Ịrịka 13:26 - IWE ỌNỊNỊ

²⁶ Ẹnịnị vị ene ve tu Imosiisi ọnịrị Eerọnị ne beri ịragụ Anisirẹrị Íkadesi ịnị ụnọmị Ịparanị. É kà enube, dị ẹ kụ ẹtụtụ ọchị ẹnẹ ha hụụnị ẹtẹ ịzọọ va zụ wa nị.

Ịrịka 13:26 ပူးပေါင်းရင်းမြစ်များ

Oyinyima 14:7

Dị ẹ vavọọ vavẹ dị ẹ va ngụ Enisipati ana aā hị́ Ikadesi, dị ẹ vavọọ rị ẹtẹ Anamarẹkị ọnịrị Anamọrị ana ra hi Ihazazoni Ịtama.

Ahẹ Ụgama 29:8

Ọ mẹ̀ vavọọ kà ịrẹyị, dị avaba ụnọmị Ikadesi ee zizi nị.

Ịrịka 13:25

Ịhị ẹ tụ ọ ẹkụhị ẹbẹẹva ọnị aza ene ne re ẹtẹ Ikanaani ẹ vavẹ va kà ụtụ nị.

Ịrịka 13:3

Dị Imosiisi tụ́ anọrụ ẹnẹẹ hụụ ịnị ụnọmị Ịparanị anka Ẹnẹyịmavara mẹ mẹ̀ ọda yọ nị. Avaba ẹnịnị vị ọdọvịdị Anisirẹrị.

Ịrịka 20:1

Ịnị ụhwẹ ịpaapa ọnị avaba Anisirẹrị nịnị na ngụ ịnị ụnọmị ẹtẹ Izini, ẹ̀ ka ahụ jẹẹ ịzị aaā hị́ Ikadesi. Ịzọọ Imeriyamị ya su, di e ne e nị.

Ịrịka 20:14

Dị Anisirẹrị nịnị va hụrị Ikadesi, Imosiisi tụ́ aza ne tụ́ ohinọyị Anedomi ka, ẹnị Anisirẹrị ẹnị ẹnịrị wa vị ezi ẹyịnyara avọọ, ẹ tụ́ ve tụ́ wa nị. Ẹnịnị ẹ yẹ akanya ọnị ẹnị yaa ịnị anị booro aanị.

Ịrịka 20:16

Ịjị ụya sị hụ ẹnị, dị ẹnị nowu na za Ẹnẹyịmavara, dị ọ wụ́ orere ẹnịnị, dị ọ tụ́ anggẹẹrị anị ana kụ ẹnị jịnẹ hụrị ẹtẹ Ijipiti nị. Booro aanị ẹnị ya ịzị aa hị́ Ikadesi ẹhụ ẹgẹ ẹtẹ ẹnịnị.

Ịrịka 32:8

Dị Imosiisi kà a, ẹngụ ebira ọnị ohiku ẹnịnị mẹ̀ dị ọnị sị tụ́ aza hụrị Ịkẹdẹsị Ibaneya ka ene re ẹtẹ va ka yị wa yị.

Ịrịka 32:9

Dị aza ẹnẹẹ na na ngụ inozi Esikori dị e re ẹtẹ nị. Dị ẹnịnị ve chire Anisirẹrị ana vọ angwa ka asị ẹ ngụ ẹtẹ ọnị Ẹnẹyịmavara raà sị yị wa nị.

Ịrịka 33:36

Dị ẹ hụrị Eziyọnị-Igeberi na jị udi tụ́ Ikadesi ịnị ụnọmị Izini.

Iwe Ọhụhị Imosiisi ana aa hị́ Ọyịvatụrọda 1:19

Ịjị Anisirẹrị nịnị raà mẹ̀ ịsa ọnị Ẹnẹyịmavara Ohomorihi ka yị wa, dị ẹ hụrị ataba Ịhọrẹbị zị oze ịrẹsụ ataba ẹkụra Anamọrị ịnị ẹtẹ vansa ene chire ọza angwa na ngụ Ịkẹdẹsị Ibaneya nị.

Iwe Ọhụhị Imosiisi ana aa hị́ Ọyịvatụrọda 1:2

Ẹkụhị ẹwụrọnya ọza a sị zị ụsẹ hụrẹ Ataba Ịhọrẹbị oze ịnị ataba Ịsẹyị va ngụ Ịkẹdẹsị Ibaneya nị.

Ijosuwa 14:6

 nyị ụmẹ ọnya aanị, ịnị ụmẹ ọnọọ Anisirẹrị vị ana yị kụ́ udi tụ́ Igirigari. Dị Ịkarẹbị ana vị ozi Ijehwụnẹ ana hụụnị abara Ikenazi kụ́ aza ọrụrụ hụrẹ ịrẹsụ Ijuda ve tù Ijosuwa nị. Dị ọ ka Ijosuwa óó tamayị ịrẹyị anị ọnị Ẹnẹyịmavara kà yị Imosiisi ana vị ọza Ohomorihi Ịkẹdẹsị Ibaneya.

Ijosuwa 14:7

Dị Ịkarẹbị ka ọnị vị ịrayị ẹbẹẹva ịnị ụmẹ ọnị Imosiisi sị tụ ọnị hụrẹ Ịkẹdẹsị Ibaneya ne re ẹtẹ Ikanaani. Avaba enube ọnị ọ sị vavẹ va ka yọ vị ana sẹ.