Ịrịka 13:28 - IWE ỌNỊNỊ

²⁸ Ama aza ene hi ịzọọ ẹ̀ nyị ụkata. Ẹkụra ẹnịnị ọ́ banyị dị ẹ jị ọvọ kara wa nị. Ẹnị ê re evere Anaki ịzọọ.

Ịrịka 13:28 ပူးပေါင်းရင်းမြစ်များ

2 Ịsamụwẹrị 21:16

 nyị ọnọrụ ọnya aanị ana aā hị́ Isibi-Ibenobi ọnya ịnị ịpa aza ana hụ ẹtẹẹtẹrẹ ọ vị nị. Ọha anị ộ rata ẹnẹmẹhị, ộ gụ ikirogirami ẹẹta rị ẹjịjị. Enyusẹ ana aā hị́ ibironzi a sị mẹ̀ ẹ nị. Ộ hara ụhwọ ọwọọwa, dị ọ ka ọnị aa wụ Idevidi nị.

Ịrịka 13:33

Ẹnẹ é re evere Inehurimi ezi Anaki. Anisirẹrị nịnị sị mẹẹ anka ịchaacha ọvịdị ẹnịnị avọọ nị. Avọọ ẹnịị mee re Anisirẹrị nịnị nị.

Iwe Ọhụhị Imosiisi ana aa hị́ Ọyịvatụrọda 1:28

Ịzị Imosiisi ka ẹnị ẹ nọ daa! Aza ene re ẹtẹ ọnọọ ka ajịmasị anọrụ ana a hị́ Anakimi e hi ẹkụra ẹnẹẹ nị. Ẹkụra ẹnịnị vana jị ọvọ ana gọdọ na ka ihinẹba kara ẹkụra ẹnịnị.

Iwe Ọhụhị Imosiisi ana aa hị́ Ọyịvatụrọda 2:21

Aza ẹnẹẹ ẹ̀ kata, dị ẹ rụrụ, dị ẹ hụ bahị-bahị anka evere Anakimi avọọ. Ẹnẹyịmavara ọ̀ vịdị vu wa ẹtẹ, dị Anisirẹrị va sị ịzọọ mẹ ẹtẹ ẹnịnị nị.

Iwe Ọhụhị Imosiisi ana aa hị́ Ọyịvatụrọda 3:5

Ẹnịnị ẹ̀ rị avaba ẹkụra ọbanyị-ọbanyị ẹnịnị ana aa jị ọvọ ana nẹba kara, ana sị a sị ọvọrịvọ enyusẹ za wa ịrẹma oze ẹkụra anị. Avọọ ẹ̀ mẹ rẹ rị ẹkụra eweyi-eweyi ọnị ọza ẹ yị jị ọvọ kara nị.

Ijosuwa 11:22

Ẹ yị nyị Anakimi ana vọ ẹtẹ tịtẹ ịnị avaba ẹtẹ Isirẹrị. Aza chee ẹnịnị ana vọ vị ana ra Igaza, ọnịrị Igati, beri Asidodi.

Ijosuwa 14:12

Dị ọ ka Ijosuwa ọ sị ẹtẹ ịrẹsụ ataba ọnị Ẹnẹyịmavara kà ọ vị anị yị ọnị, Ẹnẹyịmavara vaa gụ ọnị ụvọ dị ọ dọ aza ene hi ịzọọ ẹtẹ anka o me wo oto yị ọnị. Dị ọ ka aa vị eyi Ijosuwa aza ana vọ e juwe ajịmasị ana ra hi ịnị ẹkụra ẹbanyị-ẹbanyị ana jị ọvọ kara.

Ijosuwa 15:14

Ịkarẹbị ộ dụ ezi Anaki nịnị hụụ ịzọọ. Abara ezi Anaki ẹnẹẹ ẹ rị Isesayi, Ahimanị, ọnịrị Itarimayi nị.

Ọdọvịdị 1:20

Ẹkụra Ihebirọnị vị ana a sị yị Ịkarẹbị anka Imosiisi mẹ̀ vịdị kà a. Dị Ịkarẹbị dụ aza ana vị evere ezi Anaki ẹyịta hụụnị ẹtẹ ọnọọ nị.