Ịrịka 13:27 - IWE ỌNỊNỊ

²⁷ Ệ ka ẹnị ẹ̀ nọ ịzị a tụ ẹnị. Ẹtẹ ize ịzọọ vị nị. Dị ẹ sị ẹtụtụ ịsa ịnị aarẹ ịzọọ zụ wa nị.

Ịrịka 13:27 ပူးပေါင်းရင်းမြစ်များ

Inehemaya 9:25

Ẹnịnị ệ dọ ẹkụra ọrụrụ-ọrụrụ ana a jị ọvọ kara, ẹtẹ ozoza-ozoza ẹnịnị, avaba irehi ẹnịnị ọnịrị avaba ogu ene hi ini irehi ẹnẹẹ, iruku enyi nini, ụbazị ịvayịnị nịnị ọnịrị ọchị orivi neberi ọchị anaā tụ ẹtụtụ nịnị. Avaba ịsa ene ze wa eyi kẹnẹ ẹ yaa rị, dị ẹ ta banyị kẹkẹrẹkẹ nị. Ẹnịnị vị anaa mẹrị ịsa ọyịza-ọyịza ọnị ụ mẹ yị wa.

Ọyịkụra 13:5

Dị ọ rẹ ka ịhị ẹẹ na sị ngụ ẹtẹ Ikanaani ọnị ọnị Ẹnẹyịmavara kà a yi ohiku ẹnịnị ka ẹ yị zụ nyị ka ọnị ọ yị sị yị wa, dị ẹ̀ẹ tamayị ẹkụhị ọnọọ. Dị ọ ka aza ana vịdị ra hi ịnị ẹtẹ Ikanaani ẹ vị Anihiti, Anamọrị, Anihivi ọnịrị Anijebusi. Ọ rẹ ka ẹtẹ Ikanaani ô zoza ẹtẹẹtẹrẹ, ka ộ nyị avị ana vọrọ ka ịsụpa ẹ̀ rị, avọọ ọ mẹ̀ rẹ zụ mẹ̀ ịsa nị.

Ọyịkụra 3:17

Ọ kà ọnị ọ sị ọ kà ka ẹ yị nyị ịsị ẹẹ̄ mẹ ka, ka ọnị ọ yị kụ́ wa hụụnị ụya ana aa sịị rị wa ịnị ẹtẹ Ijipiti. Ọ kà ọnị aa kụ́ wa nọ ịnị ẹtẹ Ikanaani. Ịzọọ Anihiti ọnịrị Anamọrị ne beri Aniperizi ọnịrị Anihivi beri Anijebusi ra hi aanị nị. Ọ kà ẹtẹ ọnọọ ộ nyị avị ana vọrọ ka ịsụpa ọ̀ rị, avọọ ọ mẹ rẹ zụ mẹ̀ ịsa nị.

Ọyịkụra 3:8

Ọ kà ọnị o reè chi vẹ ka ọnị ọ vaa dọ waa ha hụụnị ụvọ Anijipiti nịnị. Ọ kà ọnị aa kụ́ waa hụụnị ẹtẹ ọnọọ dị ọnị ọ̀ kụ́ wa nọ ịnị ẹtẹ Ikanaani. Ẹtẹ Ikanaani ô zoza ẹtẹẹtẹrẹ. Ộ nyị avị ana vọrọ ka ịsụpa ẹ̀ rị, avọọ ọ mẹ̀ rẹ zụ mẹ̀ ịsa nị. Aza ana vịdị ra hi Ikanaani ẹ vị Anihiti, Anamọrị, Aniperizi ọnịrị Anihivi ne beri Anijebusi.

Ọyịkụra 33:3

Ọ kà ẹ̀ nọ ịnị ẹtẹ ọnọọ ene zoza ẹtẹẹtẹrẹ, dị ọ nyị avị ana vọrọ ka ịsụpa ọ̀ rị dị ọ rẹ zụ mẹ̀ ịsa. Ẹnẹyịmavara kà ọnị ụvọta ọ yị vaa saasa wa agụvị ka ẹ sị vị anakamawụ. Ọ kà ọnị ọ̀ọ saasa wa, ọnị ọ nyayịnẹ wụ̀ wa va ha ózee.

Ijeremaya 11:5

Ọ kà ịjị ọnọọ, ọnị vaa mẹ ịsị ọnị hị́ eku anị yị ohiku ẹnịnị, ka ọnị vaa sị ẹtẹ ịzị ịsụpa ẹnịnị ọnịrị ịsa ịnị aarẹ ẹnịnị vaa ha dị ẹ yaa mẹ ẹtẹẹtẹrẹ yị wa. Ẹtẹ ọnọọ ẹnịnị yà ịnị aanị nị. Dị Ijeremaya tụ́ ohi ka, Ẹnẹyịmavara, ọ̀ vavọọ ya (aamị).

Ijeremaya 32:22

Wâ sị ẹtẹ ozoza, ẹtẹ ize ọnọnị yị Anisirẹrị anka ụ mẹ hị́ eku anị yị ohiku ẹnịnị ka ụ vaa mẹ.

