹ sị chire ịsa tụ ịnị aarẹ, dị Animidiya beri Anamarẹkị ẹnịrị anẹkụra nịnị ene hi eyi ịzị ọyịị̄ vẹ rẹ kụ ịrẹkụ tu wa.

1 Ịsamụwẹrị 14:48

Ịsọọrụ ộ kụ̀ ịrẹkụ anka ọmụha, di o huna Anamarẹkị nịnị nị. Dị ọ dọ Anisirẹrị hụụnị ụvọ aza ana vịdị aa gara waa ha nị.

1 Ịsamụwẹrị 27:8

Ẹkụhị ọnya di Idevidi ọnịrị Igirizite ne beri Amarẹkị nị. Dị ẹ kụ́ ogu hụụ ịzọọ nị. Ịnị ịyẹẹyẹ, aza ẹnẹẹ vị ana ra na ngụ ịnị ẹtẹ Isuri ọnịrị Ijipiti.

1 Ịsamụwẹrị 30:1

Idevidi ọnịrị aza anị mẹ̀ varẹma aa nọ Izikiragi, dị ahịka ịhyẹgwẹta anị ẹ na ngụ nị. E ne tù ka Anamarẹkị ẹ raà kụ́ ịrẹkụ na rị Ịnẹgẹvị ọnịrị Izikiragi. Izikiragi vi ene e du, dị ẹ rị ọ ịra za ẹtẹ.

1 Ịsamụwẹrị 7:14

Ẹkụra Ekironi na ngụ Igati ana Anihwirisiti nịnị vịdị dọ hụụnị ụvọ Anisirẹrị vị ẹnẹ ẹ varẹma yị Anisirẹrị. Dị Anisirẹrị rẹ dọ ẹkụra ana kara ẹkụra ẹnẹẹ hụụnị ụvọ Anihwirisiti nịnị nị. Anisirẹrị ẹnịrị Anamọrị ệ za ụvọ jẹẹ ịnị ịrẹkụ.