Ezikẹẹrị 20:15

Ama dị ọnị hị́ eku ka ọnị ẹ́ yị kụkụ vaa kụ wa naa ngụ ẹkụra ọnị vịdị sị yị wa nị ẹtẹ ọyịza-ọyịza ọnị ịsa gwẹtẹ hi ịnị anị. Ẹtẹ ọnọọ o zoza hu avaba ẹtẹ ana vọ nị.

Ezikẹẹrị 20:6

Ụmẹ ọnọọ ọnị sị kà a yị wa ka ọnị vaa kụ waa hụrị ẹtẹ Ijipiti, dị ọnị kụ wa ne hi ẹtẹ ọnya ọnị ọnị raa nyị tịtẹ yị wa ẹtẹ ọyịza-ọyịza ọnị ịsa gwẹtẹ ịnị anị. Ẹtẹ ọnọọ o zoza hu avaba ẹtẹ ana vọ nị.

Ireevi 20:24

Ama ọnị ọ sị kà yị Anisirẹrị nịnị ka, ẹnị ẹ vanaa nyị ẹtẹ anẹkụra ẹnẹẹ nị. Ọnị vaa sị mẹ oguu yị wa. Ẹtẹ ọnọọ vị ẹtẹ ịzị Imiriiki ọnịrị ẹhụ gwẹtẹ kẹnẹ. Ọnị ọ vị Ẹnẹyịmavara Ohomorihi ẹnịnị ana nyị wa tụ irenyi yị aza ana vọ nị.

Ịrịka 14:7

Dị ẹ ka yị ịragụ Anisirẹrị nịnị ka ẹtẹ ọnị ẹnị ne ree vị aha ọyịza.

Ịrịka 14:8

Ayị Ẹnẹyịmavara òo hine tu ẹnị, ọ va sị ẹnị na ngụ ịzọọ ẹngwọọrọ, dị ọ sị ẹtẹ ọnọọ yị ẹnị. Ịzọọ vị ẹtẹ ozoza, ẹtẹ ize.

Ịrịka 16:13

Dị ẹ ka aanịka ịrẹyị oweyi ọ vị ka Imosiisi ộ kụ ẹnị hụrị ẹtẹ ozoza na ngụ ịnị ụnọmị ka ẹnị e su va ha nị. Booro aanị, di ee si ka ọnị ọ mẹ ọga tụra ẹnị ịrẹsụ.

Ịrịka 16:14

Ệ kà ụkụ eyi ọ vị nị ka Imosiisi ọ yị vaa zụ kụ ẹnị na ngụ ẹtẹ aha, a vị dị ọ sị ẹtẹ ụbazị ịvayịnị yị ẹnị. Ẹnị ẹ yị nee tu Imosiisi agụvị ka Imosiisi è vene ẹnị nị.

Iwe Ọhụhị Imosiisi ana aa hị́ Ọyịvatụrọda 11:9

ọnị Ẹnẹyịmavara hị́ eku anị yị ohiku ẹnịnị ọnịrị ezi anị ka ẹ vaa ra a gọdọ. Ẹtẹ ọnọọ oo zoza ẹtẹẹtẹrẹ.

Iwe Ọhụhị Imosiisi ana aa hị́ Ọyịvatụrọda 26:9

Ộ sị yị vẹ ịzẹnị, dị ọ sị ẹtẹ ozoza ọnọnị yị nị.

Iwe Ọhụhị Imosiisi ana aa hị́ Ọyịvatụrọda 27:3

dị ẹ chẹrẹ avaba ọda ẹnẹnị hi ini anị. Ịjị wàa sị ngụ ịnị ẹtẹ ozoza ọnị Ẹnẹyịmavara Ohomorihi ohiku ẹnịnị wo oto anị yị wụ nịnị.

Iwe Ọhụhị Imosiisi ana aa hị́ Ọyịvatụrọda 31:20

Ẹnẹyịmavara kà ọnị vaa kụ́ wa nọ ịnị ẹtẹ ozoza ọnị ọnị wo oto anị yị ohiku ẹnịnị. Ịzọọ ẹ vaa nyị avaba ịsọyịrị ọnị e yee si. Ẹ vaa ra ẹhẹ ana rọ wa ẹngụ. Ama ẹ vaa sị eyi wụ́ ọnị, di e yi oto ọnị ọnịrị wa mẹ̀, dị ẹ varẹma na hẹkẹ ori nịnị.

Iwe Ọhụhị Imosiisi ana aa hị́ Ọyịvatụrọda 6:3

Batọ, wàa sị vụrị dị u saasa ọda ọnọọ nị, ẹhẹ awụ e zoza, dị wáa yara ịnị ẹtẹ ozoza ọnị Ẹnẹyịmavara ana vị Ohomorihi ohiku awụ nịnị hị́ eku anị yị wa.

Ijosuwa 5:6

Anisirẹrị nịnị vị ana ngụ ụnọmị zịịzị ịrayị ẹbẹẹva dị avaba anọrụ ana hụ̀ ọ tu ịrẹkụ ana hụrẹ Ijipiti su ha ịnị ụnọmị. Ẹnịnị ẹ yị rẹ va zụ ngụ ẹtẹ ọyịza ọyịza ọnị Ẹnẹyịmavara kà ọnị aa sị yị wa agụvị akamawụ ẹngụ ẹnịnị.